¹ Paulo, umukozi wa Yesu kristo, yahamagawe kubha intumwa nu kuva hamwe na bhandi kubhwi injili yi Ima-na. ² Iyi niyo yiliya Injili yoyalaganye ke-la ukucha kubhabhonyi bhage, mumandiko gela. ³ Agateguliwe umwana wage, uwavyawe ukuva mumugana gwa Daudi kubhu umubhili. ⁴ We-ne yalatangajwe ukubha umwana wi Ima-na kubhushobhozi bhwi Impemu ye-la ku ukuzuka kwa abhaphfuye, Yesu kristo Data bhuja wachu. ⁵ Ukuhita muli we-ne twalakiye inzeru yu ubhutumwa kukukengeruka nu umwizigilo mu nsi zose, kubhwi zina lyage. ⁶ Mwi-zi insi, mwemwe kandi mwalahamagawe kubha bha Yesu kristo. ⁷ Ilikete ni kuli bhose bhali iyo Rumi, abhashimwa ni Ima-na, abhahamagawe kubha abhantu bhe-la. Izeru ibhe kumwe na mwemwe, na akavubhu kuva ku Ima-na, Data wachu na Data bhuja wachu Yesu kristo. ⁸ Ilya mbele ndashimila Ima-na yanje muli Yesu kristo kuli bhwanyu mwese, kukubha umwizero gwanyu gulagombwa munta-la yose. ⁹ Kukuha Ima-na ni chaliho chanje, wongiye nkolela kumutima gwanje muinjili yu umwana wage, ingene ndamvye muku bhavuga. ¹⁰ Imi-si zose ndasenga mumasengo ati kunzila zozose ndonke kwihelezo kubha nu bhushobhozi intya kukushima kwi Ima-na mukuza iwanyu. ¹¹ Kukubha ndi ni bhifuzo kubhabhona, kugila ndonke kubhaheleza mwemwe bhamwe impano yu mumutima, ndonke ukubhakomeza. ¹² Ya-ni, ndishimikije kushilwa mumoyo kumwe na mwemwe, kukuhita mumwizero gwa kila umwe wachu, gwanyu na yanje. ¹⁴ Ndi nu umusango kubha yunani na bhala-zi kandi, abhamenya na bhalandage. ¹⁵ Ku-li ilyo, kuluhande lwanje, je-we ndi tayali kubhabhwila injili iwanyu kandi mwemwe muli iyo Roma. ¹⁶ Kukumenya ntimbonela insoni injili, kukubha nubhushobhozi bhwi Ima-na bhuzana ubhukiza ku-li kila iwizeye, kutangula kumuyahudi, ni kumuyunani kandi. ¹⁷ Ubhukola neza bhwi Ima-na bhwalelekanywe kuva ku mwizigilo nikizero, nku-ko bhyayandiswe, ''umukola neza alambila kukwizela .'' ¹⁸ Kukubha ishavu li Ima-na lyalelekanywe ukuva mwijulu halugulu yu ubhwononyi nu bhukola nabhi bhwose bhwa abhantu, kunzila yu ubhubheshi bhalanyegeza uku-li. ¹⁹ Kukubha, bhyose bhyoyobhoka kumenyekana halugulu yi Ima-na bhi-li ahabhona iwabho. kukumenya Ima-na yalabhamenyesheje. ²⁰ Kukumenya amagambo gage gatabhonekana neza galasizwe ahabhona kuva ukulemwaku ubhwelelo. Galamenyekana kukuhita mubhintu bhyalemwe. Amagambo ago nu bhushobhozi bhwage bhwi mi-si zose ni ntangulo yu ubhulema. Inyishulo yage, abhantu abha ntibhali nilyo bhalogamba. ²¹ I-li ni kukubha, ni-ho bha-li bhamenya Ima-na, ntibhamukengelukiye we-ne nukumwizigila nki Ima-na, kandi ntibhamuhaye ishimwe. Aliko, bhabhaye abhalandage mu bhiyumvilo bhyabho, ni mumitima zabho zitagila ubhwenge zasizwemo umwilima. ²² Bhalihamagaye kubha abhamenyi, aliko bhali atabhwenge. ²³ Bhalapiluye ubhwela bhyi Ima-na atagila ubhononyi ku kisusanyo ki insuso yu umuntu ya-li nu bhononyi, ni yi-inzebha, yi ibhikoko bhili na magulu ane, ni bhyalemwe bhitatambula. ²⁴ Kulintyo Ima-na yalabhalese bhakulikile ibhifuzo bhi imitima zabho ku myanda, ku mibhili zabho bhatelwe insoni mu-li bhene. ²⁵ Ni bhene bhapiluye ukuli kwi Ima-na kubha ubhuheshi, alibho bhihezagiye nu kukolela ibhyalemwe bhaleka uwabhalemye, aliwo ahabhwa ishi-mo imi-si zose. Amina ²⁶ Kulintyo, Ima-na yalabhelese bhakulikile ibhifuzo bhyabho bhi ibhitela nsoni, kukubha abhagolegole bhabho bhalapiluye kukolelwa kwabho kwi ntangulo kubha intanya ni ngene bhakoleshwa kuva ke-la. ²⁷ Kandi, na bhagabho na bhene bhalalese kubhakolela ingene bhali bhalakilanye ibhifuzo bhene na bhene. Abha bhali abhagabhogabho bhali bhakola na bhyabhagabhogaho nka bhene ibhitabhakwiliye, alibho bhayakiye ikihano kibhakwiliye ukutagika kwabho. ²⁸ Kukubha bhalanze ukubha ni Ima-na mubhumenyi bhwabho, yalabhalese bhakulikile ubhwenge bhwabho bhutakwiye, bhakole amagambo gatakwiliye. ²⁹ Bhuzuye nu ubhononyi bhose, ubhukola nabhi, ibhifuzo nu bhubhi. Bhuzuye ibhubha, ubhwichanyi, ubhulwanyi, ubhubhehanyi, nu kugomba kubhi. ³⁰ Abho kandi nabhagambanyi, abhabhehelanyi, na bha igaya Ima-na. Bhali ni intambala, nu bhuchimba, bhali na amivuno. Bhe-ne nabhatunga ibhibhi, ntihakengeluka abhavyeyi bhabho. ³¹ Bhe-ne ntibhali nu bhumenyi; ntibhemeleka, ntibhali ni ishi-mwe lyi intangulo, kandi ntibhali ni ikigongwe. ³² Bhalamenya amate-ka gi Ima-na, ati abhantu bhakola agomagambo bhibhakwiliye uluphfu. Aliko ntibhakola amagambo ago, ku-sa bhe-ne kandi bhalemelana nabhaliya bhakola ago magambo.