¹ Wowose yemeje nkunko Yesu kristo yavyawe ni mana na wuya akunda uwazanywe na data ati alabhashima na bhana bhage. ² Kwili tumenya kuko tubhakunda abhana bhi mana.Ko tuyikunda imana nu gukwiza inkomelo zage. ³ Uku ni kwo kuyishima imana kuko tukwiza inkomelo zage.Ni nkomelo zage ntizemeye. ⁴ Nkuko uwavyawe ni mana alagihahaza igihugo ni vyenzelo vyachu. ⁵ Ninde ahahaza igihugo?Ni wuya yemeye kuko Yesu alumwana wi mana. ⁶ Uwo ni wo yaziye kumazi na malaso Yesu kristo ntiyaziye gusa kumazi yaziye kumalaso. ⁷ Nkuko hali bhatatu bhali ivyaliho. ⁸ Impemu amazi na malaso abha bhatatu bhalemelana data, ijambo, impemu yela. ⁹ Akabha twalitwakila ivyaliho vya bhantu,ubwaliho bwi Imana bwali bhusumbilje bwaho nkuko ubwaliho bwi Imana nu bwo ati nichaliho kumwana wage ¹⁰ Wene yizeye umwana wi Imana nichaliho muliwene nu wowose atemeye Imana ubhubheshi, kuko atemeye ivyaliho vyiko yazanye kumwana wage. ¹¹ Nubwaliho nibwo bwabhu ati Imana yaladuhaye ubhukomezi bhulimumwana wage. ¹² Uwufishe umwana alinubhukomezi, uwutafishe umwana wi Imana ntabhukomezi. ¹³ Ndabhandikiye aya amagambo mumenye nkuko mulimubhukomezi bwimisi yose, mwemwe mwizeye izina dyu umwana wi Imana. ¹⁴ Nubhu nibwo ubhushobhozi bwugushika imbele zage tukamusega chochose chotugomba nkuko twelekeje ulukundo gwage. ¹⁵ Nkuko tumenya ati alatumva yotulobha tumuseze aduhaye ducha tuyamenya ati twalamuseze. ¹⁶ Hakabha halumuntu abhona wuwage akola ichaha kitalichukwicha agombegwa gusenga kwi Imana, Imana yicha yimuha ubhukomezi hamvuga . ¹⁷ Nabhaya bhichaha chabhu kitalichukwicha ibhikogwa vyose bhitalivyukuli ni vyi chaha, aliko halichaha kitalichukwicha. ¹⁸ Tulamenya nkuko ati uwavyawe ni Imana atakola ichaha nkuko wavyawe ni Imana asigwa nezaneza, na wuya kilanga ntacho amugila. ¹⁹ Tulamenya huko twetwe tulabhana bhi Imana tulamenya hiko igihugo chose gifashwe na kilanga . ²⁰ Tulamenya nkuko umwana wi Imana yatuzaniye amadyo, ati tumenye ukuli nkuko tuli mukuli ati tulimuliwene mkuli, ati na mumwana Yesu kristo ni Imana yukuli nu bhukomezi bwimisi yose, ²¹ Abhana bhakundwa mwilabhe ni bhija.