¹ Ntuche ulubhanza, nawewe kandi na wewe ukaza kuchilwa ulubhanza. ² Kukubhanza nawe ulinalo ulubhanza, kandi ulochilwa ulubhanza kandi kukigelo chugiye ugela na wewe kandi nicho ulogelelwa icho nyene. ³ Egoye nikuki ulalabha ulusate bhiliti lilimujisho lyamudugu wawe, aliko ntulimenya ilihimba ligogo alilyo lilimo mwijisho lyawe? ⁴ Oshobhola inte kugamba namudugu wawe, lindana tegela ndakukulilemo ilisate lilimo mwijisho lyawe? ⁵ Ulumujwejwe wewe; langula manza ukulemo igogo lilimo mwijisho lyawe, egoye niho uloshobhola kubhona ubhwiza nukulikulaho ilisate liliti lilimujisho lyamudugu wawe. ⁶ Tubhaheleze imbwa ikilinubhwela, kandi ntuzinugile ingulubhe indulu imbele yabho hondiho zilobhonona nukubhika ndagila namagulu, ego kandi bhalokupilukila wewe kandi nukulaluka ibhihimba himba. ⁷ Nusabhe, na wewe ulohabhwa londela, nawe ulolonka. niwuguluze, nawe uloyugululilwa. ⁸ Kuli wowose agiye asabha, alakila.egeye kuliwowose agiye alondela, alalonka. kandi kumuntu aliwo giye apiga hodi, aloyugululilwa. ⁹ Kandi haliho umuntu mulibhanyu alibho, akili umwana wage umusavye ilisate alamuheza ibhuye? ¹⁰ Kandi akabha amusavye insamaki, nawe akamuheleza inzoka? ¹¹ Kulilyo, hakabha mwemwe mulinubhubhi mulamenya kubhaheleza abhana bhanyu izawadi yisole, Intya! nikigelo kinde kusumbiliza Data alimwijulu alobhaheleza ibhintu bhisole bhalya bhagiye bhamusabha wene? ¹² Kubhwili ilyo, agiye ugomba kukolelwa ikintu chochose nabhantu abhandi, nawe kandi ugombezwa kukola intonyene kulibhene kukubhona ilyo nilyo teka lyabhabhonyi. ¹³ nimwinjile kukuhita kunzila yitoli. kukubha inzila yigali ninzila yilatutwala mubhononyi, kandi haliho abhantu abhandi bhahila mwiyonzila. ¹⁴ Inzila nintoli, inzila nintoli yitutwala mubhuzima kandi nibhatoli bhayobhola kuyibhona. ¹⁵ Mwiyangalile nabhabhonyi bhubhubheshi, bhagiye bhaza bhambaye ulusato lwi ntama, aliko kubhukuli nimbwebhwe zili nubhukali. ¹⁶ Kuma tunda gabho mulobhamenya intya abhantu bhalashobhola kwimbula amatunda kumahwa, kandi kuliti kumbuto yabhaludi? ¹⁷ Kungene iyo, kila liti lisole lilavyala amatunda masole, aliko iliti libhililavyala amatunda mabhi. ¹⁸ Iliti lisole ntilyoyobhola kuvyala amatunda mabhi, kandi iliti libhi ntilyoyobhola kuvyala amatunda masole, ¹⁹ Kila iliti litavyala amatunda masole lilotemwe nikunugwa mumulilo. ²⁰ Nonelelo, ulobhamenya kubhonekana na matunda gabho. ²¹ Ntali kila muntu alombwila jewe, 'umwami aloyinjila mubhwami bhwijuru, aliko niulya wenyene akola ulukundo lwadata wanje alimwijulu. ²² Abhantu bhenshi bhalombwila mulo lusi, Umwami,umwami, ntitwatanze ilyabhonekanye kwizina lyawe, kandi kwizina lyawe twalakoze ibhikolwa bhinshi?' ²³ Niho ndobhilukanya ahabhona, hindobhamenyese mwemwe! Nimuveho iwanje, mwemwe mukola nabhi none kila muntu!' ²⁴ None kilamuntu yumviliza amagambo ganje nukukenguluka alosusa numuntu alinubhwenge yubhase inzu yage haluguru yululale. ²⁵ Imvula yikagwa, amazi gakuzula numuyaga gukaza kandi ntiyiyobhola kugwa hasi kukubha yubhaswe hurigulu yamabhuye. ²⁶ Aliko kila muntu agiye yumviliza ijambo lyanje kandi aligumishije, alolinganishwa mumuntu umulandage yubhase inzu yage halugulu yumuchanga. ²⁷ Imvula yikaza, namafuriko garaza, ni-mboge yilaza nukuyikubhita inzu iyo. Yilagwa, nukunonekala kwage gulakwila." ²⁸ Hohageze mukanya aliko Yesu hoyahweza kugamba gano, magambo abhaliho bhalabhonye ikitangaza nabhigishwa gage, ²⁹ Kukubha yabhafundishije nkumuntu alinubhuganza, natwe nkabhandishi bhabho.