¹ Na yalavuye aho nukugenda iwabho na abhigishwa bhage bharamukurikiye. ² Isabhato hoyashika yaratanguye kubhwiliza mwi Sengero. Abhantu berishi bharamtegeje bharatangara. bharagamvye yalonse hehe amigisho gano.? Nubhuwengente ibhishangaza ni kumabhoko gage? ³ Je wuno ntali umusevemanda umwana wa mariamu, mudugu wa bhayakobho, Yose Yuda na Simoni? Je bhishiki bhage ntitwichaye na bhene hano nyene kumwe na twebhwe? Na ntibhashi mishijwe na Yesu. ⁴ Yesu alabhabhwila Umwanuzi ntakenguvu kwa atali mumji gwage na mwa bhalya bhachungu bhage ni umuhila iwage. ⁵ Ntiyabhaye akikola ibhishangaga aho yahweje abhashirilako amabhoko abhalwaye bhatoli bhahweza bhakila. ⁶ Yaratangaye chane kukutemela kwa kwabho yahweje abhamila ibhijiji bhobhatulanye alabhabhwiliza. ⁷ Yarabhahamagaye bhalya bhigishwa chumvi na bhabhili ahweza abhatuma bhabhili bhabhili. Yalabhaha ubhusho bhoji kuli shetani. ⁸ Nukubhabhwila utibhatole chochose wobhagenda ila inkoninsa Ntibhatole ibhilibhwa wala umfuko wala amahela. ⁹ Aliko bhambale ibhirato, na ntimtole ikanze zibhioli. ¹⁰ Na alabhabhwila nzu yoyose yamloyinjira nimwichale umo mpaka homulovaho. ¹¹ Nu mji goose gutabhakiya nukutabhategeza nimuveho mukunguta nibhyondo kumaguru ganyu habhe iwabho. ¹² Nabho bharagenda bhahaye bhasigule abhantu bhihane nukuleka ibhichumlo bhyabho. ¹³ bharabhihamye ibhisigo bhunshi na bharabhasize amavuta abhalavaje na bharakitava. ¹⁴ Umwami Herode hoyayumva ago kukubha izina lya Yesu lyalilimenyekana chana bhamwe bharagamvye, Yohana uwabhatizaji alazuse na kulyo ubhu bhushobhozi bhiri ibhitangaza yilakola mulimime. ¹⁵ Bhamwe mulibhene bharagamvye; Uyu ni Eliya. Sbhsndi bhagamba uyu umuhamuzi nka bhalyo abhanuzi bhakela." ¹⁶ Aliko Herode hoyayumva aga yalangamvye Yohana wondakase umtwe yazuse. ¹⁷ Kuko Herode wene nyenen yalatumye yohana afatwe na amagunge mukifungo kukubha Herodia (mgole wa msaga wage Filipo) Kuko yalamwimuye. ¹⁸ Kuko Yohana yalamubhiye Herode. "Ntaline za Kwimba Mgole Wa mwenewabha. ¹⁹ Aliko Herodia Yalanguye kumgaya na Yalagomba kumwicha, Aliko ntiyashobhoye. ²⁰ Kuko Herode yalamtinya Yphana amenya ati nu muntu wukuli umuntu wubhiwela na yamsize neza. Na hoyaliamtegeza yalabhabhaye chane. aliko yalashimye kumtegeza. ²¹ Niho hagela akenya kumelese kukwibhuka urusiku mukuvuka Herode yalabhalingani abhakuze bhage bhibhikolwa umubhala, abhamajeshi nibhilongozi (abhaganza)bhigalilaya. ²² Niho mkobhwa wa herodia yayinjiye nukutamba umbele yabho, alamshimisha Herode na Bharazi bhalibhichaye mkanya kibhilibhwa bhakumlenga. Niko umwami yamubhwiye umkobhwa, "Nunsambe chochose chumba naje ndakuha. ²³ Aramulahirila nukugamba chochose chomronsabha ndakuheza, ni ilihimba lyubhuganze bwanje. ²⁴ Alaturuka hanze alamubhaza nyinawage. Nsabhe iki? Alayamba, Umutwe gwa Yohana mbatizaji. ²⁵ Honaho alinjila imbele yu mwami alatangula kugamba. "Ngomba umpeze mwisahani Umutwe gwa Yohana Mbatizaji. ²⁶ Umwami yalabhabhaye chane aliko kukubha umulahi gwage nikubhalazi, ntiyashobhoye kumwangila choyamsavye. ²⁷ Aho umwami yahweje atuma umsirikale mwa bhakya nhasirikale bhage nukubhantuma bhaje kumzanila umutwe gwa Yohana. Umsirikale yalagiye kumkatamtawe ali mkifungo. ²⁸ Alagizana gwa mtwe mwi sahani nukumhega wulya mkobhwa na wulya mkobhwa amhezanyanawage. ²⁹ Abhigishwa bhage hobhayumva bhalagiye kutola iliziga bhagenda kuguzuka munyansi. ³⁰ Na abhatumwa bhalahuye (bharakonganye) Hamwe na Yesu, Bharamubhwila gose gose gobhakoze na gobhabhwilije. ³¹ Nawe alabhabhwila, nimje mwemwe nyenehano hatwenyene na luhuke katoli Abhantu bhenshi bhali bhagiye bhazanukuvaho na ntibhalense na kanya kukulya. ³² Aliko bhagegrla mwimashua bhagenda ahantu habhonyene. ³³ Aliko bhalabhabhonye na bhenshi bharabha menyese bhose bhaliruse kumaguru kuva mumijizose, nabho bharashika bhatarashika. ³⁴ Hobhashika pwani yalabhonye abhantubhenshi arabhagirila ikigongwe kuko bhali nkintama zitalinumlagizi (umungere)na arabhabhwiliza amagambo menshi. ³⁵ Akanya hokagenda chane abhigishwa bharamgila nukumubhwila, " Aha nahantu hali kusa na kanya kagiyekagenda. ³⁶ Ubhasezere bhagende mumji zilihamwe ni bhijiji bhajekwigurila ibhiribhwa. ³⁷ Aliko arabhishwa agamba, "bhaheza mwemwe ibhilibhwa." Bheramubhwila, toshobhora kugenda kugenda nukugula imikate za amahera yi dinari amajana abhili nukubhaha bhalye? ³⁸ Alabhabhwila, "Mli nimukate zingahe? Gende mulabhe! hobhalonse bharamubhiwila." imikate zitamu ni nsamaki zibhili ³⁹ Arabhabhwila abhantu bhichale kukwiko ngonya kubhyasi bhibhisi. ⁴⁰ Bhalabhichaza kumakundi gabhantuijana na amachumi atanu. ⁴¹ Yahwe atola imikate zitamu ninsamaki zibhili nukurabha haruguru alayihezagila ahweza abhaha abhigishwa bhashire mwa bhalya bhantu. Na yahweje agabhula zilya nsamaki zibhili kubhantubhose. ⁴² Bhalaliye bhose bharahega ⁴³ Bharakonganyije ibhipande bhimikate ibhiyasigaye, bhiruzula ibhikapo chumi na bhibhili na niphipande bhinsamaki. ⁴⁴ Bhali abhagabho gabho ibhihumbi bhita nu abhaliye imikate. ⁴⁵ Yahweje abhabhwila bhagegele mwimashwa bhagende urundi ruhande mpaka bethaida, mkanya koyati agiye abhasezera abhantu. ⁴⁶ Hobhali bhamaze kugenda, alagenda kumshiozi kusobha. ⁴⁷ hageze kumlenga na imashua yabho mkanya ako yilihagati yibhahari nawe yali wenyene kurusi. ⁴⁸ Ylabhabhonye bhagiye bhahangayika kusoza ingahi kuko umuyaga gwarabhakinya hegeye mkitondo alabhagila agiye atambhula haruguru ya amazi na yalagomvye kubhalengako. ⁴⁹ Aliko hobhamubhona agiye afambula haruguru ya amazi bharabha nubhobha bhiyumvila numzimu bharaporoka. ⁵⁰ kuko bhalamubhonya bhalabha nubhobha nihon yagamvye nabhene alabhabhwila, Muwe abhalinda ni jewe! Ntimubhe nubhobha." ⁵¹ Alinjira mumashua numuyaga gulaleka kuhita nabho bhalamtangara chane. ⁵² Nantyo ntibhabhaye abhamenya kulizilya mikate. kuko ubhwenge bhwabho bhwali bhumenya katoli. ⁵³ Nabho hobhakuka ng'ambo bharaso hoyen murusi lwa Nazareti imashua yilatura. ⁵⁴ Hobhaturuka hanze yimashua nihobhamumenya, ⁵⁵ Nhariluka kugamba mumkoa gose na bharatangula kubhazana abhalwaye kumachela, kila hobhayumva agiyeaja ⁵⁶ Hohose hoyayinjira Mubhijiji au mumiji au Murusi bhabhashira abhalwaye murugelero na bhamugongera abhalekule kufata mpindo lyumumwenda Bhose abhamufashe bhalakijijwe.