¹ Mwako kanya Helode yalategeje inkulu halugulu ya Yesu. ² Alabhabhwila abhakozi bhage, "Uyo niwo Yohana abhatiza yazuse kuva mubhafuye. Kwilyo inguvu zilihalugulu yage. ³ Kukubha Helode yaliyamufashe Yohana nukumubhoha nukumutaga mibhohelo kubhwili bhwa Helodia, mgole wa Filipo mwene wabho. ⁴ Kukubha Yohana yamubhwiye, "Ntalikwene kumutola wene kubha umugole wage." ⁵ Helode yomwishe aliko yalyatinyije abhantu kubhwili bhalamubhonye Yohana kukubha wene alumubhonyi. ⁶ Aliko mukanya kugomusi gukuvyalwa hoyagela inkumi ya Helode yalatamvye hagati yabhantu nukumubhezeleza Helode. ⁷ mwili lyukumwishula yalilahije nukulagana nukulahiza lyukubha alomuheleza lyolyose lyalobha amusavye ⁸ Hanyuma yaho yukuhanulwa nanyina wage,yalavuze, mpeleze jewe hano munkombe yumutwa gwa Yohana mubhatizaji. ⁹ Umwami yali namaganya kumasabho gumukobhwa, aliko kubhwilu bhukwilahiza kwage, kubhwili lya bhose bhali kubhilibhwa kumwe nawene yalalekuye lyukubha lilagombezwa likoleke. ¹⁰ Yalamutumye Yohana azanwe kuva mwibhohelo. ¹¹ Kugomba akatwe umutwe gwage guzanwe halugulu yisiniya na ahabhwe uyo mukobhwa na agutwale iwanyina wage. ¹² Yahweje akolako nukuza umwana shule wage nukugutola umubhili nukuguzika, hanyuma yili bhalagiye kumubwila Yesu. ¹³ Nao Yesu hoyumva ago yalisize hambavu nukuva halya nukugegela mubhwato nukugende muluhande lwalinganijwe, mwako kanya abhantu bhenshi hobhamenya yali, bhalamukulikiye lwamagulu kuva mjini. ¹⁴ Yesu yakozeko nukuza imbele yabho nukubhona ubhwinshi bhwabhantu, nukubhabhonela ikigongwe nukubhakiza amalwala gabho. ¹⁵ Holyagela kumulenga abhanashule bhalaje iwage nukuvuga, "Ulunuluhande lubhuga, kandi ulusiku holwalwila lumaze kuhita ubhagabhulilanye mumahulilo kugila bhagende mubhijiji bhaje kugula ubhilibhwa kulibhene. ¹⁶ Aliko Yesu yahweje abhabhwila, "Ntangene yukugenda intyonyene nimubhaheleze mwemwe abho ibhilibhwa" ¹⁷ Bhahweje bhamubhwila, "ayee ntibhiyobhoka tulinazo imikate zitanu ninsamaki zibhili kusa." ¹⁸ Yesu alavuga, "Muzizane iwanje." ¹⁹ Yakozeko Yesu nukubhabhwila abhobhantu kwichala hasi kubhyasi. Alatola imikate zitanu ninsamaki zibhili alalangamila halugulu mwijulu alahezagila nukubhega imikate nukubhaheleza abhana shule. abhanashule bhaweje bhabhagabhulila abhantu bhenshi. ²⁰ Bhalaliye bhose nukuhaga. Bhahweje bhabhikonganya ibhisate bhyose bhibhilibhwa nukubhyuzuza ibhikapo chumi na bhibhili. ²¹ Mwabhalya bhaliye bhalagelelanyije kubha gabhogabho kusa halibhihumbi amachumi myatanu hatalimo abhagolegole kubhalulwa nabhana. ²² Ahonyene hakozeko nukubha hamuliza abhana shule bhinjile mubhwato, mkanya akonyene wene yakozeko nukubhasezela abhantu bhose bhagende. ²³ Hanyuma yaho yukusezela abhantu nukugenda, yahweje agegela halugulu yumusozi nukutangula kusabha aliwene nyene. ²⁴ Aliko natya ubhwato hobhwagela hagati yuluzi bhwali bhuliko bhulahengama kubhwili bhwamabhimbi nimboge yaliyilengelanye yilimoyilahita. ²⁵ Mwilyo jolo lyuluzamu lwakane Yesu yalabhegeye, alimo alatambula halugulu yamazi. ²⁶ Mukanya abhana shule bhage hobhamubhona agiye agiye alambula haluguru yuluzi bhalabhanye ubhobha nukuvuga," Ugo numuzimu nukugamba kubhwaku mungene yubhobha. ²⁷ Yesu yakozeko nukubhabhwila kwilyo limwe, nukuvuga." Nimwiheze umutima! nijewe! ntimutinye." ²⁸ Petro yakoze nukumwishula, "Mwami, akabha ali wewe, numbwile inze iwawe naje ntambule halugulu ya mazi. ²⁹ Yesu alavuga "nuze ingo" Ahonyene Petro alavamo mubhwato nukutambula halugulu ya mazi nukugemda iwa Yesu. ³⁰ Aliko Petro hoyabhona amabhimbi yalatinyije nukutangula kuloka hasi nukuhamagala kubhwaku nukuvuga, " mwami,nunkize!" ³¹ Yakozeko nukuhita Yesu nukukiliza amabhoko kwage nukumukiliza Petro nukumubhwila kandi wewe uli numwezelo mtonyi, nikuki wali nubhobha nukwihahala?" ³² Niho Yesu kandi na Petro hobhinjila mubhwato imboge yakozeko nukuhela. ³³ Abhana shule bhali mubhwato bhakozeko nukumukenguluka Yesu nukuvuga, "Nikwene wewe ulumwana wi mana. ³⁴ Kandi hobha hweza kutambuka bhalasohoye mulusi lwa Genesaleti. ³⁵ Nabhantu bhamuloluhande uloho bhamumenya Yesu, bhalatumye intumwa kila luhande lulihambavu nukuzana kili uwali yalwaye kuva kela. ³⁶ Bhalamwingize lyukubha yoshola nukufata kwikoma libhyambalwa bhyage, nabhenshi bhafasheko bhalakijijwe.