¹ Koo akulondolola kwankwatwa yakwe yesu kiristu, uwamwikwatwa lyakwe Davidi, mwikwatwa lyakwe Abrahamu. ² Abrahamu apapa Aizeki; Aizaki apapa Jekapu; Jekapu apapa; Yuda na wanyina; ³ Nawe yuda apapa pelezi nu Zela mwakwe Tamari; Perezi apapa Hezironi; Hezironi walinji weyisi wakwe Rama. ⁴ Rama apapa Aminadabu; Aminadabu apapa Nashoni Nashoni apapa Sarimoni; ⁵ Sarimoni apapa Boazi {mwakwe Rahabu} nawe Boazi apapa Obedi mwekwe Ruti} Obedi apapa Jose; ⁶ Jese apapa imfumu Davidi. Davidi apapa Soromoni mwakwe muka yuliya. ⁷ Soromoni apapa Rehoboamu Rehoboamu; apapa Abija; Abija apapa Asa. ⁸ Asa apapa Johoshafati. Johoshafati apapa Yoramu! Yoramu apapa Uzia. ⁹ Uzia apapa Jothamu, Jothamu apapa Ahazi, Ahazi apapa Hezekia; ¹⁰ Hezekia apapa Manase. Manase apapa Amoni. Amoni apapa Josia. ¹¹ Josia apapa Jekonia nawe nyina pampindi yino awa Isiraeli watwazilwe ku baberoni. ¹² Walanga pano wasendwa ukutwalwa ku Baberoni; Jekonia apapa Shertieli; Shertieli apapa Zerubabeli; ¹³ Zerubabeli apapa Abiudi; Abiudi apapa Eliakimu; Eliakimu apapa Azoli; ¹⁴ Azoli apapa Zadoki; Zadoki apapa Akimu; Akimu apapa Eliudi. ¹⁵ Eliudi apapa Eleazara; Eleazara apapa Matani; Matani apapa Jekapu; ¹⁶ Jekapu apapa Jozefu, emuka mariya wino walinji wenyina wakwe Yesu, wino wisilwe Ilyakwe Meseya. ¹⁷ Achaleka inkulo zyonsi zili Ikumi na zini.ukufumilila kwakwe Abrahamu ukufika kwe Davidi, nako ukufumila kwe Davidi ukufika kwakutwalwa kwa wa Israeli ku Baberoni Inkulo zili ikumi na zini. nako ukufumilila kumpindi yaku twalwa ku Baberoni ukufika ku nkwatwa yakwe mesaya kuli inkulo ikumi na zini. ¹⁸ Inkwatwa yakwe Yesu kiristu yarinji woo. Mariya Enyina wimalwanga nu Jozefu, ukuwa walanga pano atani amutwale amanyikwe kuno warinji na panji ku muzimu mwimichile. ¹⁹ Ejozefu wino wimalanga mariya, walinji Amulungamane; atalondanga ukumuhumbula, achaleka awakwelengania ukuti aleke ukumwimala nanti kuti wumwi amanye. ²⁰ Ala pano achili akulengania wowonye, umungeli wa mfumu e leza amulolechela muchilota ati, Jozefu, mwanakwe Davidi, utatina ukutwala Mariya ewakwako, amuno chino alinacho chafuma kumuzimu mwimichile. ²¹ Alikwata umwana monsi uyize umwite izina lyakwe Yesu amuno weliwenye alitula awasntu wakwe kuluwembu lwawo." ²² Ukuwa chonyichoo chachitwa alyakuti chino imfumu e Leza wavwanjizile mumulomo wamutumwa chifiswe, Ichakuti, ²³ Lolani e mwali musimbe aliwa na panji akwate umwana monsi, ayize ayitwe izina lyakwe Emanueli chino chikusuka ukuti, leza Ali naswe." ²⁴ walile Jozefu waziuka achitila ndimuno umungeli wa mfumu E Leza wamunenezile ukuti Atwale mariya, ²⁵ Atatela asunkane nawe suka umwana akwatwa, amwita izina ati we Yesu.