¹ Yesu hoyali atambula kuva Mwishengero, wumwe mubhigishwa bhage alamubhaza, Mwigisha, labha aya mabhuye yigitangaza na Mazu" ² Alamubwila, ulabhona aya Mazu manini? ntanibhuye naalimwe lilosigala hejulu yilindi litolotabwa hasi." ³ Nawo hoyali yichaye hejulu Yumusozi wimizeituni iyuma yishengero, Petro, Yakobo, Yohana, na andrea bhalamubhaza bhinyegeje, ⁴ Tubwile aya magambo yolabha dyali? nikiki ichelekano chaya magambo ukubhonekana?" ⁵ Yesu yalanguye kubhabwila, nimubhe maso ati umuntu wowose ntabhatagishe. ⁶ Bhensi bholoza kwizina yanje, bhgamba jewe nije, nabholobhatagikisha bhensi. ⁷ Homlotegeza ingwano nukuvugangwa Kwi gwamo ntimutinye ayo magamba ntimutinye ayo magambo bhilakwiliye ukubhonekala, aliko akanya ntikalashika. ⁸ Ikihugo kilokwitalika intanya nikindi kihugo. Nubwami intanya nubwami. holobhaho ibhidedemezo ahantu hatanye tanye, ni nzala. Iyo niyo ntango yubhubhi. ⁹ Nimubwe maso hobholobhatwala mpaka mumabhalaza, mulokubhitwa muma Sinagogi. mlohagalichwa imbele yabhaganze na bhami kunana yanje kubhaliho iwabhu. ¹⁰ Aliko Ubwami bhulovugwa kubhihugo vyose. ¹¹ Hobholobhafata nukubhalubhula, ntimutinye kwakiyachukomulovuga. mulakokanya. mulabhaza nikiki chukugamba ntihalobha mwemwe mlogamba nkilesye Ipwemu yela. ¹² Mwene wabhu alomubhulanya bwenewabhu ukufpa sewage numwana wage.abhana bhalohagalala intanya nabhasewage nu kutela bhahwele. ¹³ Mulogawa nachitwa muntu kunandda yi Zina dyanje. aliko uwulogumisha ukugeza kumpegwa, uwo muntu alokizwa. ¹⁴ Homulobhona ibhigayisho vyobhononyi lihahagaze haya holitakwiye kuhagalala(luwusoma ayamenye) niho abhali Yuda bhilukile Mumisozi, ¹⁵ Nawo uwulihejulu Yinzu, ntashoke hasi Yinzu kadi kutola chochose kilihanze, ¹⁶ Nuwuli Kumulima ntagaluke kutola umwenda wage. ¹⁷ Aliko bhalahumiwe abhobhagolagole bhalimokubhili kumwe na bhaya bhonsa mulizo minsi! ¹⁸ Nimusenge ntiyabhoneke akanya kimbeho. ¹⁹ Kuko halobha amagogwa manini, yataligize kubhoneka, ukuva imana yilemye igihugo, ukugezantya, ekaye nankantyo ntibhizakubhoneka kandi. ²⁰ Ukugeza hodatabhuja alokehesha imisi ntamubhili wulokizwa, aliko kunanda yabhateguye bhalochagula, alokehesha imisi. ²¹ Mulakokanya Umuntu wowose akabhabwila, labha kristo alaha! kandi labha ali haya! ntimwemele. ²² Kuko abhakristu bhubhubheshi bhalobhoneka bhalotanga ivyelekano vyukulumba, ukugilango bhabhabhehe, ukugela nakubhateguliwe. ²³ Nimubhe maso! nzandabhabwiye ayayose akanya katalashika. ²⁴ Aliko akanya kamagogwa mwizo misi, kubha lilasigwa kumwilima, Umwezi ntiwulomoleka urumoli kandi. ²⁵ Inyonyori zilokoloka kuva mukilele, ningoga zilimwijulu zilonyiganga. ²⁶ Niho bhalomubhona umwana Adamu ahaye aza kuva mubhiho. kungoga zinini nu bwela. ²⁷ Niho alotuma abhamalaika bhage nukubhakonganya hamwe abhateguwe bhage kuva ukuva impande zose. zikulu zine zikihugo kuva kuluhande ukugeza kulundi luhande gwisi. ²⁸ Kukiti nimwigane. nkakuya kwibhabhi lishobhola kutola nukusinga kwamabhabhi yage. niho mulomenya ati ichi lilihofi. ²⁹ Niko bhili, homulobhona aya magambo yabhonekanye, mumenye yuko alihofi, nu mudyanko. ³⁰ Nukuli mpandabhabwila, ululuvyalo ntilulohita aya magambo yatalabhoneka. ³¹ Ijulu ninsi zilahita, aliko amagambo yanje ntiyalovaho nakatoyi. ³² Aliko kuluwomunsi kandi mliyonsa, ntawulomenya kan bhamalaika bhomwijulu kandi Umwana aliko Data. ³³ Nimubhe maso, labha, kuko ntimumenya akanya kande yalobhoneka(Gumisha: uwumulongo, ubweuwitwalilika nimulabhe nukusenga kuko ntiwuli vyateguwe muvyateguwe). ³⁴ Ninkumuntu ahayagenda ulugendo: akaleka inzu yage, nukusilaho umukozi wage ukubha umuganze winzu, chitwa wumwe nikikokwa chage.nukumubwila umuhagalikizi abhe maso. ³⁵ Kulintyo nimubhe maso! kuko ntimumenya Databhuja halogalukila imuhila, vyoshobhoka nikumuhumbo kani ijolo lilengelanye. akanya kinzogolo yibhika kandi mukitondo. ³⁶ Akabha aziye honaho ntasange ulaye. ³⁷ Kiya chohagamba iwawe ndakigamba kulichitwa muntu: nimugumishe"!