¹ Kulintyo bhenewachu abhatakatifu bhubhusangi bhumuhemagaro womwijuru. mumusalile Yesu. Yatumwe nu mngere Nkulu kukwemela kwachu. ² Yali umwaminifu kumana. Yamteguye nkakuya ko Musa yaliumwaminifu kandi hakati Munzu Yi mana. ³ Kuko Yesu yabhehure kubha umunkengulunsi mnini ukusumba bwoyali afishe Musa. Kuko wuya aheye yubhaka inzu abhalugwa kubha umukengulusyi mnini ukusumba iyonzu nyene. ⁴ Kuko chitwanzu yubhekwa nu Muntu mnaka alikowuya ahaye yubhaka chitwa kitu ni Mana. ⁵ Nikwene Musa yali Umukengulusi Nkumukozi hakati munzu yose yimana atanga ubwaliho bwa Magambo yalogamba kukanya kaloza. ⁶ Aliko kristo nu mwana Emubhuhagalikizi bwinzu yimana. Twentwe ninzu yage tukabhatutatiye hakati mukwiyemeza numubhonekaro wukwiyemeza. ⁷ kulintyo ni nkakuya kwimbemu yela agamba Umusi mkabha mtegeje ijwi dyage. ⁸ Ntutenge umwoyo wawe kubhe uwugumye nkabhaisraeli kobhakoze hakati mubhuhakanyi Mkanya kukugelagezwa mmunyika. ⁹ Akakaliakanya kuko bhadata bhachu bhalampakanye kukungeza. kukanya kimyaka amachumane. bhalabhonye ibhikogwa vyanshe. ¹⁰ Kulintyo sindashimishijwe nugwo luvyalo ndalagavye Bhalotagika chitwa akanya mmitima yabhu. ntibhemenya inzila zanje. ¹¹ Ninkakuya kondalahiye kukilakali chanje. Ntibhaloja mwishimwe dyanje. ¹² Mubhe abhitwalilika. bhenewachu ntihaze kubhaho umtima mubhi wukutemeza. mlimwemwe. Wumtima wulogenda kulele ni Mana yikomeye. ¹³ Hanyuma mhaneingoga chitwa umntu nuwundi. kuko wumwe mlimwemwe ntabhe wumtima wugumye kukuhendwa ni vyaha. ¹⁴ Kuko tulabhaye abhasangi bhakiristo twifatanije ni ngonga zachu kukungovu mlinyene kuva kumwanzo kugeza kumwisho. ¹⁵ Kubwili bhizavyavuzwe. Umusi mkabhamtegeje ijwi dyage ntimtenge imitima yanyu kubhe iyigumye nkabhaisraeli ko bhakoze akanya kubhuhakanyi. ¹⁶ Nibhande abho bhategeje imana nukuhakana? Ntibhalibhaya bhose bhuko Musa yaliyongoje ukuva imisri? ¹⁷ Nibhande bhuko imana yalakiye kumyaka amachumane? sihamwe nabhaya bhakoze ichaha bhiuko imibhili yabhu yapfuye ilalamrusi? ¹⁸ Nibhande bho imana yalahiriye ati ntibheloja mwishimwe dyage nkilesye atalibhaya bhamkengeye wene? ¹⁹ Tulabhona ntibhashobhoye kwinjila mwishimye dyage kunanda yukutemeza.