¹ Nimulabhe ulu nulukundo lulinte kwiko Iman a yaduhaye ati twitwe abhana bhi mana, nantyo niko twitwa none igihugo ntikitumenya, kuko ntichamumenyese wene. ² Abhakundwa none na twetwe tulabhana bhi Imana, Naho bhitalabha ntibhilamenyekana kobhilobha, tulomenya kiko Kristo muko abhonese tulosa na nyene, tulomubhona kuya kwo ali. ³ Kilawumwe uwulobha ashobhoye mu misi yiza yelekenjwe iwage yiyuhagile wene nkiko yali umwelanda. ⁴ Kila muntu akola ivyiza abha atafashe ivyelekezo, nkuko uwutafeshe ivyelekezo alobha yononye. ⁵ Mulamenya kristo yazanywe ukuvanaho ivyaha, muliwene ntavyaha. ⁶ Ntanawumwe yichala muliwene agila ivyaha, Ntanawumwe agichila muvyaha akabha yamubhonye nukumutegeza. ⁷ Abhana mukundwa, ntimweze kubhehwa nu muntu wowose, uwukola masole nkiko Kristo yali akola masole ⁸ Uwukola amabhi ni wa kilanga nkuko kilanga yaliakola mabhi kuva kuntango, kulintyo Umwana wi imana yelekanywe yiche ibhikongwa vya kilanga. ⁹ Uwowose yavyawe ni imana ntakola ivyaha nkuko imbuto yi Imana yichale muliwene. ¹⁰ Kwili abhana bhi mana na bhana bha kilanga bhalamenyakana, uwowose atakola igisole siyo wi Mana kandi wuya atakunda wiwage. ¹¹ Kulintyo ubwo nibwo bhutumwa bwomwategeje kuva kela, ati du kundane twetwe na twetwe. ¹² Hitubhe nka Kaini yakoze amabhi yi chaha, umulumuna wage, Nikuki yamwishe? Niko vyoyali yikoza vyali bhibhi, vyumulumuna wage vyali vyiza . ¹³ Bhagenzi ntimwibhaze nkuko igihugokilobhagaya. ¹⁴ Tulamenya kwiko twavuye mulunfyu twagiye mubhukomezi, niko tulobhakunda abhagenzi wowose atabhanye ulukundo yama yalanfyuye. ¹⁵ Wowose yanka wuwage nu mwichanyi, na mulamenya kwiko ubhukomezi bhutahela bhutichala mumwichanyi. ¹⁶ Alintyo mulamenya ulukundo gwa Yesu kristo koyihanganyije gunfya kwi ajili yachu, Natwe tugombegwa kuyatanga {maisha} yachu kubhawachu. ¹⁷ None wowose alinibhintu amubhona wiwage, abhikeneye, ino hayazibhila mumutima wage ikiggongwe chage nulukundo gwi Imana gwichala inte muliwene? ¹⁸ Bhananje mukundwa hidushime kuminwa chanke kumagambo masa nono dukole nukuli. ¹⁹ Aliko tulimenya kotuli mukuli, ni mitima yachu ila bhimenya neza muli wene. ²⁰ Agasanga mumitima yachu twimenya Imana ilamenya gusumba imitima yachu na yene ibhintu vyose. ²¹ Bhakundwa agasanga imitima yachu yitalinibhibhazo tulahishiliza imbele zi Imana. ²² Chochose chotulosenga ukuva iwage tulohabwa kuko dufata inkomezi zage nuko dukola yashima imbele zage. ²³ Niyi niyo nkomelezo yage yitugomba twizele mwizina dyu mwana wa Yesu Kristo nugukundana twetwe na twetwe, nkuko yaduhaye inkomelo zage. ²⁴ Uwulozitinya inkozelo zage alobhashiza ku imana ni mama ilokwicha hamwe na yene, kulintotulamenya nkuyko alokwichala na twetwe kwa yiya mpemu yoyaduhaye.