¹ None kubwi Imichango za abhizeye, nkuko ndobhabhwiye isengelo zi Garatia, niko bhubhaze kukola. ² Muli umusi gwi ntangulo gwi iwiki kila umwe muli mwemwe abhike ikintu kigeze hamsavu nukulubhula, ngingene mwoyobhola. Ni kole into kugila ati ntihabhoho imichango akanyo kondozilamo. ³ Hondobhashise, wowose wo mulolosha nulando mulungihaa kumwe ni kete kutanga ibhigemulo bhyanyu iyo yerusalemu. ⁴ Hakabha kandi hakwiliye kulijewe kugenda kandi, bhalogenda kumwe najewe. ⁵ Aliko ndoze iwanyu, akanya kondo hite makedonia kukubha ndohita makedonia. ⁶ Hamwe ndoyobhola kwichara namwemwe kugeza hohalohelela akanya kimbeho, ki mbeho, kugira ati muyobhole Runfasha mulugendo lwanje, hohose hagenda,hondobhagiye. ⁷ Nkuko ndiyumva kubhabhona intya kukanya kagufi kukubha ndirumwizingilo kwichara na mwemwe kukanya katamenyekana, akosha Databhuja andekuye. ⁸ Aliko ndoichara Efeso kugeza Ipentekoste. ⁹ Kukubha ulugi lunini lugalishe lulugluwe kuli jewe, bhabhi bhenshi bhampaliza. ¹⁰ Naho akanya Timotheo aje mumubhone kali kumwe na mwemwe mtamutinya akola ikikolwa cha Databhuja, nkiko akola. ¹¹ Umuntu wowose ntamukegele mumufashe munzira yage mkavubhu, kugula ati ayobhole kuza iwanje, kukubha ndamwitegeye aze kumwe nu mdugu. ¹² Intyo agamulonse mudugu wachu Apolo. ndalamutimbishije umutima chane kubhabhamila mwemwe kumwe na bhagenzi. aliko yalalese kuza kwako kanya. nukuli intyo aloza abhonye akanya. ¹³ Mubhe maso, muhagalale mugumwe, mkole nka bhagabhogabho, mubhe nubhushobhozi. ¹⁴ None bhyose bhyomukola bhikoleke mulukundo. ¹⁵ Mulamenya ulugo lwa Stefana. mulamenya kobhali abhizeye bhambele iyo akaya, niko bhitanze bhenenyene kukolela abhizeye. nantya ndabhigongela, bhadugu na bhashiliki bhanje. ¹⁶ Mubhe abhitonzi kubhantu nkabho nukuli kila muntu afasha ibhyo bhikolwa nabhakozi bhakola kumwe na twebhwe. ¹⁷ Ndalashimye hoyaza Stefana, Fotunato, kumwe na Aliko.Bhagaze aho mwemwe homwobhaye. ¹⁸ Kukubha bhashimije Umutima gwaje nagwanyu. kuli ilyo none, mubhamenye abhantu nkabho. ¹⁹ Asengelo gali Asia galabhahaye mwakeye Akila naPriska bhahabhaye mwakeye muli Databhuja kumwe nulusengelo luli muhila iwabho. ²⁰ Bhadugu bhanje bhose bhalabhahaye mwakeyemwemwe. nimuhane mwakeye kukuyabhilana kusole. ²¹ Jewe Paulo ndabhyandise into kukubhoko kwanje. ²² Hakabha haliho iwata mushima Data bhuja, uluvumo lubhe halugulu yanje. Data bhuja wachu, ingo nuze! ²³ Inzeru ya Databhuja Yesu ibhe na mwemwe. ²⁴ Ulukundo lwanje lubhe kumwe namwe muli Kristo Yesu.