¹ O terceiro día houbo un casamento en Caná de Galilea, e a nai de Xesús estaba alí. ² Xesús e os seus discípulos foron convidados ao casamento ³ Cando o viño se esgotou, a nai de Xesús díxolle: "Non che teñen viño". ⁴ Xesús contestoulle: "Muller, que tes que decirme? Aínda non chegou o meu tempo". ⁵ A súa nái díxolle aos que servían: "Facede todo o que el vos diga". ⁶ Había alí seis baldes de pedra, usados para o lavado ceremonial dos xudeos, en cada balde entraban mais de setenta litros. ⁷ Xesús ordenoulles: "Hai que encher de auga os baldes". Eles enchéronos ata fartar. ⁸ Entón díxolles aos que servían: "Sacade un pouco e levádello o mestre-sala. E eles foron ben mandados. ⁹ O mestre-sala probou a auga que se convertira en viño sen saber donde viña (aínda que os que servían, que tiñan sacado a auga, si o sabían), falou co noivo ¹⁰ e díxolle: "Todo o mundo serve primeiro o bo viño e cando xa beberon dabondo, presenta o máis barato. Mais ti gardaches o mellor viño para o final" ¹¹ Este sinal foi o principio de todos os sinais que Xesús fixo en Caná de Galilea manifestando a súa gloria, e creron nel os seus discípulos. ¹² Despois disto, Xesús, a sua nai, os seus irmáns e os seus discípulos descenron a Capernaúm e quedáronse alí varios días. ¹³ Estaba a chegar a Pascua dos xudeos e Xesús subiu a Xerusalén. ¹⁴ Atopou no templo os vendedores de bois, ovellas e pombas, xunto aos cambistas de diñeiro alí sentados. ¹⁵ Fixo un látego con cordas, e botounos a todos do templo coas ovellas e os bois. Desparramou os cartos e volcou as mesas dos cambistas. ¹⁶ Díxolles aos que vendían as pombas: "Arredádeme de aqui todo isto. A casa do meu Pai non é un mercado" ¹⁷ Lembráronse os seus discípulos do que estaba escrito: "O celo da túa casa estáme a consumir". ¹⁸ Entón os xudeos preguntáronlle: "Que sinal podes amosar para dar razón do que fas? ¹⁹ Respondeulles Xesús: "Derrubade este tempo e levantareino en tres días". ²⁰ Replicáronlle entón as autoridades xudeas: "Levounos coarenta e seis anos construir este templo e ti halo levantar en tres dias?" ²¹ Mais el falaba do templo do seu corpo. ²² De tal xeito que, cando foi resucitado de entre os mortos, os seus discípulos lembraron o que el lles tiña anunciado e creron na Escritura e na palabra que Xesús lles falou. ²³ Estando Xesús en Xerusalen, na festa da Pascua, moitos creron nel vendo as milagres que el facía. ²⁴ Mais Xesús non confiaba neles porque coñecíaos a todos. ²⁵ Non necesitaba que ninguén lle dixera nada sobre eles, porque coñecía o que había no corazón de todos.