Isura 6

1 Abhahiiri bhaane, muran`gure kobha omokendichanyu asarirye, imwe bhanomokokangatwa ne Ekoro endendu, momoreche na momogaruche kwa bhonyoohu. Nawe mwiyangarire, motaaza imwesu kogemwa. 2 Mwiyangore imirigo, hayo neho mukuhicha imigiro ja Kiriisito. 3 Mmbe, omooto wowoosi wono akwirora kobha ane enzobhooro kokera abhakendichaze, wuyo ataana nzobhooro yoyoosi, ariikangirirya umwene. 4 Itwose torore zeteemwa zeteemwa itubheene. Areebhe omooto arakora amazomu, hayo aratora kwikumirya amang`ana amazomu gano akurire. Nawe atiireng`aan`ya na amang`ana gano akorire, 5 ko kobha itwosi toragega imirigo jeto itubheene. 6 Omooto wono akwigibhwa eng`ana ya Mungu, amosondere umwija waaze ebhegero ebhezomu bheno abhweni. 7 Mutiikangirirya, Mungu atahaaregwa. keno omooto akohamba, necho araagese,. 8 Wono akutuna isimoka yo obhobhe, aragesa ukurichwa kurwa kusimoka yo bhabhe. Nawe wono akutuna Ekoro endendu, aragesa obhohoru bhwa kemwrano kurwa kwe Ekoro endendu. 9 Na totaniha kokora amazomu,ko kobha turiigumiirirye kokora amazomu, ribhaga riraahike toragesa bhwaheene. 10 Mmbe, hano toreebhone umweya, tokorere abhaato bhoosi amazomu, kenda abhiisirirya abhakendichetu. 11 Morore chembu nandikire amaandeko amakoro, kohetera okobhoko kwane inyimwene. 12 Abhato bhayo bhakobhateka imwe mosaarwe, korereke bhasuukwe na Abhayaahudi. Nebho bhakwenda bhatanyaakibhwa igoro wu ukurwaza eng`ana yu uruku rwa Kiriisito komosarabha. 13 Na bhano bhasaarirye abheene, bhatakugwaimigiro josi. keno bhakwenda ne-kobha imwe mosaarwe, korereke bhiikumirye esaaro ye emebhere janyu. 14 Nawe inye netakwenda kwikumirya ing`ana ryoryosi kuruiushaku urukurwo Omokoro weeto Yeesu Kirisito komosarabha. kohetera uruku rwaze, amang`ana goosi ge eese gataana nzobhooro kwa niinye. Akuure nu ubhwikari bhwana bhwe ekere komosarabha. 15 Kosaarwa hamwe kotama kosaarwa, etaana nzobhoro yoyoosi. Ekegero ekekoro ni kubhumbwa bhuhya na Mungu. 16 Omorembe ne ebhegongi bhebhe na abhato bhoosi bhano bhakokora amaheene gayo, bhayo nebho abhaatu bha Mungu. 17 Mmbe kwema nangweno omooto wowoosi atanyaacha, ko kobha inye nena zekaamo komobhere gwane igoro wo okohokerya Yeesu. 18 Abhahiiri bhaane, ebhegongi bhyu Omokoro weeto Yeesu Kiriisito bhebhe hamwemwe na niimwe. Garame.