1 Mmbe, ring`ana reno nikwenda kobhabhoorera ni-kubha wowoosi wono akogamba ebhegero bhya wiise akeere mwana, atakereene na mboosa, naqngabha ebhegero bhyosi ibhyaze. 2 ribhaga ryooai, umugabhi ahaabha ariiyaase wa abhareri na abhaato bhano bhakwimeererera ebhegero bhyaze, kuhika ribhaga reno wiise eendire. 3 Na niitwe ebhuebhu, ribhaga reno Kiriisito aare akeere kuuza, tware ncha abhana, tware bhaabhusa bhi isimoka yeno ekokangata eese. 4 Nawe hano ryahikire ribhaga reno ryateerwe, Mungu akatoma Umwana waaze koose, akiibhurwa no omokari, mumigiro ja Musa. 5 Akstomwa asabhore bhano tware bhamboosa bhi imigiro ja Musa, korereke itwosi tobhe abhaana bha Mungu. 6 Mungu akatoma Ekoro yu umwana waaze mumyoyo jeto, ko kobha ni-bhaana bhaaze tore . Ekoro yiyo neyo ikugirya tomobherekere Mungu, "Bhaabha," 7 Nango imwe motare bhamboosa naatu, nawe ne-bhaana bha Mungu. Na ko kobha ne-bhaana, Mungu arabhagabhya. 8 Ikare hano mware moteeze Mungu, mware bhamboosa bhe emesambwa geno getare Mungu. 9 Nawe nangu, mumweze Mungu, woosi abheeze bhokong`u . Kwake moreenda kogaroka kosengera isimoka yeno ekokangata eese, yeno etaana obhonaja nu ubhwera bhwobhwosi? Moreenda kobha bhamboosa bhaabhu? 10 Mokeere moragwata zisigukuru ze ekeyaahudi? Moragwata zisiko zi imyeri na zu umwaka, kobha ni-zisigukuru zo okosooka Mung? 11 Nneroobhaha hamwe emeremo geno nakorire igoro waanyu, girimiire bhoobha. 12 Abhahiiri bhaane, nerabhasabha mobhe bhu ubhwiyagaaruri ncha niinye, ko kobha na niinye, ko kobha na niinye ekare naare nangi imwe. Hano naare hamwemwe na niimwe, motankoreere obhobhe bhwobhwosi. 13 Mweze kobha, ubhurwere bhono naare nabhwe, bhwagirirye nekabhona umweya gu ukubharwazera eng`ana enzomu. 14 Nangabha nekarorekanabhu, motandegire naabha konyanga. Nawe keno mwakorire ni-kunyiisirirya chembu mwangiisiriirye maraika wa Mungu, hamwe kwisirirya Yeesu Kiriisito. 15 Ribhaga rirya mware no obhozomerwa, nango kebhonekireke? Neragamba amaheene kobha, ribhaga rirya mwangaturire kwiha ameeso gaanyuna komg`a. 16 Awee nango, nebheere umubhisa waanyu ko kobhabhoorera amaheene? 17 Abhaato abhande bhayo bharakaja kobhanyaakera, nawe keno bhakobhamoherya ketare kezomu. Bhareenda kobhataan`ya na niinye, korereke mobhanyaakere ebho. 18 Maheene ni-ng`ana izomu kobhanyaakera abhande siko zoosi komang`ana amazomu. Mokerebhu nooro hano nekobha netare hamwemwe na niimwe. 19 Abhaana bhaane, nirumirwe naatu obhosongo igoro waanyu, chembu omokari we enda ahaarumwa obhosongo. Niriyiigwa ebhuebhu, kuhioka hano eteemwa ya akairiisito eraarorekane mozeteemwa zaanyu. 20 Nangabhegire hamwemwe na niimwe nangweno, hamwe naare neragamb a na niimwe kwa bhonyhoohu. Nena makebhwe igoro waanyu! 21 Momboorere bhano mukwenda kwikara iyaase wi imigiro ja Musa, muteeze chembu imigiro gikubhuga? 22 Yandikirwe momaandeko amarendu kobha, Abhurahaamu aare na abhaana bhabhere. Owomwe akiibhora na mbuusa waaze Haajira, no owonde na akiibhora na Saara mokaaze we ebhegero 23 Umwana wa mboosa akiibhurwa koseemi ya abhaato. Nawe umwana wa mokaaze we ebhegero, ewe akiibhurwa kobhorage bhwa Mungu. 24 Abhakari bhayo bharatora kogegwa nche ebherenjo bhyo obhorage. Haajira, ne-kereenjo cha rirage rye embere reno ryakorirwe kokegoro cha Sinayi. Abhaana bhaaze bhakiibhiurwa bhaamboosa iyaase wi imigiro ja Musa. 25 Abhaato bha yerusareemu bha nangweno. ni-bhamboosa iyaase wi imigiro ja Musa Bhayo ni-bhaambuusa ncha abhaana bha Haajira wono akutuubhanibhwa na rirage reno Mungu akorire kokegoro cha Sinayi mucharo cha Arabhiya, 26 Nawe Saara ariimeerera kobha orobheri rwa Yerusareemumwisaaro, ne-robheri rono ubhwiyagaaruri, na ruyo nerwe yiiya weeto itwe. 27 Yandikirwe MoMaandeko Amarendu igoro waaze, "Zomerwa, awe omogomba wono atakotora kwibhora, tiirya riraka wono ukeere kwigwa obhosongo bhu ukwitooran`ya umwana ko kobha abhaana bha wono aare atigerwe umwene ne-bhaaru, kokera wono aare nu umusubhe waaze." 28 Mmbe, nango abhahiiri bhaane, imwe ne-bhaana kurwa kubhurage bhwa Mungu, chembu Iisaka aar. 29 Nawe zisiko zirya, umwana wono iibhwirwe koseemi ya abhaato, akamonyaacha umwana wono iibhwirwe kobhonaja bhwe Ekoro endendu. Na siko zeno hoosi nembu ere. 30 Nawe Amaandeko Amarendu garabhugabhwe? Garabhoga kobha, "Heebha omokari mboosa hamwemwe nu umwana waaze, ko kobha umwana mboosa, atakotora kogabha hamwemwe nu umwana wo omokare we ebhegero." 31 Abhahiiri bhaane, itwe totare abhaana bha mboosa, nawe ne-bhaana bho omokari we ebhegero.