¹ Na yagamvyavye iwabho. Ni kwene ngamba iwanyi, bhamwe mulimuemwe haliho abhantu bhahagaze hano ntibhalobhona uluphu bhatala bhona ubhuhilwe bhwi imana bhuza kubhushobhozi. ² Haheze imisi mukaga Yesu yalabhatoye Petro yakobho na Yohana kumwe na wene kumsozi bhoyene. Niho yatanguka kupiruka imbele yabho. ³ Imyenda zage garatanguye kubhela chane izela chane agela kusumba uwamesa wowose munsi. ⁴ Niho Eliya kumwe na Musa bhaje mbele Yabho na Bhali Bhagiye Bhagamba na Yesu. ⁵ Petro Alishura alamubhwila Yesu, Mwalimu, ni neza twebhwe kubhahano na tubhake ibhugambilo bhitatu kimwe chawe, kimye cha Musa na ikindi cha Eliya." ⁶ (Kukubha ntiyomenya ni kiki chukugamba bhalatimyije chane) ⁷ Iliho lyalaje nukubhatwiukila. Niho ubhwaku kuva mubhiho bhwagamvye. "uyu nu mwana wanjr wonshima, Mumtegeze wene." ⁸ Honaho hobhali bhalabha ntibhamu bhonye wowose kumwe na bhene aliko Yesu Musa. ⁹ Hobhali bhagiye bhashoka kuva kumsozi, yolabhabhwiye ntibhamubhwile umuntu wowose galya gose gobhabhonye mpaka umwana wa Adamu haloka zuka kuva Mubhapfuye. ¹⁰ Niho bhagabhise amagambo bhene nyene, Aliko bharashumuye ukuyaga bene na bhene ni kiki nilinde lyukuzulwa mubhafuye." ¹¹ Bhalamubhajije Yesu Kuki abhandika bhagamba bhigombezwa eliya atangule kuza. ¹² Abhabhwila, nikobhili Eliya alaza kukiza ibhintu bhose. Nikuki handitswe umwana wu Muntu bhigombezwa alonke amagolwa menshi na agaywe? ¹³ Aliko ndagamba iwanyu Eliya yalamaze kuza na bhalamkoleye nkingene bhagomba nkakulya inyandiko ingene zingene zigamba kuliwene. ¹⁴ Na Hobhaguruka kubhigishwa bhalabhonye ubhwinshi bhunini bhwa abhantu bhwa bhazunguruse na abhasadukayo bhali bhagiye bhaharika na bhene, ¹⁵ Niho bhamubhona ikidudi chose chala tangaye nukumwirukila kumha mwakeye. ¹⁶ Yalabhajije abhigishwa bhyage muharila na bhene kuliki?" ¹⁷ Mulibhene mwa kilya kidudi yalamwisi huye. "Mwaimu ndalamzanye umwa wanj iwawe, ali nibhisipo bhimute la ntagamba. ¹⁸ Nukumtela kuzuguma nukumugwisha hasi na nifulo mumumwa nukuhekenya amenyo nukukankatara. ¹⁹ Mslarabhasavye abhigishwa bhawe kumkukulako ilisigo aliko ntibhashobhoye." yalabhishuye ikivyaro kitemela ndoyichira na mwemwe mpaka nyali? Mungane iwanje." ²⁰ Bharamzanye umwana wage ilisigo holyambhona Yesu honalo lyahweje limu zugumisha. ²¹ Yesu yalamubhajije sewage, "Yabhaye ntya kuva lyali? sewage yalagamvye. "Kuva mubhwana. ²² Mugundi mwanya alagwa mumuliro au muruzi nukugeza kubhahonya. ukabha woshobhora utugirile ikigongwe na utufashe. ²³ Yesu Yalamubhwiye ukabha witeguye kila kintu kilasholbhoka kuli wowose yemeye. ²⁴ Honaho sewage wa wulyq mwaha yalalize nukugambha. "ndeweye numfashe kutemela kwanje." ²⁵ Mkanya Yesu hoyabhona ikidudi bhaliruse iwabho yalarikankaniye ilisigo nukugamba wewe kisigo nyabhuragi na we ntumya ndakubhwila umleke ntimwinjile kandi. ²⁶ Yalalize kubhushobhozi nukumubhigaguza umwana ni mpemu yala muvuyemo. umwana yalabhonekanye nkuwafuye niho bhensihi bhagamvye "Alafuye." ²⁷ Aliko Yesu yalamtoye kukubhoko Alahagagali ²⁸ Ho Yesu yinjira Mungu abhigishwa bhage bharamubhajije munama, kuki tuta shobhoye kulikulamo?" ²⁹ Alabhabhwila, "kwiyi ngene ntavano aliko kukusabha." ³⁰ Bhavuye halya nukuhita Galileya. Ntiyago mvye umuntu wowese amenya hobhali. ³¹ kukubha yalagiye abhwiliza abhigishwa bhage. yalabhabhwiye umwana wu muntu alogezwa mumabhoko ga bhantu na zitatu alozuka kandi. ³² aliko ntibhamenyese amabhwile gano na bhalatinyije kumubhaza. ³³ Niho bhashishise kapezinzumu, Hoyali Mungu yalabhabhajije Mwali Muyaga ibhiki Munzira? ³⁴ Aliko bhalaholeye kuko bhali bharila muzira ati minde yali mukuru chane, ³⁵ Yalichaye hai alabhahamagala chumvi na bhabhili kumwe na ahweze gamba na bhene " Ati wowose agomba kubha wa mbele bhigombezwa abhe wiheleo numukozi wa bhose. ³⁶ Yalavutoye umwana mtoli alamshira hagati yabho alamtola mumabhoko gage alagamba, ³⁷ Wowese amwakila umwana nkuyu kwizina lyanje yakila jewe na hakabha anyakiye ntanyakila jewe na hakabha anyakiye ntanyakila jewe kusa aliko uwantumye." ³⁸ Yohana yalamubhwiye, Mwalimu Twalamu mubhonye umuntu agiye atulako kwizina lyawe na tulamcha kuko ntatukulikila." ³⁹ Aliko Yesu yagamvye ntimumuche kukubhe ntawaliho uwalokora ibhikolwa bhimini kwizina lyanje na ahweje agamba ijambo libhi lyolyose kuli jewe. ⁴⁰ Wowese atakola nabhi alikumwe na twe bhwe ali uruhande lwachu. ⁴¹ Wowese uwalokuha ilikombe lya amazigukunywa kukucha uli wakristo nu kuli ndabhabhwil, ntalotaga ishimo lyage. ⁴² Wowese uwabhonesha abha bhatoli bhanyemelka jewe bhobhayu nezaiwage kubho helwa ibhuye mwijosi nukunugwa mwibhahali ⁴³ Hakabha ukubhoko kwawe kukakonesha kukate. Njanye kwinjira mubhuzima atakubhoko kuliko kwinjira mulubhanza namabhoko gose mumuliro gutazima." ⁴⁴ (Itwaralike ngu mche ahantu ho imvunya zitapha numuzilo kutazima ntigulimo mumaketega kera). ⁴⁵ Hakabha ukuguru kwawe kukononesha kukate ni neza iwawe kwinjira mubhula mwi uli ikimunga kuliko kunugwa muru bhanza na ameguru abhili. ⁴⁶ (Itwaralike ungu mche. Ahantu ho imvunja zitapha numuriho gutashobhola kuzimika ntigulimo kumaketega kela). ⁴⁷ Hakabha ijisho lyawe likononesha likulemo ni neza iwawe mubhuhilwe bhwi imana ulinijisho limwe kuliko kubha na amaso nukunugwa mukuzimu. ⁴⁸ Ahantu hali imvunja zitapha, numurilo gutazima. ⁴⁹ Kukubha kila wumwe alokomanywa numuliro ⁵⁰ Umunyu ni msole. Hokabha umungu gutaye ubhulyohe bhwage ulokolante gubhe nubhulyohe bhwage kandi? Mubhe nu muyu mulimwemwe nyene na mubhe na akavubhu kwa kila wumwe."