Isura ya 1
1
Paulo, omugaya wa Yesu kubhwendi bhwa Nyamuwanga na Timotheo omumuwa wasu.
2
Kubhekirisha abhanu bha Mungu bhana bhatana bhikayo na abhasu abhetongeye mu Kristo bhanu bhari kolosai, omurembe gubhe nemwe, no obhusimbisi bhwo okusoka kurata wa murwire.
3
Echisima ku Mungu, Rata wo Omukama weswe Yesu Kristo na echibhasabhisi kira mwanya.
4
Chongwa okwikirisha bhwemwe ku-Yesu Kristo ne eryenda rinu munaryo kubhana bhanu bhasorerwe bhanu bhatana bhikayo bha Mungu.
5
Kubwisige bhunu munabho bhunu kubhikirwe murwire mubhikiwe, mwonguwe kubhwisige bhuyo kwing`ana ryechimari okurasha.
6
Kunu kwijire kwemwe, na kunjira iyo iyo, okurasha okwamba etwasho na erinyaragana charo chone, yabhiye nikora kutya munda yemwe kusambira orusiku runu mwongowe no okumenya Omurembe gwa Mungu mubhukweri.
7
Kunu nkwo okurasha kunu mwonguwe kusoka ku Epafura, omugaya wejasu, omwene mugaya mungwani wa Kristo kuweswe.
8
Epafra akorere eryenda ryemwe rikumuke kweswe kumutima.
9
Kuryenda rinu, kwambira, orusukurunu chonguwe kutyo chichari kusiga okubhasabhira, echibhasabhira ati mumbone ombwenge bhwa obhwendi bhwaye mubhwengeso na mubhone obhwenge bhwo omwoyo.
10
Echibhaga nchisabhati murabhega muribhata mubwitongeye bhwa Omukama kunjira jinu ejijomera Omukama, echibha nchisabhati mwibhure amatwasho kukira ng`ana njomu na ati omukura mubhwengeso bhwe Echi Mungu.
11
Echisabha Muyanwe amanaga mubhuturo bhwone okusokana na amanaga mubhukuru bhwaye mubhurindirisi no obhwiikanyi bhwone obwurinyikanyi bhwone.
12
Echisabhati ati mwijomerwa, Omusima kuratya unu abhakorera mubhe no omugabho gwa abhasorwa mubhweru.
13
Achiruye okusoka mubhutungi bhwe echisute no okuching`anyisisha. naching`anyisisha mubhukama bhwo omwana waye omwendwa.
14
Kumwana waye china omwiruko na okwabhirwa ebhikayo.
15
Omwana nchijekekanya cha Mungu unu atakubhonekana, onwibhirwa wo kwamba we ebhibhumbwa bhwone.
16
Kurwokubha kumwene bhinu bhyone bhyabhumbiwe. bhinu bhibheye murwire, na bhinu bhibheye mucharo, bhinu ebhirorwa na bhinu bhitakurorwa, bhibhyo obhukara amanaga ebhinu bhwone bhyabhumbirwe no omwene na kurwomwene.
17
Omwene abheyeo ebhinu bhwone bhichari kubhao, na kumwene ebhinu bhyone ebhigwatana amwi.
18
No omwene niwe omutwe gwo omubhiri ati inyambaya Omukama, omwene ni bhwambiro, no omwibhurwa wo kwamba okusoka mubhafuye, kutyo, ana omwanya gwa okwamba mubhinu bhyone.
19
Kurwokubha Omukama ajomewe ati obhugobhisho bhwaye bhwone bhabhe munda yaye.
20
No okugwatana ebhinu bhyone kumwene kunjira ya omwana waye. Nyamuwanga akorere omurembe kuturira amanyinga go omusaraba gwaye nagwatanya ebhinu bhyone kumwone kunjira yo omwana waye ibhe nibhya mucharo amwi bhya murirwe.
21
Emwe one kumwanya gumwi,mwariga mwariga musigirwe na Nyamuwanga na mwariga mubheye bhasokwa mubhwengene ebhikorwa ebhibhibhi.
22
Mbe ori abhagwatanyishe emwe no omubhiri gwaye kuturira orufu, Akorere kutya okubhareta emwe abheru,bhanu mutari ne ebhisigikanyo imbere yaye.
23
Mkagenderera kurikirisha, rinu mukomeresibhwe no okubha bhakomeye bhutasoka kubhwiyikunyi bhwaribhasi rya injili inu mwonguwe, inu niyo injili inu yaubiriwe kukira chiumbe asi we orwire inu niyo injili inukuyene anye Paulo nibhaye mugaye.
24
Ori enikonderwa rinyaka ryani kurwemwe anye one enikumisha kumumbiri gwani chinu echirebha kunyasha rya kuristo kusoka kumubhiri gwaye guyo ni kanisa.
25
Anye ndimu gaya wa rikanisa, rinu okusokerera kuganu nayaghuwe kusoka ku-Nyamuwanaga okusokerera kwemwe okukumisha ring`ana rya Nyamuwanga.
26
Bhunu mbwo obhukweri bhwa imbisike inu yariga ibhisirwe mu miaka myafu na kunyibhuro mbe ori iri kubhweru kubhone bhanu abhakirisha kumwene.
27
Ni kabhanu Omukama endere okubheresha obhuribhi bhwo obhukora bhwa imbisika yo obhukweli mubhugaro nati Kristo ari munda yemwe ribhasi ryo obhukuru bhunu obhuja.
28
Unu niwe echirasha echiganya munu wonewone, no okwinyigisha munu wonewone kubhungano bhwone akorereki chirete abhanu bhone bhetongeye ku Kristo.
29
Kurwa jiyo. Anye eninyaga no okwikomesha okusokana na amanaga gaye ganu agakora emirimu munda yani kubhuturo.