¹ Bhagenzi bhanje, sibheshi bhanyu mugombezwa kubha abhigisha, mumenya yuko mulokwakila ikihano kilenze. ² Kuko bhose tulachumula kunzila nyishi. kuli wewese abha atachitaye hagati ya amagambo yage, uyo numuntu umwelanda, alashobhola kuhana umubhili gwage bhose hamwe. ³ Tulashilaho ijambo vyokusobhanula hagati yiminwa zabhu nukutwanera, natwoshobhola kuhindila imibhili yabho yose. ⁴ Menya kandi yuko imeri,niho hali nini nikusunugwa nubhu yaga bwishi, itwagwa ulibhanga lutonyi chane kugenda hohose hagomba nahodha. ⁵ Kulintwo, ululimi ni nkitukitoyi chu umubhili kuko kilishimila manini chane, lebha ikibhila kinini choshobhola kutuligwa kilichochose ibhishati bhitoyi vyumulilo! ⁶ Ululimi nikumulilo, nisi yi vyaha yasizweho kumibhili yachu ukiyanduza imibhili yachu nikushilaho inzira yu ibhulanyi mukuzimu. ⁷ Kuva ubwoko bwibhi koko vyomukisanze,ivyo ni ivyavura, ni ibhilemwa vyo munyanza bhilagigwa nabhantu. ⁸ Aliko ntawuliho umwana wumwe wu muntu umwe azibhila ululimi; nubhubhi, bhutatekanye bwuzuye ibhuganga bwokwicha. ⁹ Kululimi tulahimbaza umwami wachu na data wachu, nikulitwo tulabhavuma abhantu bhalemwe kukigereranyo chi Imana. ¹⁰ Hagati yi iminwa kuvugwa amajambo yimihezagiro nukuvumwa.bhagenzi bhanje amajambo nkayo ntigagombwe ntiyabhetwo. ¹¹ None, isokwe limwe lilatanga amazi agabheleye nagabhi? ¹² Bhagenzi bhanje, none, ikiti chumutini cho vyara amazetuni, awe umudhabibu govyara amatini niho hobha isokwe dyamazi yi chunyu. ¹³ Ninde mulimwemwe alinubhushobhozi nubhumenyi? ego umuntu uyo yelekane vyakola vyiza hagati mubhikogwa vyage ukwichisha bhugufi kuva mukwihangana. ¹⁴ Aliko ukabha uli ninzigo ilenze nuubhubhi bwo ukwishima mumitima yanyu, ntiwishime ni kuvuga ubhubheshi uhakana ukuli. ¹⁵ Ubhusubwenke bwululuka kuva mwijulu, aliko nivyahano hasi sivyo mulipwe nivya amashinga. ¹⁶ Kuko ahali inzigo nukwipyuzya, haliho amalengalene nivyokola bhibhi. ¹⁷ Aliko ubwenke bhuva hejuru ubwambere bhulabheleye kandi ulukundo amaholo ukwitonda bhilategeza ivyabhandi kumwitondo bhuzuye ikigongwe bhana ivyiza bhitatenganya abhantu kanaka.nukuli. ¹⁸ Ni chamwa chiza chukuli kitegwa hagati yamaholo kulibhadya bhakola ibhintu vyamaholo .