¹ Itumwa na bhene wabhu bhaya bhali Yudea bhaategeje abhanya kihugo bhaladyakiye ijambo dyimana. ² Petro hoyaziye idya Iyerusalemu, kiyakidudi cha bhantu bhemeye bhojejwe bhalatangula kumjola bhagamba. ³ Ulifanyikaje na bhantu bhatogejwe nukudya na bhene!" ⁴ Aliko Petro yalatunguye kuvuga ivyakolesye kubweshi, agamba ⁵ Ndalimpaseyenga mmuji wi yafa ndabhona amaono yi chombo kishoka ukuva mwichuru mmakoma yose yane kilashuka iwanje ⁶ Ndalakilavye nukukisalila hejuru yage. Ndabhona ibhikoko vyamaguru yane bhichala mntala ni bhikoko vyomiporo nibhikokovyavula ni nyoni zamkilele. ⁷ Mpeza ndategeza ijwi ligamba na jewe vyuka, Petro bhaga udye. ⁸ Ndagamba sibhilintyo Data mmunwa wanje ntakilakwinjila ikintu chochose kitali uchera kandi ikichefu. ⁹ Aliko ijwi lilahindula kandi ukuva mwijuru ati kiya chimana velekanye ukubha kisore suchite kibhi. ¹⁰ Ili dyabonekaye katatu vyose bhila subhizwa mwijuru kaudi. ¹¹ Labha akokanya abhantu bhatatu bhali bhahagaze imbele yinzu yiya yotwalimo bhantumwe ukuva Ikaisaria ukuja iwanje. ¹² Impemu yilambwila ukugenda nabhene sinditanye na bhene. Abha bhagabhogabho bhatandatu bhalagenda hamwe na jewe twagiye kunzu yu muntu wumwe. ¹³ Yalatubwiye kuya koyabhonye Malaika ahegaze munzu yage agamba nitume iyaga ndamzane Simoni nawe akabha afishe ilindi zina yitwa Petro. ¹⁴ Alagamba ubhutumwa iwawe mlubwo ulokizwa wewe ninzu yawe yose." ¹⁵ Hondatanguye kuyaga na bhene impemu year yilaza hijuru yabhu nkuko yaziyw iwachu kuntango. ¹⁶ Ndibhuka amagambo ya Data koyagavye Yohana yabhatijwe kubwamazi aliko mlabhatizwa mmpemu year. ¹⁷ Kandi akasanga Imana yataze ibhigembo nkizoyatuhaye twebwe hotwemeye mlidata Yesu Kristo jewe ndinde go ndoshobhola kuheli za Imana? ¹⁸ Hobhateheje aya magambo ntibhagalukije nkilesye bhala shimye Imana bhagamba ati Imana yatanze ukwihana kunenda yabhanyakihugo kandi. ¹⁹ Kulintyo abhemeje bhuko amagogwa yatanguliye mlufvu gwa Sitefano bhalagabhanusye ukuva Yerusalemu abhemeje bhagiye kulele mpaka Ifoinike, Ikipro ni Antiokia bhalabhagwiye ubwaliho bhelekana Yesu wenenyene kubhayahudi atunuwundi wowose. ²⁰ Aliko bhamwe mlibhene nabhantu ukuva iikipro ni Krene, bhalaje Iantiokia nukugamba na nabhayunani nukumvuga Databhuja Yesu. ²¹ Nukubhoko kwimana kwalihamwe na bhene nabhantu bheshi bhalemeye nukuhindukilila Imana. ²² Inkuru zabhu zalashiye mmatwi yi shengero dyi Yerusalemu bhalamlungika Barnaba agende mpaka Antiokia. ²³ Hoyaje nukubhona ingabhane yi mana yalashimye nukubhaha mwoyo bhose bhasigale kumana kumitima yabhu. ²⁴ Kuko yulumntu mwiza yuzuye impemu year ni chizero na bhantu bheshi bhalagwila kumana. ²⁵ Ni haho Barnaba alagenda Itarso kumlabha Sauli. ²⁶ Hoyamlosye alamzana Iantiokia bhilabha kumwaka wose bhalakongana hamwe ni shengero nukubhingisha abhantu bheshi. Nabhihishwa bhiswe abha Kristo kubwambele idya Iantiokia. ²⁷ Namwizimisi abhanabu bhalashosye kuva Iyerusalemu kugeza Iantiokia . ²⁸ Wumwe mlibhene ni Agabo nidyo zina dyage alahagalala yelekakwa ni mpemu ati inzala yikaze yilokaza mkihugo chose ili dyalabhonesye mkanya kimisi ya Klaudio. ²⁹ Kulinyto abhigishwa chitwa wumwe kwa lose, bhamuwije kutwala umsaada kulibhenewabhu bhali mubhuyahudi. ³⁰ Bhakoze ntya; bhalatumye amahera kumabhoko yiwa Barnaba na Sauli.