¹ Yesu alavaho aho kandi alagena mumkoa wabhayahudi nahantu imbele yumugezi Yorosani, nabhakolnye bhalamkwilikiye kandi. ² Nabhafarisayo bhaziye kumgeza bhalamubhaza, ''nikwenega umugabho gabho ugutana numgole wage?'' ³ Yesu alabhishula, ''Musa yagavye mkolente?'' ⁴ Bhalagamba, ''Musa yalemeye alanika ukwemeza kwukulekana nukumuhamana umugolagole.'' ⁵ ''Nukugilango imitima yanyu igumye niho ihubhona yabhandikiye yemelantyo '' Yesu yalabhabwiye . ⁶ ''Aliko ukuva intango yukulema, Imana yalemye umugabhogabho nu mugolagole.' ⁷ Kulintyo umugabhogabho alavahamwe na sewage nanyina wage achame afatana numugole wage, ⁸ Kandi abho bhabhili bhabha umubhili wumwe, kukwo sibhabhili kanddi bhabha umubhili wumwe. ⁹ Kulintyo icho asize hamwe imana Umuntu sagitanishe.'' ¹⁰ Hobhali munzu, abhigishwa bhage bhalamubhajije kani kwilyo. ¹¹ Alabhabwila,''uwowose alotana numugole wage nukwenda umugole uwundi, alobha hakola ubhusambanyi kuli wuya. ¹² Umugolagole nawo alese umugabho ahakola ubhusambanyi.'' ¹³ Nabho bhalamzaniye abhana bhatoyi abhakoleko, aliko abhigishwa bhalabhakankamiye. ¹⁴ Aliko yesu hoyamenyese ilyo, hihashimishijwe kwilyo alabhabwila, ''Nimubhalekule abhana bhatoli bhaze iwanje,kandi ntimubhache, kwuko abhalinkabha Ubwami bwimana nibwuwabhu. ¹⁵ Ukuli handabhabwila, uwowose atabhakila Ubwami bhimana nkumwana mtoli nukuli ntayobhola ukwinjila ukwinjila mubwami bwimana. ¹⁶ Kandi alabhatola abhana mumabhoko yage nukubhahezagila ahaye abhasigako amabhoko yage hejulu yabho. ¹⁷ Naho yatanguye ulugendo gwage umuntu wumwe yalamwilukiyena alafukama imbele zage, Alamubhaza ''Mwigisha mwiza, ngilente ngo yobhole guchula ukukomela kutahela?'' ¹⁸ Na Yesu alagamba. ''kuki uhampamagala umwiza? ntamwiza aliho, nkilese gusa Imana nyene. ¹⁹ Ulayamenya amategeko ''siwiche, ntukole ubhuzenga, ntiwibhe, ntuvuge bhitali vyukuli, ntubhehe, mukenguluke sowawe na nyokowawe.'' ²⁰ Wuta umuntu alagamba, ''mwigisha aya yose ndayakenguluka nkili igikwelele.'' ²¹ Yesu yalamulavye alamukunda. amubwila, ''ukeneye ikintu kimwe. ugombegwa uguze vyose vyubhanye ubhaheleze bhatiyobhola, kani ulobhawibikiye mwijulu, niho uze unkwilikile. ²² Aliko alalumba kwali yaya magambo yagavye. yalagiye wenenyene ali uwulumye kuko yali abhanye amahela menshi. ²³ Yesu alalabha impande zose na alabhabwila abwigishwa bhage, ''Nikadyo bhigumye kubhatunzi kwinjila mubwami bhijulu! ²⁴ Abhigishwa bhashangajwe kulayo magambo. Aliko Yesu alabhabwila kandi ''Abhana kobhili ibhigumye kwinjila mubhutwale bwimana. ²⁵ Nivyoloshe kwingamia kulenga mwitobholo lyulushinge, huko umutunzi kwinjila mubwami bwijulu. ²⁶ Bhalatangala chane bhalabwilana, "intyo ninde yokizwa" ²⁷ Yesu alabhalabha nukugamba, ''kumuntu ntibhishobhoka, Aliko kubwimana. kuko kumana yose yalashobhoka. ²⁸ "Petro atangula kuyaga nawene,"labha tulahevye vyose nukugukwilikila." ²⁹ Yesu alagamba, "ukuli hanabhabwila mwemwe, ntawuliho yahevye Inzu, chanke Umusaza chanke Umwishiki, chanke Nyinawage chanke Sewage, chanke Abhana nu Lusi, kubwanje na kwijambo. ³⁰ Wuko atololonka kijana gusumba ubhu Muntala: Inzu, Abhasaza, Abhishiki, Umuvyeyi,Abana, nu Lusi, kumagogwa, na Muntala yiza, nubhulavyi bhutahela. ³¹ Aliko bhenshi bhali bhintango bholobha bhimpelusi nabho bhimpelusi bholobha bhintango." ³² Hobhali munzila habhagenda Iyerusalemu, Yesu yali yabhalongoleye. Abhigishwa bhalatangaye, nabhaya bhalihabhakwilikila balatinye. niko Yesu yabhakuyeho hambavu bhaya chumi nabhabwili na alatangula kubhabwila ikilobhonekana iwage intya Hofi: ³³ ''Labha hatugenda mpaka Iyerusalemu, nu Mwana wa Adamu alasohozwa kubhatwale bhakuze, Nabhandika, bhamuchila ulubhanza afpe na bhalomutanga kubhantu Bhintala. ³⁴ Bhalomukengela, bhalomuchuka Amate, bhalomukubwita Inkoni, nu kumwicha. Aliko umunsi Wagatatu alozuka." ³⁵ Yakobho na Yohana, abhana bhazebedayo, bhalaje iwage nukugamba,"tulakugomba utugilile ichochose chotugusega." ³⁶ Yalabhabwiye, Mgomba ndabhakolele iki?" ³⁷ Balagamba tulekule twichale nawewe mubwela bwawe,wumwe mukubhoko kwawe kukudyo nuwundi mukubhoko kwawe kukubhenke." ³⁸ Aliko Yesu alabhishula,ntimumenya icho musenga. mwoyobhola kungwela mkikombe cho ngwelamo chanke mwoyobhola Ulubhatiza ndobhatizwa?" ³⁹ Bhalamubwila,''tulayobhola'' Yesu alabhabwila, Igikombe chongwelamo, mlakingwelamo.nubhatizo lyuko iwabho ntabhatijweko.vyolobhakundila. ⁴⁰ Aliko wichala mukubhoko kwanje kukudyo chanke kukubhoko kwanje kukubhenke sijewe ntanga,Aliko nikwabhaya bhikobhuko iwabhu bhaze bhalateguliwe." ⁴¹ Bhaya Abhigishwa bhandi chumi hobhategeje aya, bhalatangula kubhalakila Yakobho na Yohana. ⁴² Yesu alabhahamagala iwage na alagamba, mulamenya kuko bhaya bhipfuza kubha abhatwale bhabhantu bhamatala bhalabhongoza,na bhantu bhabho bhikimazi bhalobheleka abhahalizwa hejulu zabho.'' ⁴³ Aliko ntibhigombezwa kubhantyo hagati yanyu.uwowose alogomba gukula hagati yanyu bhigombegwa abhe umkozi wanyu, ⁴⁴ Nuwowose alobha uwa mbele hagati yanyu bhigombegwa abhe umukozi wa bhose. ⁴⁵ Kuko umwana wa Adamu ntiyaje gukolegwa aliko gukola, nukwitanga ubwulamvi bwage hohobhaye abhandi abha wene kubhenshi.'' ⁴⁶ Bhaza Iyeriko. hoyali havaho Iyeriko na bhigishwa bhage nabhantu bhenshi, Umwana wa Timayo Batimayo ahumye asegeleza yaliyichaye hambavu yinzila. ⁴⁷ Hoyategegeje ati ni Yesu winazaleti yalatanguye kwabhagana nukugamba "Yesu, umwana wa Daudi umbonele Ikigongwe!" ⁴⁸ Bhenshi bhalamwami wuya Impumyi,bhahabhamubwila aholele aliko yalalize kwijwi lilenze, ''Umwana wa daud,i umbonele Ikigongwe!" ⁴⁹ Yesu yalahagaze alabhalazimisha bhamzane. "bhalamuhamagala wuya Impumyi, bhabhagamba ati wikimazi! vyuka! Yesu ahaguhamagala." ⁵⁰ Alata hambavu Ikoti dyage,aliluka chane, nukuza iwa Yesu. ⁵¹ Yesu alamwishula nukugamba, "ugomba ndagukolele iki?" wuya umugabhogabho wimpumyi alamwishula ''Mwigisha,ndagomba ukubhoa.'' ⁵² Uesu alamubwila, "genda. umwizelo waawe wulagukijije." ahonyene amaso yage yachayabhona na alamukwilikila Yesu Mwibhalabhala.