¹ Iyi ni ntangulo yi injili ya Yesu Kristo, umwana wi Imana. ² Nkiko yandiswe nu-bhubhonyi Isaya, "Labha, ndamutumye umuyumbe wanje imbele zawe, umwe alinganiza inzila yawe. ³ Ubhyaku bhu muntu ahamagara mumunyika, nimulinganize inzira ya Data bhuja mzigolole inzira zage." ⁴ Yohana yalaje, agiye abhatiza mumunyika nukuhubhili ulubhatizo lukwi hana kubhyi ikigongwe chi aha. ⁵ Ulusi lose lwa Yudea na bhantu bhose bhi Yerusalemu, bhalagiye iwage. Bhali bhabhatizwa na wene mumgezi gwi Yolodani bhi hana ibhyha bhyabho. ⁶ Yohana yali yambala umwenda gubhusinga(ingamia) indogobhe nu mukabha gu ulusato muntungu yage, yali alya inzige nu bhuki bhyo mwikungu. ⁷ Yali ahubhili nukugamba, "Haliho umwe agiye aza mvuyeho jewe ali nubhuyobhozi bhunsumba jewe, nti ndo yobhola nukunama hasi ukutekulula imigozi zi ibhilato bhyage. ⁸ Jewe ndabhabhatije kumazi, aliko wene alobhabhatiza mwemwe ku mpemu yela." ⁹ Mulizo misi Yesu yalaje ukuva nazareti yi Galilaya, abhatizwa na Yohana mumugezi gwi Yorodani. ¹⁰ Aho Yesu y unamuka (yibhuluka) ukuva mumazi, yalabhonye ijulu lyuguluse ni Impemu ishoka hasi kuli wene nki inkundwa. ¹¹ Nu bhwaku kuva mwijulu, "Wewe nu mwana wanje woshima. Ndashimishwa chane na wewe mwishamba, bhamalaika bhali bhamuhudumiya." ¹² Kulako akanya nyene Impemu ilamumiliza ukugenda mumunyika. ¹³ Yalichaye mumunyika imisi amachumi ane agiye agilaezwa na shetani . yali kumwe ni bhikoko bhya mwishamba, bhamalaika bhali bhamuzigama. ¹⁴ None ho-yohana yafatwa, Yesu yalaje Igalilaya agiye asigulila iinjili yi Imana, ¹⁵ Agamba, "Akanya kalageza, nu bhwami bhwi Imana bhilegeye. Nimwihane nukwiyizela iinjili". ¹⁶ Aho-yahita kulukombe lwi bhahari yi-Galilaya, yalamubhonye Simoni kumwe na Anderea mudugu wa Simoni bhagiye bhanuga amakila gabho mwibhahari, kukubha bhali abhalovi. ¹⁷ Yesu yalabhabhwiye, "Muze munkulikula, ndo bhapilura abhalovi bhabhantu," ¹⁸ Bhahweza kulako kanya bhasiga amakila gabho bhalamukulikila. ¹⁹ Aho Yesu yaliagiye atambula mbele katori, yalamubhonye Yakobho umwana wa Zebedayo kumwe na Yohana mugudu wage; bhali mubhwato bhagiye bhalinganiza amakila gabho. ²⁰ Aho nyene alabhahamagala nabhene bhala musiga se wabho Zebedayo alimulwa umwe nabhakozi bhalabhakolela, bhalamukulikila. ²¹ Naho bhashika Kaperinaumu, umisi gwi Sabato, Yesu yalinjiye mwisinagogi nu kubhwiliza. ²² Bhalalumvye amigisho gage, yali ni Imamulaka ntiyali-nkabhateguzi. ²³ Kulako kanya nyene haliho umuntu mwilyo Sinagogi lyabho yali nimpemu yibhyavu, yikisigo alagamba guzwa, ²⁴ Agamba, "Tuliniki chokukola na wewe, Yesu wa nazareti? Uze kuhonya? ndakumenya ulinde wewe, ulu welw wenenyene wi Imana!" ²⁵ Yesu yalankemeye ikisigo yagamvye, "Holela uve muliwene!" ²⁶ Cha kisigo kilamutga hasi nukumuvamo kigiye akila kubhyaku bhyi halugulu. ²⁷ Abhantu bhose bhalalumvye, bhalabhazanya kila umwe, "Ili niliki? Iyigisho lishasha lili nulibhanza? Nukukankamila ibhisigo bhibhi bhimukengulika!" ²⁸ Nizo nkulu zaje kukanya katori zalasambaye hose muliguliya umuwa gwose gwi Galilaya. ²⁹ Kuli kaliaya kanya kamwe ahoyatuluka hanze yi sinagogi, bhalinjie munzu ya Simoni na Andrea bhakumwe na Yakobho na Yohana. ³⁰ Nyina-bhukwe wa Simoni yali yalaye alwaye (inyonko) ihoma, bhahweza bhamubhwila Yesu yuko alwaye. ³¹ Ahweza aza, alamufata ukubhoko, nukumubhyula harugulu (inyonko); ihoma ila-muvako wene, atangula nukubhazigaziga (kubhazigama). ³² Umulenga ugwo akanya ki izubha lilose, bhalamuzaniye iwage bhose abhali bhalwaye, nabhali bhazugumishwa nibhisigo. ³³ Ulugo lwose lwalilukonganyike hamwe mumulyango. ³⁴ Yalabhabhajije bhenshi abhali bhalwaye amalwala ingene ni ngene nukubhakulamo ibhisigo bhinsi, aliko ntiyakulekuye ibhisigo kugamba kukubha bhyali bhimumnya. ³⁵ Yabhyuse mulukelwa, hakiliho umwilima; agenda ahantu hihihshije agenda ukusenga iyo. ³⁶ Simoni na bhaliya bholwali kumwe na wene bhalamulondeye. ³⁷ Bhalamubhonye bhalamubhwila, "Kila umwe agiye akulondela" ³⁸ Albhabhwila, "Tugende ahandi, hanze mubhindi, mumiji zizunguluse, kugila ati nyobhole ukuvuga ubhutumwa (ukuhubhili) iyo na hene. Niho ndaje hano." ³⁹ Yagiye ahita Igalilaya yose, agiye ahubili muma-sinagogi gabho nukubhikemeya ibhisigo. ⁴⁰ Uwali na mubhembe umwe yalaje iwage. Yali agiye amwigongera, yalafukamye nibhijwi alamubhwila, "Ukabha ugomvye, woyobhola kunkiza nkabha neza." ⁴¹ Alamubhonela ikigongwe, Yesu alakiliza ukubhoko kwage nukumukolako, alamubhwila, "Ngomba. Ubhe neza." ⁴² Kuli kaliaya kanya nyene umubhembe gulavako, ahweza abha neza. ⁴³ Yesu alamwihanya chane nukumubwila agende kuli kaliya kanya nyene, ⁴⁴ Alamubhwila, "Ntugambe ijambo lyolyose, liko nugende, wiyelekene iwa kuhani, utange intora kuluko kukuzwa, nki ngene musa ya (bhabhwiye) yabhabhigishije, nki bhyaliho iwabho." ⁴⁵ Aliko yansigiye abhyila kilaumwe nukusambaza ilyo jambo chane na Yesu ntiyayobhoye kandi ukwinjila mujini kukwiganza. Yalahweje yichala abhantu luhishje na abhantu bhali bhaza iwage kuva imili yose.