¹ None abhatoza ubhushuru bhose na-bhandi abhali nibhyaha bhalaje iwa Yesu nukumuteza. ² Amafarisayo bhose na-bhandisi bhalagaya mumitima bhagamba, "Uyu muntu alabhayagila abhali nibhyaha na nukulya kumwe na bhene." ³ Yesu alagamba kumugezo guno iwabho, agamba ⁴ "Ninde iwanyu, uwali nintama amachumi chumi na uwatagikiwe na umwe mulabho, ntalobhaleka bhaliya achumi indwi ni ndwi mulutale, na agenge kuilondela yilya yatagise haloibhinela? ⁵ Nahene aibhonye alaishila kulubhega lwage nukushimila. ⁶ Hadulila kunzu, ahamagala abhagenzi bhage nabhaturanyi bhage alabhabhwila mushimile kumwe na jewe, kukubha ndaibhonye intama yanje yaliyatagise .' ⁷ Ndabhabhwila ntyonyene halobha ninshimo mwijuru kwabhaliya abhali ni-bhyaha umwe uwemeje, kulenza nabhatatekewe amachumi indwi nindwi abhatagomba kwemeza ku-mana ⁸ Kandi aliho umugole-gole uwali nirobho (isalafu) chumi zamahela, atagikiwe ni-robho limwe, ntaloyasa itala nukushagila inzu nukulondela neza hadi haloibhona? ⁹ Kandi ayibhonye alahamagala abhagenzi bhage nabhaturanyi bhage abhabhwila mushimile najewe, kukubha ndailonse kandi irobho yanje iyali-yatagise. ¹⁰ Kandi ndabhabhwila haliho inshimo imbele yabhamalaika kwi Imana kwaulya wibhyaha umwe uwemeje." ¹¹ Kandi Yesu alagamba, "Umuntu umwe yali nabhana bhabhili ¹² Ullya mtori alabhamubhwila sewage, Data mpeleze imali iyingeze ngene-ndi. None alagabhula imali zake muli-ziliya. ¹³ Imisi nizinshi uliya mtori alakusanya bhyose bhiyali aganza alagenda kunsi yakulele, na niyo alazimala ihela zage, kukugula ibhintu bhiyali atagomba, nukumala ihela zose kukukola bhibhi. ¹⁴ Nawene hoyamala bhyose bhyoyali yatwaye inzala yinini yilinjila mwalulya ulisi nawe alanza kugomba ibhintu bhiyabhweje kubhubhi. ¹⁵ Alagenda kusabha ikazi muli umwe mululya ulusi, nawe yalamutwaye kwishamba iwage kulisha ingulubhe. ¹⁶ Yali yiyumvila alye ibhisigajwe ni-ngurubhe kukubha hali atamuntu uwali amuheza ikintu chochose ili alye. ¹⁷ Ila ulya umwana mtori hoyayimvila mumutima gwage, yalagamvye 'Nabhakozi bhangahe iwa muzehe wanje bhalya ibhibhwa bhinshi chane nanje ndaha, ngenfa ninzala! ¹⁸ Ndogenda iwasewanje nukumubhwila, "Data wanje ndakosheje halugulu yijulu kandi nimbele ya maso gawe. ¹⁹ Hingombezwa kuhamagalwa umwana wawe kandi; nshile mubhakozi nkabhaliya bhawe." ²⁰ Niho yagenda iwa-sewage. Hoyali kulele sewage yalamubhonye alamubhonela ikigongwe aliluka ulubhilo nukumuyambila nukumubusu. ²¹ Ulya umwana alamubhwila, 'Data wanje ndakosheje halugulu yijulu kandi nuwawe hingombezwa kuhamagalwa umwana wawe.' ²² Ulya sewage alabhabhwila abhakozi bhag, 'Nimuzane muhuta umwenda gusole, mumwambike kandi nipete kulutoke nibhilato mumagulu. ²³ Halafu muzane intama yisole muyichinje tulye nukushimila. ²⁴ Kukubha mwananje yali yalafuye none alahema. Yali yalatagise none alabhonekanye bhalanza kushimula numpundu. ²⁵ None ulya umwana mkulu yalikumulima. Hiyali ageze yegeye hofi nuwabho yalumvise isauti yindilimbo zibhigelele. ²⁶ Alamagala umukozi umwe alamubhaza amagambo haloho iki? ²⁷ Umukozi alamushula mtori wawe alaje na sowawe alamuchinjilije intama uwabheleye kukubha alagaluse kumpole (kumaholo),' ²⁸ Umwana uwali akuze alagaya alanga kwinjila munzu na sewage yalavuye hanje kumuholeza (kumumbeleza). ²⁹ Ila Alamwishula sewage agamba, 'Labha jewe ndakukoleye imilongo zinshi, wala hindakonona lyolyose iwawe, aliko ntulampeleza umwana wimpene, ili nshimilize nabhagenzi bhanje. ³⁰ Aliko hiyaje uyu mwana wawe uwamaze imali zose kumwe nabhamalaya wamuchinjiye intama uwali abheleye. ³¹ Data alabhabhwila, 'Mwananje, wewe ulikumwe na jewe imisi zose na bhyose bhindi-nabhyo nibhyawe. ³² Ila hobhaye neza iwachu kukola umubhala nukushimila, uyu mudugu wawe yali yafuye, none alahema; yali yalatagise none alabhonekanye."