¹ Akokanya Peturo na Yohana hobhali bhagamba na bhantu, abhala vwi bhikanisa na masadukayo bhalabhagiliye. ² Bhali bhala bhaye chane kuko Peturo na Yohana bhali bhabhigisha abhantu kugilango Yesu nuku ngamba hejulu yukuzuka kw age ukuva kubhafuye. ³ Bhala bhafashe nukubha shila mgufungo mpala mgitondo chakulikiye, kuko nowe hali umhumbo. ⁴ Nyamale abhantu bhenshi abhali bhalategeje amagambo bhalemeye, nubhwenshi bhwabha gabho gabgo abhali bhemeye bhala sahiliwe ukubha ibhihumbi bhitamu. ⁵ Naho dya soye mkitondo isiku ya kuli kiye, kuko abhakulu bhabho, abhazehe Nabha ndishi, bhose hamwe bhalakonganye Iyerusalemu. ⁶ Anasi umlavwi mkulu yali aliho, na kayafa, na Yohana, na iskanda, na bhose abhali alibhene wabho abhalavwi bhakulu. ⁷ Hobhali bhabhasizi bha Petro na Yohana hagai yabho, bhalabhajiye, “Kubhushobhozi bhindi, au kwizina linde mkoze ili?” ⁸ None, Petro, yuzuye mpemyela alabhabhwila, “Mwemwe abhakulu bhabhantu Nabhazehe. ⁹ Nkuko twebhwe isiku yumsi tilabhazwagizwa kubhela idyakoze lisole likozwe kumuntu uyu agwanye- kugenie yinde uyumntu yalate nzwe ubhukomezi? ¹⁰ None limenyekane idyo iwanyu naku bhantu bhose hagati bhi Izilaeli, kuko kwizina dya Yesu Kristo wa bhanazaleti abhaye womwa tegeje abhaye Imana yabhalamzuye kuva kubhafuye, nikunzilal yage none uyumntu abhaye ahagala aha imbele zanyu ali nubhukomezi. ¹¹ Yesu Kristo nibhiye abhaye mwemwe abhu bhasi mwalalikeje, nyamale dhabhanye dyatenzwe ukubha ibhiye likuze dya hambavu. ¹² Ntabhuliho ubwokovu hagali yumntu uwundi ayobhola yose. Kuko ntazina ilindi zinahefo yijulu dyo bhahawe awantu. Bhabha kwidyo tula yobhola kukizwa.” ¹³ None hobha bhoanye inguvu za Petro na Yohana. Na bhalamenya kuko bhali ali abhantu bhali ntwoyene bhatali. Nubhu menyi bhala lunywe. Bhalamenya kuko Petro na Yohana bhabhaye hamwe na Yesu. ¹⁴ Kuko bhala mboanye wuya mntu ya kijijwe alahagaze hamwe na bhene. Ntibhali, nikintu chukugamba lisumba ili. ¹⁵ Nyamale hobhali bhala bhwiye bha mitume bhagende imbele yumkongamano yibhalaza, bhalayaze bhene khwa bhene. ¹⁶ Bhalagauwe tubhagilante abhantu abha? Nikwene ukubha ibhitangazaa bwikushangaza bilakolese kukuchila iwabho ulamenyekana nakila umwe yichala Yelusalem, ntituyobhola kudyanga idyo. ¹⁷ Nyamale ili kuwa ijambo ntilikulile muliwene abhantu, nyamale tubhahane ntibhagambe kandi kumntu wowosee kwijina ili. ¹⁸ Bhala bhahamagaye Petro na Yohana munzu nukhubhalazimiza ntibhageze ukugamba wala ukwisha kwizinadya Yesu. ¹⁹ Nyamale Petro na Yohana bhalishuye nukubhabhwila, “Kabha alikwene mumaso yima yimana kubhakenguluka mwemwe kuliko imana, nimhukumwe mweyene. ²⁰ Kuko twebhe ntituyobhola kuleka kuyagamba amagamba yuko tubhonye nuku yategeze. ²¹ Huko tubhinyise chane Petro na Yohana, bhalalese bhagende. Ntibha yobhoye kulonka intingo yoyose kubhakubhita kuko abhwantu bhose bhali bhamushima Mungu kulikiya chala koleshe. ²² Umntu yali yalakiye ibhitangaza bhwagaiza yalonse akuze asumba imywaka amachumane. ²³ Uhuku yabhalese ntwoyene, Petro na Yohana bhalaziye kubhantu bhabho nukubhalaza bhose bhabhaye abhakuhani bhakuze na zehe bhalabhabhwiye. ²⁴ Ahobhayategeje, bhalakukije ijwi zabho kubha hamwe kwi mana nukugamba, bhwana wewe wabhunywe ijulu ni ntala ni bhahali na kila kimwe muli wene. ²⁵ Wewe ubhaye kubhumtima wela, kumunwa wa data wachu daudi, mkozi wawe, walaganywe, “Kuki abhantu bhamatiifa bhakoze ivulugu, na bhantu bhalasaliye ayamagambo amagambo yatakwiliye? ²⁶ Abhakhulu bhintala bhali panze kumwe nabhatawala bhala konhanye hamwe kusumba umwami na masihi wage.'' ²⁷ Nikwene, bhose helode na pontio Pilato, kumwe na bhantu bhatasali na bhantu bhiizila bhala konganye hamwe mlugo ulwa kusumba umukuzi wawe umwelanda Yesu wuku ya size amavuta. ²⁸ Bhalakonganye kubhahamwe kukola yose ayuko ukubhoko kwawe nulundo lwawe yalahamanye ukuvu kale yatalabhonekana. ²⁹ None bhahali yalabhe yalatisha ayo, na ubhakuhule abhakozi bhawe kuligamba ijambo dyawe kunguvu zose kuko. ³⁰ Kuko hugolola ukubhoko kwawe ukukiza ubhitangaza bhibhonekane kuku chila kwizina dyumkozi wawe umwelanda Yesu. ³¹ Hobhamaza kusenga abhali bhakonga niye hamwa lilanyiganyizwa, nab hose bhaluzuzwa na mpemu yela, na bhalaganywe ijambo dyimana kunguvu. ³² Ubwishi bhwabhaya bhemeje bhali nu umwoyo umwe nutima umwe, na nta wabhayeho na umwee mlibhene yaganuwe ngo chochose choyagajije chali kiwaga wene yene, ibadala yage bhali ni bhintu bwose ishilika. ³³ Kunguvu nini bhamitume bhala ubhushuhuda bhabho ukuhusu ubhufufuo bhu mwami Yesu, na ninema nini yabhaye hejulu yabho bhose. ³⁴ Ntihabhaye numntu wowose mili bhene yakehewe nibhagombwa, kuko abhantu bhose bhali nihati yibhibha nza au inzu, bhala bhidadaje nukuzana amahela nibhintu bhobhali bha gujije. ³⁵ NUkubhishila hefo yamagulu yamitume. Numgawanyo walakozwe kuli kila umumini, kugilongo kila umwe ukoyali alinibho agomba. ³⁶ Yusufu, mlawi, umtu ukuva kipro, yalahawa izina dya Bamabasi ni mitume (iyo itafasiliwa numwana wa falaja.) ³⁷ Alinumlima yalalidadaje na alazana amahela alazishila hefo yamagulu ya mitume.