¹ Aho kuntango hali haliho neno, niho neno yaliho iwa Mungu, nawo neno yali Mungu. ² Uwo kuntango yali iwa Mungu. ³ Vyose vyalakolese iyuwo; wala hatali wene ntacha kolese chochose cha chakolese. ⁴ Muli wene nimwo hali halimo ubhukomezi, nabwo bhuya bhukomezi hali ulumoli gwabhantu. ⁵ Nagwo luya lumoli, lulabhona mumwilima, wala umwilima ntiwa liyobhoye. ⁶ Hala ziyeho umuntu, atumwe ukuva iwa Mungu, izina dyage Yohana, ⁷ Uwo yaziye, kukugambo ili agambe luya lumoli, bhose bhalonke ukwemela kuli wene. ⁸ Uwo siyabhaye luya lumoli, bali yaziye kugamba luya lumoli. ⁹ Hali halimoulumoli halisi, uwumsigilaho ulumoli kila muntu, aziye hagati yigihute. ¹⁰ Yali aliyo mgihugo, naho kuliwene igihugo yalalonse ukubhaho, wala igihugo sichammenyese. ¹¹ Yaziye iwage, wala abhaliho bhawage sibhamwakiye. ¹² Bali bhose bhamwakiye yala bhaye ubhushobhozi ugukoleka ukubha abhana bha Mungu, nibho bhaya bhadyemela izina dyage; ¹³ Abha vyawe, siyo kumalaso wala siyo kulukundo rwumubhili, wala siyo kulukundo rwu mubhili, wala siyo kulukundo gwu muntu, bali kuli Mungu. ¹⁴ Nawo neno yakolese ukubha umubhili alichala iwachu, natwe tula bhubhona ubhutugufu bwage, ubhutugufu nkubwu mwana pekee ava iwa Data; aluzuye inema yukuli. ¹⁵ Yohana yalamubwiye alakusa ijwi dyage alagamba, uwu niwo ndagavye inkulu zage yukugilanmgo uwuza inyuma yanje ala bhaye imbele yanje; nkuko yali kabla yanje. ¹⁶ Nkuko hagati yugukwiza kwage twebwe twese twalakiye, nineema hejulu yineema. ¹⁷ Nkuko itolati yatolewe kuku bhona kwa Musa; ineema nukuli vyaziye kukubhoko kwa Yesu Kristo. ¹⁸ Ntamntu yabhonye Mungu akanya kokose; Mungu umwana pekee ali hagati yigikalaza cha Data, uwu niwo yamtwikuluye. ¹⁹ Uwu niwo umgamvyi wage Yohana, abhayahudi hobhatumwe iwage abhakuhani na bhalawi ukuva Iyerusalemu ili bhamubhaze, wewe ulinde? ²⁰ Nawo yalemeye, wala ntiyanze, yalemeye kwamba, jewe niwo Kristo. ²¹ Bhalamubhaza, none niki? Uli Eliya wewe? alagamba, jewe siwene. Wewe ulinabii wuya? alishula ekaye. ²² Basi bhala mubwila, ulinde? tubhahe amajibu bhaya bhabha twaye. Ugambe nte hejulu yinafisi yawe? ²³ Alagamba, jewe nijwi dyu muntu alilila mwizima, nimugolole inzila ya Bwana, nkakuya koyagavye nabii Isaya. ²⁴ Nabho bhaya bhatumwebhali bhavuye kubha Farisayo. ²⁵ "Bhalamubhaza, bhalamubwila kuki none uhaye ubhatiza, utali wewe Kristo, wala Eliya, wala nabii wuya?" ²⁶ Yohana yalabhushuye hayagamba, " Hambayiza kumazi. Nantya, mwalimwemwe hayahagalala umntu womtabhatiza. ²⁷ Niwo wuya az kuza munyuma yanje, abhaye jewe singombegwa ugutebhulula imigozi yikilato chage. ²⁸ Ayo yalakolese iyo Ibethania hakuya yiyolodani, yoyali Yohana ahaye abhatiza. ²⁹ Umusi wakabhili wage alabhabhona Yesu ahaye aza iwage, alagamba labha, umwana wintama ya Mungu, atola ivyaha vyigihugo. ³⁰ Uwu niwo yagavye ihabari zage hayagamba, " Wene aza inyuma yanje numkulu kuliko jewe, kuko yali gafra yanje; ³¹ Sindammenyese wene, lakini yakolese intyo ili afunuliwe hagati yi Israeli, kukugilango ndalaziye hambatizwa kumazi." ³² Yohana yalashuhudiye, " Ndalabhonye mpemu hayagogoma hagati yijulu umfano wi hua, na yalasigaye halugulu yage, ³³ Jewe sindammenyekeje lakini wene yantumye ili nibatizwe kumazi yalambwiye, wuya wiko ulobhona Mpemu agogomye nukwichala lugulu yage, Uwu niwo abhatiza kwali Roho Mtakatifu, ³⁴ Ndabhona na ndashuhudiya kukugilango uwu numwana wa Mungu." ³⁵ Tena imisi yakulikiye Yohana yali ahagaze hamwe na bhanafunzi bhage bhabhili, ³⁶ Bhalamubhonye Yesu hayazenzela na Yohana hayagamba, "Labha, umwana kondoo wa Mungu" ³⁷ Abhanafunzi bhabhili bhalamtegeje Yohana hayagamba haya bhalamkulikila Yesu. ³⁸ Tena Yesu yalageuse nukubhalabha abhanafunzi bhaya habhamkulikila, na alabhabwila, " Mgomba iki?" Bhalajibu, "Rabbi, imaana yage umwalimu; wichala hehe?" ³⁹ Alabhabwila, "Nimze mumlabhe. "Kisha bhalagiye nukumubhona isehemu hoyali yichala; bhalichaye hamwe na wene umsi uwo, kukugilango hali amasaa yisakumi umango. ⁴⁰ Wumwe mwalibhaya bhabhili abhamtegeje Yohana hayagamba halafu alamkulikila Yesu yali Andrea, mwenewabhu Simoni na Petro. ⁴¹ Alabhubhona mwenewabhu Simoni na alamubwila, "Tulamulonse Masihi' ( yiko yitafsiliwa Kristo). ⁴² Alamzana iwayesu. Yesu alamulabha nukugamba, " Wewe ni Simoni umwana wa Yohana" ulokwitwa Kefa, "(imaana yage Petro). ⁴³ Isiku yakulikiye kumwanya Yesu hoyali agovye kugenda Igalilaya, yalamlonse Filipo na alamubwila, " Nkulikila jewe, " ⁴⁴ Filipo yali umwenyeji wi Bethsaida, umji wi Andrea na Petro. ⁴⁵ Filipo yalamlonse Nathanaeli nukumubwila, Tulamlonse wuya wiko Musa yandise ihabali zage kwi sheria na Manabii. Yesu mwana wa Yusuph, ukuva Nazareti. ⁴⁶ Nathanaeli alabhabwila, "Je ikintu gisole choyobhoka ugutokeya Nathanaeli?" Filipo alamubwila, nuze ulabhe." ⁴⁷ Yesu alamubhona Nathanaeli aziye iwage nukugamba, "Labha, Mwisraeli ukuli ukuli atabhanye ubhubhenshi munzu yage" ⁴⁸ Nathanaeli alabhabwila, "Umenyese nte jewe?" Yesu alajibu na alabhabwila, "Kabla Filipo atalaguhamagala howali hasi yigiti, ndalakubhonye.' ⁴⁹ Nathanaeli alajibu, " Rabi wewe ulumwana wa Mungu, wewe ulu mfalume wi Israel, " ⁵⁰ Yesu alabhishula hayagamba, kukugilango ndalakubwiye ndalakubhonye hasi yumtini je ulamini? ulobhona amatendo yakuze yasumba aya. " ⁵¹ Yesu alagamba, " Niwamini niwamini handabhabwila mlozibhona imbingu hazuguluka, nukubhabhona Impemu yela hakuka nukugogoma lugulu yu mwana wa Adamu."