¹ Bhalaziye muruhane ulundi lwi Bhahari yumukowa wa abhaagerasi ² Hofi na hofi Yesu hoyali ahaaye ashoka mubwato, umuntu wumwe wumutima mubhi alaza iwaage ava mumanyansi. ³ Uwu muntu yaliyichala mumanyansi. ntawaliayobhola kumuzibhila, nakuminyororo, yaliyachiye iminyororo. ⁴ Yaliyatekewe mkanya kanini kumpingu zi minyororo, Aliko yalayichiye ni mpinggu yaalazononye, ntanuwaliho numwe wi Nguvu ukumusumba. ⁵ Umutaga ni joro yali kumanyansi na mumisozi yalalize nukwikebhagula wene nyene kumabhuye yakaze. ⁶ Hoyamubhonye Yesu alihidya yalilukiye iwage asohola yunama imbele zage. ⁷ Alalila kwijwi likuze, ugomba ndagukolele iki, ee! yesu umwana wimana ulihaluguru chane? ndakwisavye kumana wene yene ntuntese. ⁸ ''Nkuko yaliyalamubwiye, muvempo uwu muntu wewe Mtima mubhi. ⁹ ''Nawo alamubhaza, Izina dyawe ulinde ? nawo amuhindulila, ''Izina dyanje ndi Legioni, Kuko tulibhensi'' ¹⁰ Yalabhaseze kandi na kandi ntabhatwale hanze yuwundi mkowa. ¹¹ None umulongomnini wingurubhe dyali lilagiwe hejuru yumusozi, ¹² Nabho bhalamusega, bhagamba, nututume kungurubhetwinjire munda zabho.'' ¹³ Niho yabhemeye; Impemu mbi bhalabhavuyemo bhagenda kwinjila mungurubhe nazo zilkila mumisozi mpaka mwibhahali na zalizikwiye ingurubhe ibhihumbi bhibhili vyatagikiye mwibhahali. ¹⁴ Nabhaya bhali bhalagiye za ngulubhe bhalilukanze bhagenda kubhabwila ichobhabhonye hagati yimiji na hagati yintala. niho abhantu bhensi bhasohose bhagenda kulabha ichabhonese. ¹⁵ Niho bhaziye iwaYesu bhalamubhon umuntu yali avyukiwe niGisigo-yal nabhasilikale yichaye hasi, yambiswe yali nu bwenge bwage bhukwiye, nabho bhalamutinya. ¹⁶ Kulibhaya bhalibhabhonye ichakolese kwa wuya muntu yali afaswe nibhisigobhalamubwiye ichakolese iwage hanyuma bhalamubwila ichakolese kulizaNgurubhe. ¹⁷ Nabho bhalatanguye kumusega aveho hagati yumkoa wabho. ¹⁸ Na ahoyali yinjila yumutumbu, umuntu yafashwe nibhisigo yalamuseze agomba tujane hamwe nawene. ¹⁹ Aliko ntiyamweme, aliko alamubwila, gena imuhila iwawe naakubhantu bhawe ubhabwile ayagukoleye Data bhuja nimpano yaguhaye. ²⁰ Niho yagiye nugutangula gusambaganya amagambo yanini yuko yesu yakoze iwage muli Dekapoli, na kila wumwe atangala. ²¹ Na mukanya kuko Yesu hoyazabhuse mulundi luhande,munda yumutubwi(yimbote), umulongo wabhantu walakonganye wulamuzunguluka hoyali hambavu yibhahali. ²² Na wumwe wo mubhakuru bhulusengelo, yitwaa Yailo, yalaziye hoyamubhonye yaguye mumaguru yage. ²³ Alamsenga chane na chane, Inkumi yanje ntoyialegeleje gupfa, ndaguseze uze kumushilako amabhoko yawe halugulu yage huko yoyobhola ukulonka ubhulavyi.'' ²⁴ Niho yagiye hamwe na nyene, umulongo wabhantu wulamukwilikila nabho bhalamwegela hamwe bhalamuzunguluka. ²⁵ Haliho umugalagole wumwe yali amalaso yage yali yava chane kumyaka chumi nayibhili. ²⁶ Yalagolese ibhikwiye abhamuvula bhensi yalamaze ibhintu vyose vyoyalinavyo aliko ntiyagakize, aliko ntiyagakize. ²⁷ Yalalegeje inkuru za Yesu. niho yaziye inyuma yage mkanya kuko yaliahaye azezela mumulongo wabhantu, nawo alakola kuhambagwa chage. ²⁸ Nkuko yaliagamba nkakolako umwena wage gusa nchama kila." ²⁹ Hoyakozeko gusa, kwa kuva Amalaso kulahela naalitegeza mumubhili wage abhona yalakijijwe ukuva mungolane yage. ³⁰ Aho yene Yesu alibhuka muna yage wene yene Inguvu zilamuvuyemo, alahindukila inonino muliwamulongo wabhantu alabhaza ninde akoze kumwenda wage? ³¹ Abhigishwa bhage bhalamubwila, ulabhona uwumulongo haye wuguchumita nukukuzunguluka nawa gamba, ninde agukozeko?''' ³² Aliko Yesu yalalavye inonino kulaabha iwakoze ili jambo. ³³ Umugolagole,Amenya ichakolese iwage yalatinye nukudedemela. yalaziye nukugwa hasiimbele yage nukumubwila ukuli kwose. ³⁴ Alagamba iwage, Eee Nkumi, umwizero kulaguteye ubhulavyi. nugende kumwizero nugende ukile ingwala yawe.'' ³⁵ Hoyali agamba, abhantu bhamwe bhalaziye bhava kumukulu wulusungelo bhalagamba, Inkumi y6awe yilahweleye, nikuki uhaye umugola umwigisha?'' ³⁶ Aliko hoyategeje ichuko bhagavye, alabhabwila abhakulu bhisinagogi, ntimutinye nimwemelegusa. ³⁷ Ntiyamwemeleye wowose kulongozanya nawene ila Pettro Yakobo na Yohana mwenewabho na Yakobo. ³⁸ Bhalaziye iwabhu kumukuru wi sinagogi nawo alabhona akalulu, nukubhologa chane. ³⁹ Hoyinjiye munzu alabhabwila, nikuki mugaye na nikuki haye mulila? Umwana ntalahwela aliko alahuniye.'' ⁴⁰ Bhalamusekela, Aliko wene, alabhasohosa bhose hanze,alatola sewage na nyina wu Mwana na bhaya bhali hamwe nanyene, alinjila munzu halu Mwana. ⁴¹ Alatola ukubhoko kumwana alamubwila, ''Talitha chumi'' nkuko yogamba ''nkumi mtoyi, alagamba vyuka.'' ⁴² Honaho umwana alavyuka nugutambula(nkuko yali nubhugingo bwi imwaka chumi nayibhili) Honaho bhalafatwa nigitangaza kinini. ⁴³ Alagamba kwijwi likaze nkuko nta nta wowose agombegwaukumenya hejuru yili. ahweza alabhabwila bhamuhe ibhilibwa yankumi.