¹ Bolic diji didi korkonung gwani yicu na timitauc ndi denga dege dani bilamun gondaju yiral ye yiru yiyang nywuji ngwele ngwatak tibi yifiror. ² Gwangari guru gera abia na gor giri gumani gani aricibac na nyukirijin nguani nguatimbudi ngudunanu ngunga ³ Aguy gidi ngwalu ji dangalala na audatalu gudi ngwalu ngwani nguru bapa gwege na deliny dge dani yica kiricu. ⁴ Nyici ngwalinga atu minyiji ndari giriny gwani nga bilamun ⁵ Ngwati dinging aminung gunga ndi yicuna aminjidi gwalu. ⁶ Nyibari girinyndar angiru lani ladi matada imira yaluangilinge ndari yangadarje yonjadu yijau ngwayanu ngwalu. ⁷ Aminajidi gwali gwatany jayinganu gweng na gumapa jayung gigoranu yioli ngaluji dar ngudi ngwalu ⁸ Abino nyibi nani genolacung guy guleng ndangalu.Ngunanu gu no ngwuriny ngule ngudi yicu ndari gony gino nge gani gijau ndari ari. ⁹ Ndari amira gwe guege, ngwangici ndari geracariny lani enyung gwani bulic gulubung na gulenene gwani guju korokon. ¹⁰ Ngur nidanga ndari angingidi yimira kijanu guny gani onijimac enyi gunu Bapa gungun ndamini na ngine korkon. ¹¹ Onijimac gwatati idiroranu lubu abe gwene gumati idiroranu dengenge dun. ¹² Gumukaja ngindung gwani ngindu gwe gumaru ligor luny. ¹³ Ngunana ndiny getalu ngine dunguny ndari arinyi gataji dua giyiru giye yijau yapinje. Aa ngunyi gatji dua kidur galu. ¹⁴ Nwati nana ndari ngwujari ngwere ndagutili nidi ngwanananga ndeny gatji dua ndari agwamina ati yima yaru ¹⁵ Yir nono alibadatanu gokiriny ndari arangoraca butput . ¹⁶ Gwata brudi dinat dungunga manang nginde guru nono gwangari dunguny Abi gwenene gwabe engidi nono kiji dumnang na gwangalu giligirim. ¹⁷ Yei no manari agwapiny nono dimad dung a gwangape ndindung nono anku adinyi guape. ¹⁸ Manarigwarija nga ngwujari ngwere ngwani nguki na manari gunana dana gony nono gere otacinyalu enyung. ¹⁹ Enyi gwani bulic enyigwa ywuli giyebe guyige guny na yinji gwaraji abino ngmati gwingidi ndari agunanadiny ligirima nono. ²⁰ Yei gwangari arijiny yiral giye yidi ngwalu dogo nyibi ojimi nono dungungun. ²¹ Ngwati audatijingalu ndari ngwujari ngwani ngwinje ndari ngwajari na ngwonjadana. ²² Gony gete manang gitijiny ngulduna mma ngwudi yirinu eni gami a ndari otaci ngwalingelu agwalu gwaraji gwaracanu ²³ Ngulangari kidu gidi yicu kiricu ibakirac gumiradje. ²⁴ Markuc arcec dimac luka na ngwuji ngwani ngwatinyi ngwape yidiror. ²⁵ Abi gete guyala gudi ngwalu ngwege ngwani yicu kiricu eji giligirimala lalu.