¹ Mkanya kahise Ima-na yalagamvye na bhasokuru bhachu kuhita kubha bhonyi kenshi chane na kunzila nyinshi. ² Aliko mumisi zotulinazo, Ima-na yagamvye na twebhwe kuhita kumwana, woyasizeho ati alobha umuchuzi wi bhintu bhyose, na kuhita iwage ubhwelero yalabhumvye. ³ Umwana wage numucho gubhwela bhwage, ingeso yage yukuva kera; kandi niwo yendeleza ibhintu bhyose kwi jambo lyu bhushobhozi bhwage. Ahweje kumala kuhagila kwibhichumulo, yalichaye ha-si mukubhoko kubhulyo kubhuhilwe iyo mwijuru. ⁴ Yabhaye mwiza kusumba bhamalaika, nkakulya kwi zina lyo yachuye lilineza chane kusumba izina lyabho. ⁵ Kuko ni bhamalaika bhande bhagamvye ati, ''wewe ulumwana wanje, gumsi mbaye sowawe?'' Ati kandi, ''ndobha sowawe iwawe, nawe alobha umwana wanje?'' ⁶ Kandi mkanya Ima-na hoyamuzana woyavyaye wa mbele mubhu bhwerelo, yagamvye, ''bhamalaika bhose bhi Ima-na bhigombezwa mtelekele.'' ⁷ Kuli bhamalaika agamba, ''we-ne akola bhamalaika bhage kubha impemu, na bhakozi bhage kubha indimi zumurilo.'' ⁸ Aliko kumwana agamba, ''Intebhe yawe yubhuhilwe, Ima-na, ni yimi-si yose. Inkoni yubhwami bhwage ni nkoni yukuri. ⁹ Ulashima ukuli nukugaya ubhononyi bhwa amate-ka, kwilyo Ima-na, Ima-na yawe yakusize amavuta gi shi-mo kusumba abhagenzi.'' ¹⁰ Aho kela, Data bhuja yalasizeho inkingi zi dunia. Ijulu ni bhikolwa bhya amabhoko gawe. ¹¹ Zilovaho, aliko wewe ulobhaho. Zose ziloyononekala nki myenda. Ulozigolekagoleka nki gandula, nazo zilopiluka nki myenda. Aliko wewe ni wulya nyene, kandi ni myaka zawe ntizilohela.'' ¹³ Aliko ni kuli malaika wahe Imana woyagamvye mumwanya gogose, '' yichala mukubhoko kwanje kubhulyo kugela hondobhashila abhansi bhawe kubha intebhe yamagulu''? ¹⁴ None, abhamalaika bhose ntali impemu zatumwe kubhakolela nukubhalabha bhalya bhalokachu-la ubhukiza?