¹ Anye nanye Paulo omugaya. Unu atari mugaya kusoka kubhanu na ntaturiye kumunu, Nawe kutulira ku Yesu Kristo na Nyamuwanga Rata unu hamsuruye kusoka kubhafuye. ² Chiryamwi na abhairi bhone nanye, enandikira amakanisa Gabhagalatia. ³ Libhando libhe kwemwe no obwikirisha kusoka ku Nyamuwanga Rata weswe no Mukama Yesu Kristo. ⁴ Unu esosisye omwene kwobhukai bhweswe ati achigombole kumwanya gunu gwamabhibhi, kusokana bhwendi bhwa Nyamuwanga weswe na Rata. ⁵ Kumwene bhubhe bhutukufu bhwa kajanende amina. ⁶ Narugula hati mwachuka bhwangu bhwangu kuja munjiinjiri ijindi. Enirugula ati omuchukira kula kusoka kumwene kunu abhabhwiriye kwa ribhando rya Kristo. ⁷ Italio ati iliyo injiri indi, nawe bhariyo abhanu abhandi bhanu abhabhakolera amasango okwenda kwindura injili ya Kristo. ⁸ Nawe noro chibheye eswe amwi (Malaika) kusoka kurwire alibhangajisha kwemwe (Injili) yindi kasiga irya chatangajishe kwemwe na eimwi. ⁹ Kutyo chaikile kubhwambiro, naoli enandika kweki, "Labhe aliyo munu alitangaja kwemwe injili indi kusiga ilya mwaramiye bhamwiime." ¹⁰ Kwo oryanu enagara obhumegesho bhwa bhanu amwi Nyamuwanga? Enagara kubhajomisha bhanu? Labhe enigendelela okusaka okubhajomisha abhanu, anye ntari mtungi wa Kristo. ¹¹ Bhairi enenda emwe mumenye ati (injiriinu natangajishe itakusokana na bhanu. ¹² Ntailamiye kusoka kumunu, wone mteigisibhwe (mubhadara gwaye, yabheye kwobhufundukuye bhwa Yesu Kristo kwaye). ¹³ Mwamalile kugwa inguru yo obhurame bhwani bhwa inyuma mu Dini ye Kiyahudi kutyo naliga nili ninyashaga kwobhururu likanisa la Nyamuwanga jaidi yekilengo no kulinyaraganya. ¹⁴ Naliga nagendeleye mu Dini ya Kiyahudi (jaidi) ya bhaili bhani abhafu abhayahudi. Naliga nikajene muno mumila ja bharata wani. ¹⁵ Nawe Nyamuwanga ajomewe kunyaura anye kusoka munda ya mai. Ambilikiye anye kutulila libhando lyaye. ¹⁶ (Ili) okwelesha omwana waye munda yanye, ati mutangaje omwene mubhandi abhanu abhamataifa. Mtendele kwagala obhushauri bhwa mubhiri na rwamba. ¹⁷ Nitalinyiore kugenda Yerusalemu kubhwarya bhaliga bhabheye abhagaya anye nchari. Niela nigenda bhwarabuni nimala ninsubha Dameski. ¹⁸ Nimara miaka esatu narinyire kugenda Yerusalemu kumusogerera kefa, nikara nawe naku ekumi rumwi ne tanu. ¹⁹ Nawe ntabharorere abhagaya abhandi tari ni Yakobo, omuiri waye Omukama. ²⁰ Ringira ubhutangasha bhwa Nyamuwanga ati ntakubhajimya kirya enandika kwemwe. ²¹ Mara nigenda mumikoa gya Shamu na Kilikia. ²² Naga ntakumenyekana kwa meso kumakanisa ga bhayahudi garya gariga gabheye mubhu Kristo. ²³ Nawe bhaliga mbongwera, "Omwene unu ariga nakinyasha ori katangaja obhwikilisha bhunu ariga nainyamura." ²⁴ Bhamurere Nyamuwanga kwa ajili (yanye).