¹ Nimuze none, muli abhatunzi mulile mujwi, dyo hejuru kuntambala ziliko zilaza hejuru yanyu. ² Ubhutunzi bwanyu bwononywe nivyambalo vyanyu nyaliwe nibhikoko vyonona. ³ Inzabhibhu yanyu namahera yanyu vyagiye mungese iyongese ilobhemeza nayo ilobhemeza iyo mibhili yabhu nkumu lilo. mwishiliyeho amashikanwa ganyu mumisi yihelezo . ⁴ Nimulebhe, ukulila kwabho abhakozi- bhadya mutalahembe impembo yabhiu yukusugula hagati mumilima yanyu kobhalalila nikulila kwa bhadya bhasuguye ivyimbugwa vyanyu Ukulila kwabho kusohoye kumwami wa bhami. ⁵ Mubhayeho kukwipfuza kwiyisi nukwinezelesha mwemwe nyene. mulivyibhuhisha mumitima yanyu kumusi wo kubhaga. ⁶ Mumuchiliye ulubhanza nikumwicha muvuga wukuli wutoshobhola kubhakubhita. ⁷ Kulitwo nimwihangane, bhagenzi, kugeza kumwami nkumulimyi alolela ivyo yateye kuva hagati musi, aloleyekukwihangana kwage kugeza invura za mbere nazidya zimpelezo ziguye. ⁸ Kandi mwemwe nimubhe abhihanganye nimukomeze, imitima yanyu kuko ukuza kuwuholaho kulihofi. ⁹ Bhagenzi, nimuhole mulidodola mwemwe kuli mwemwe, ntimuze mukachilibwa ulubhanza. Lebha, umuchalubhanza ahagaze mumudyanko. ¹⁰ Bhadugu bhanje, nimulebhe, ikimenyecho cho kubhabhala nikwihangana kubhavugishwa bhagamba mwizina dyu mwami Imana. ¹¹ Lebhe, bhadya bhihangana, tubhita abhahiliwe, "mwalunvishije." kukwihangana kwabhu mulamenya chi Imana yamulonderako bhilinte ngene Imana yuzuye ikigogwe ni mbabhazi. ¹² Ikisumba vyose, bhenewachu, ntimuhalule kwijuru kusi awe kundahilo yaliyo yose aliko ukuli hokubha ukuli nyene, muhakanye ati oya mubhemwahakanye ati oya nyene. kugilango ntimulogwe mulubhanza. ¹³ Haliho umuntu wewese muli mwemwe alinumubhabhalo? Bhimukwiliye asenge.umuntu, wewese yoshobhola kukelebhuka? ¹⁴ Ndabhajije, hagati yanyu haliho wu gwaye? na acha abhahamagala abhazehe bhomulusengero nabho bhazehe mulusengero bhasenge hejulu yage bhamusiga amavuta mwizina dyu mwami. ¹⁵ amasengo yichizero gokiza wagwaye, nu mwami Imana alomuhagalicha niho yobha yakoze ichaha, Imana yo mwijuru ili nikigongwe. ¹⁶ Kulitwo nimwihane ivyaha vyanyu ,mwemwe kuli mwemwe, nikusengeranila umuntu na mugenzi wage, kugilango mushobhole kukizwa. Amasengo yumugololochi yakola ibhintu bhinini. ¹⁷ Eliya yali umuntu wivyiyunvilo nkatwebwe yalasenze kumwete ngwi mvula ntigwe, imviula ntiyaguye kumwanya wi myaka zitatu ni myezi mukaga. ¹⁸ Kandi Eliya asubhila kusenga, ijuru lilasesa, imvura hejuru yisi insi yivyara ivyimbugwa vyishi. ¹⁹ Bhenewachu, haliho umuntu wewese muli mwemwe yova munzira yukuli, aliko uyundi muntu akamugalukila. ²⁰ namenye yuko umuntu wewese amufasha umunyavyaha kuva munzira yubwononyi alokiza umutima gwage kuva mulupfu nukufundikila ubwinshi bwi vyaha vyage.