¹ Nabhabhwira emisango ginu ili ati mwasiga kunyamura. ² Bhalibhasosha anja ya masinagogi; chimali isaa eija inu unu kajokubheta kajokwiganilisha ati kakora mulimu gwa kisi kwa ajili ya Nyamuwanga. ³ Abhaja okubhakorera emisango jinu kwo kubhati mutakumenya esomwana noro anye. ⁴ Nabhabhwira emisango jinu iryaati omwanya gwa ganu okusoka, gukakinga, muriituka kutyo nabhabhwiriye. Ntabhabhwiriye kuusu emisango ginu kwambira kubhwambiro kwokubha naliga nibheye amwi nemwe. ⁵ Ori nagenda kuurya ariga antumire; nawe atariwo kati yemwe unu kambusha, "oujaki?" ⁶ Kwokubha naika amang'ana ganu kwemwe, obhusurumbaye bhwijuye mumitima jemwe. ⁷ Ata kutyo enibhabhwira obhuhaki: ni bhwakisi kwemwe nikagenda; kwokubha nikarema okugenda, omufariji atakuja kwemwe; nawe nikagenda enimutuma kwemwe. ⁸ Akataka naja, oyo omufariji, kaja okuhakikisisha echaro ebhikayo (utauwa) na ihukumu. ⁹ Kuling'ana nebhikayo, kwokubha bhaliga bhatakunyikilisha. ¹⁰ Kuling'ana na (utauwa), nkwokubha enija kurata na mutarindora kweki. ¹¹ No okuling'ana na ihukumu, kwokubha omukuru we charo kinu aramarire kukumkumirwa. ¹² v12Ninago mafu gokubhabhwira, nawe mutakuja okugamenya oryanu. ¹³ Nawe, omwene, womutima gwo bhuhaki, akataka naja, kabheresha gobhuhak gone; kwokubha ataryaika kwa ajili yaye omwene. Nawe wone wone ganu arongwe akajaike emisango giyo; na arijeresha kwemwe na aribhabhwira inguru ye misango jinu jirija. ¹⁴ Omwene ankumishe anye, kwokubha arigega emisango jani najirasha kwemwe. ¹⁵ Ebhinu bhyone bhinu anabhyo rata nibhyani; kwa kutyo, naikati omutima oguja okugega emisango jani najeresha kwemwe. ¹⁶ Guchari mwanya mufuyi, mutakuja okundora kweki; na gukaturao mwanya mufuyi kweki, omujoukundora." ¹⁷ Bhario abheigisibhwa bhaye mbabhwirana, "nichinuki chiyo kachibhwira, "mwanya mufuyi, na mutakundora kweki, na nimara mwanya mufuyi mundora', na 'nikwokubha enija kurata?" ¹⁸ Kwahiyo bhaikire, nikinuki kiyo kaika, guchari mwanya mufuyi? kitakumenya kutyo kaika rinu kaika." ¹⁹ Yesu arorere ati bhendaga okumubhusha, wone nabhabhwira, omwibhusha abhene kuhusu linu, kutyo naikire, 'guchari mwanya mufuyi, mutakuja okundora kweki; na gukatura mwanya mufuyi omundora'? ²⁰ Ikilisha, ikilisha, enibhabhwira omurira no okwarama, nawe charo kilijomerwa, mulibha no bhusurumbaye, nawe obhusurumbaye bhwemwe bhurifumbura mbubha bhujomewe. ²¹ Omugasi kabha no bhusurumbaye omwanya gunu kabha no bhusungu kwokubha omwanya gwo kwibhura gukingire; Nawe akebhura omwana, atakuituka kweki mafune kwokujomerwa kwaye ati omwana ebhurwa mucharo. ²² Emwe one muno bhusurumbaye ori, nawe enijookubharora kweki; nemitima jemwe ejijomerwa na atario wokusoshao obhujomerwa bhwemwe. ²³ Orusuku ruyo mutarimbusha ebhusyo ryone ryone, mwikilishe, mwikilishe, enibhabhwira mukasabha ryone ryone ku rata kabhayana kwesina ryani. ²⁴ Kukingira oryanu muchari kusabha ryone ryone kwesina ryani, musabhe, emwe wone okujaokuramira iryaati obhujomerwa bhwemwe bhuswerane. ²⁵ Naroma nemwe kwekabhila rinu litakumenyekana, nawe isaa eija inu nitakuja kuroma kabhila inu itakumenyekana, nawe badala yaye enija okubhabhwira abhweru bhweru kuhusu Rata. ²⁶ Orusuku ruyo murisabha kwesina ryani, na ntakubhabhwira ati enija okusabha ku Rata kwa ajili yemwe. ²⁷ Kwokubha rata omwene abhendere kwokubha ati munyendere anye, nokubhaati munyikilishe ati nisokere ku Rata. ²⁸ Nisokere ku Rata nijire mucharo, kweki nasoka mucharo na nagenda ku Rata." ²⁹ Abheigisibhwa bhaye mbamubhwira, "warora, wori ouroma abhwerubhweru na utakuroma kwa mafumbo. ³⁰ Ori chamenya ati umenyere emisango jone na utakwenda munu wone wone akubhushe ebhusho. Kwobhugajuro bhunu chekilisha ati ousoka ku Nyamuwanga. ³¹ Yesu nabhasubhya, "Ori mwekilisha?" ³² Rora, isaa eija, yee ne chimali yakinga, ori omunyaragana bhuri umwi mumusi gwebho munsiga anye omwenera. Nawe ntari anye omwene kwokubha Rata ari nanye. ³³ Nabhabhwira emisango jinu iryaati musi yani mubhe no murembe. Mucharo munebhikayo, nawe mwiyane omutima, naiga echaro.