¹ Niho Yesu yatanguye kubhabhwiliza kubhisusilango alagamba "Umuntu yalateye umlima gumzabibu alazungurusa ulukuta na alimba ilyobho lyukushilamo inzaga. alubhaka umwara na ahweza alipangisha umlima gumzabhibu kubhalimyi bhimiza za bhu. ahweza agenda kuwele. ² akanya kalageye yalamtumye umukozi kubhalimyi mizabhibhu. kwakila kuva iwabho ibhyamwa bhimizabibu. ³ aliko bhalamfashe bharamukubhita nukumhama atakintu. ⁴ Alantuma umkozi uwundi bharamkorome mumtwe nukumkorela amagambo gibhitelansoni. ⁵ Yahweje amtuma uwundi nuyu wumwe bhalamwishe. Bherabhakoleye na bhandi bhenshi amagambo nkagonyene bhabha kubhita na bhandi kubhicha. ⁶ Yalinumuntu wumwe wukutuma umwana washima, Mawe yali wubhuheruka uwatumwe iwabho. Agamba, Bharomkenguruke umwana wanje." ⁷ Aliko abhapange bharagamvye bhene na bhen uyu niwo mchuzi nimze na tumwishe nu ubhuzi bhurobha bhwachu. ⁸ Bharamugiliye bharamwicha nukumtaga hanze yu mulima gumuzabibu. ⁹ Kulintyo ati alokoliki mwene umulima gumzabibu? aloza nukubhicha abhalimyi na aloguheza umulima gumzabibu abhandi. ¹⁰ Ntimulalonka isomo lyandiswe ntya? ¹¹ Ili lyavuye yu umwami na nilyukutangara mumaso gachu. ¹² Bharalondeye ingene yukumfata Yesu aliko bharabhatinga abhakonganye kuko ati yalagamvye umufano guli kulibhene. Bhahweje bhamleka bhagenda. ¹³ Bhahweje bhabhatuma bhamwe bhabhafarisayo naamaherodia iwage bhamtege kumagambo. ¹⁴ Hobhagerabho bharamubhwila mwalimu tula menya ati ntiwitwaralika ibhiyumyuvilo bhwwa wowese na ntubhonesha kuja uruhande rumubtu. Urabhwiriza injira yi imana mukuli. Je neza kuliha ikodi ya kaisali au kopo? Je toshobhola au kopo? ¹⁵ Aliko Yesu Yalamenyese ubhubhibhwabho nukubhabhwila kuki mugiye mungeza? Nimumpe indinary nshobhole kuyilabha." ¹⁶ Bharazazana Yimwe iwa Yesu alabhabhwila Je ni sura yande na mandiko gariko hano ni gande? Bharagamba ga kaisari. ¹⁷ Alabhabhwila mheze kaisali ibhintu vuya kaisari ni imana ibhintu bhi imana bharamshangara. ¹⁸ Bhahweje abhasadukayo bhagamba ati kuzuka bhalamgiliye bhalamubhaza bhagamba, ¹⁹ Mwalimu Musa yalandise ati hakabha undugu wu muntu aphye nukumsaga umgole wage unyuma yage alikoatasize umwana, umuntu alomtola mgole wa ndugu wage nukwilonkera abhana kuli ndugu wage.' ²⁰ Haloho abhadugu indwi wa mbele yalatoye umgole ahweza apha atazise abhana, ²¹ Wakabhili alamtola nawe alapha atasize abhana ni wakatatu akandi. ²² Niwandwi alapha atasize abhana. Mwisho nawa mgole gole yalafuye. ²³ Mkanya kukuzuka hobhazuka kandi le abhamgole wande? kuko bhulya bhadugu bhose indwi bhali bhagabho bhage." ²⁴ Yesu yalabhabhwiye ili ntalukukubha bhabhabheshi kukubha ntimumenya injandiko nu bhushusho bhwi imana? ²⁵ Mkanya kukuzuka kuva mubhafuye ntibhaloyimula na ntibhaloyinjila mu ndoa aliko bhalobha nkabhamalaika bha mwijuzu. ²⁶ Aliko kubhafuye abhalo kazulwa ie ntimwasonye kuva mkitabho cha Musa ingene imana yagamvye nukumubhwilqa jewe ni imana ya ibrahimu ni imana ya isaka ni imana ya yakobo? ²⁷ Wene ntali imana ya bhaphuye aliko yabhali nubhulamvi. Nikobhili mwalatagise." ²⁸ Wumwe mubhandika yalaje nukuyategeguza ibhiyago bhyabho. yala bhona ati Yesu yabhishuye neza. Yalamubhajije je ni tekalinde iligombezwachane kusumba yose? ²⁹ Yesu alishura iligombezwa nili tegeza israel umwami imana yachu, umwami ni wumwe. ³⁰ Bhigombezwa umshime umwami imana yake kumtima gwage gose, kumpemu yawe yose nakubhwenga na kubhushushobhozi bhwawe bhose. ³¹ Iteka lya kabhili nili bhigombezwa umshime mgenzi wewe nkingene wishima weww nyene. ntalindi teka lisumba lino." ³² Uwandika alagamba ni neza mwalimu ugamvya ukuli ati imana ni yiwe na ati ntayindi hagati yage. ³³ kumshimu wene kumtima gose nukumumenya kose na kubhushobhozi bhose wewe nyene. lilagombezwa chane kusumba isanda ni dhabihu zukuturila. ³⁴ Ho Yesu yabhona atanze ijibu lya sawa yalamubhwiye wewe ntulikurele nubhuhilwe bwi imana Bhahaweje aho ntanawumwe yagajeje kumubhaza Yesu amaswali gogose ³⁵ Yesu Yalishuye mkanya hayaliagiye abhwiliza mwi isengero (hekalu) alagamba, "Je abhandika bhagamba inte ati Kristo nu mwana wa daudi? ³⁶ Daudi wene nyene mu mpemu Yera yalagamvye kumwami wanje yichara mkubhoko kwanje kubhulyo mpaka ndabhakole abhansi bhawe kubha hasi yamaguru gawe ³⁷ Daudi wene nyene amuhamagara kristo bwana (umwami) Je nu mwana wa Daudi wa nte ? Na ihurilo likuru lyalamtegeje kukinyamuneza. ³⁸ kukwigisha kwage Yesu yalagamvye mwiyangalile na abhandika abhifuza kuambula ni kanzu yireshe nukuhabhwa mwakeye mungerelo. ³⁹ Nukwichara kubhitebhe bhyabhakuru mumasinagogi ni mumasikunkuru na muluhande lwa bhakuru. ⁴⁰ Na bhalya inzu za abhakechuru na bhasabha amasengo gazeshe ati abhantu bhabhabhone. Abhabhantu bhaloyakila urubhanza lunini." ⁴¹ Yahweje Yesu yichara hasi hofi ni lyombo li isadaka mungu muru handelwi hekalu. yaliagiye alabha abhantu bhalibhagiye bhatanga amahera mulyombo lisanduku. abhantu bhenshi abhatunzi bhasizemo amahera menshi. ⁴² hahweje umgole gole wumu kechuru wumukene yalaje atanga ibhipanda bhibhili bhizimbuka kumahera.. ⁴³ Yahweje abhahamagola abhigishwa bhagenukubhabwila yemele ndabhabhwila umgole gole wuno mkechuru alasizemo amahela menshi kusumba bhose abhamaze kutanga isadaka mwisanduku. ⁴⁴ Kuko bhose bhatanze kutokana nunshi bhwi ilonka lyabho; Aliko umgole gole wuno wumkechuru kuva mubhukene bhwage alatange amahela gose goyalinago agakoreshe mubhulamvi bhwage.