ebenezer-sako-peh_jhn_text

Jean Iti môtchouè

¹ Jésus hori kpro bô ayé mô wô sou (montagne des oliviers ) . ² Ndè djrèmô nou,Jésus djouri asone soua nou dô,yiè manvouè bè wari y nika.O trannin asci o bori y bou nin o man bè djrètchrè. ³ Asone gbangni mié mô (Scribes et Pharisiens ) bè fari brah bô bè founi y nou bô o di mia wari.Bè fari djinan nin manvouè mô bè afian. ⁴ Yiè bè han hréli Jésus ka :"Kpangni,brah yi ka yè hiri nin o di mia. ⁵ Sè è nian Moïse mra nian ,sô sounan mô o fata ka bè bo bè yêbouè.È boua o diè sè?" ⁶ Bè kan sô fa souan y ahaye nan ba gnan djorè atôu y souin.Koussou Jésus bori iti asci,o bori y bou o fari y samah nin o tchrè awongnan. ⁷ Tem bô bè djinan sou tchidjin,Jésus djassouri nan wa han hré bè :"Bo o wo amô nou dô bô o yori tê lé o doumoi tou y yêbouè tchritchri. ⁸ O bori iti asci biékou nan wa fa y samah a hrè awongnan. ⁹ Bo bè tiri sô djorè nin,bè hunnin bè won kon kon,o bori y bou mgbangni mô sou.Y ayuériè Jésus nin brah ngonmin yiè bè hari brè. ¹⁰ O yasouri nan han hréli ka :" Brah ,O nzouin toufouè mô bè wo ni ?"sounan wa mou o fouhô?" ¹¹ Y won :" Sounan fi ,mian "Jésus han hréli :" Min koussou min mou o fouhô. Sa wo sci nika bo éfi man yo tê kon." ¹² Jésus djoudjori cro nou dô biékou nan wa han ka :" mi ti man nou kanian bô o di min sci o nanti man ahosci mô nou koussou o gnan ngouan kanian ." ¹³ Assonin gbangni mié mô(pharisiens )bè han hréli :" "Edi o won adassiè; wo adassiè ti man nanworè." ¹⁴ Jésus mannin bè moyé nan wa han ka :"Sè min di min won adassiè ,min won adassiè o ti nanworè .Min sci nika bô min fiho nika bô min kô ; koussou amô ,amô nzi nika kon bo mifi wariho assa koussou amô nzi ninka bô min kô." ¹⁵ Amô di amô djorè awonnan sou ;min mi ni sounan won djorè. ¹⁶ Sè min di djorè,min djorè diriwa ti nanworè afinin man min gonmin,koussou min nin min sci bô o souman nin min. ¹⁷ Amô mra nou,ba hrè nou ka minian gnon bè adaziè ti nanworè. ¹⁸ Min bôbô min di min won adaziè nan min sci bô o souman nin min y koussou o di min won adaziè. ¹⁹ Bè han hréli :"O sci wo ni ? " Jésus yiri y nouan :"Amô nzi min nan wa yo ka min sci;sè amô si mian , angan amô lè si min sci koussou bié ." ²⁰ O kan djorè sô mô nin o man ndjrètchrè assonin soua nou nika kon bô sika siébrè wo nin sounan fi ngroi tchi afinin y tem djouri man aka. ²¹ O han hré hréli bè biékou:" Mi kô.Amô lè kpindè min tchien bié nin amô sè wou amô tê mô nou.Amô sè ngroi ma nika kon bô min sè kô. " ²² Juifs mô bè bissa bè won :" O lè y won kounouwa adjounin y nou bô iti aman o kan ka:" Amô ngroi ma nika kon bô min kô ?" ²³ Jésus han hréli bè:" Amô ti assi wa fouè ; min min ti ahoundo fouè.Amô ti manh ka nou fouè ; min mi fi manh ka nou. ²⁴ Isso iti aman min wan amô lè wou amô tê nou.Sè amô néni ka min tia,amô lè wou amô tê mô nou. ²⁵ Wan lè wo ? " Bè bissari y brè sô.Jésus mannin bè moyé:" Sô nin yiê min ngan djréli amô y bou bobrè nou. ²⁶ Min lè djorè souman kan nin souman bô o bou fouo fa amô sou.Koussou bô o souman nin min o ti nanworè ;min kan huégni tchré manh gonmin bô yiê min diri y dô. ²⁷ Bè ndi y bou ka sciè djorè yiê o kan. " ²⁸ Jésus wan :" Tem bô amô lê man sounan wah sou,yiê amô lè si ka min tio nan min gno nigué fi min tiahon.Ka sciè doumoi mannin min djrètchrè,min kan y sô djorè mô. ²⁹ Bô o souman nin min o nin min yiê yê wo brè ho afinin dahou min yo nigué bô y kounou kro." ³⁰ Ka bô Jésus kan y sô nigué mô,souman bè déri y diri. ³¹ Ka o yori sô nin Jésus han hréli Juifs mô bô bé deri y diri:" Sè amô tran min nouan djorè nouan brè sô nin amô ti min djassifouè kpa; ³² Amô lè si nanworè brè sone nan nanworè aman amô lè gnan aladjé." ³³ Bè mannin y moyé:" Yê ti Abraham y aloué nou fouè ya gno sounan fi kanga lé;o yo sè bô è croi kan ka amô lè gnan aladjé ho?" ³⁴ Jésus mannin bè moyé :"Nanworè sou nanworè sou min kan tchré amô sounan croir bô o yo tê o kaki tê ganga. ³⁵ Ganga bah o ti awouro nou tran fouè dahou;koussou bah o ti awouro nou tran fouè dar. ³⁶ Iso ti,sè bah nian aman è gnan aladjé ha,amô lè gno aladjéfouè." ³⁷ Min si ka amô ti Abraham aloué nou fouè;yiê amô sè kpindè koumin afinin amô a né min nouan djorè nin a ni. ³⁸ Min kan nigué bô min hou ka min sci yo mô,yiê amô koussou amô yo bô yiê amô ti amô sci mô dô. ³⁹ Bè mannin moyé nan ba han ka:" Yê sci lè Abraham." Jésus han hréli bè:"Sè amô ti Abraham y mah mô angan amô lè gno Abraham sayériè. ⁴⁰ Amô sè kpindè kou sounan bô wa han nanworè bô o tiri Gnamian dô a hré amô.Abraham wa gno sô. ⁴¹ Amô di amô sci djouman.Bè han hréli ka:"Yê ti man hanmian mah mô;yê sci ti kon y lè Gnamian." ⁴² Jésus han hréli bè:" Sè Gnamian ti amô sci,angan amô hroli min,afinin min fitéri sciè nou yiê mi fi y nou;man ma min tiahon koussou yiê o souman nin mion. ⁴³ O yo sè bô amô ndi min djorè mô bou? o fi ka o yo si man mô. ⁴⁴ Amô ti abozam,amô scio,amô kouro ka amô yo amô sci y akovissô nigué mô.Y bou bobrè nou o ti kodiawoufouè,o gouro nanworè afinin nanworè nin man y nou fï.Tem bo o di atô,o yo ka y bôbô sayériè afinin o ti atôfouè yiê atôfouè mô croir bè scio. ⁴⁵ Y sô ti,amô né min ni afinin min kan nanworè. ⁴⁶ Amô nou wan yiê o croi gnan tê bié min sou bô o bou min fouô? Sè min kan nanworè,nzou ti aman amô né min nio? ⁴⁷ Sounan bié ala bô o ti Gnamian diè o tié Gnamian nouan djorè mô;koussou amô dié Gnamian nouan djorè afinin amô ti Gnamian diè. ⁴⁸ Juifs mô mannin moyé:" Yê ndè yo fê ka yê wan è ti Samaritain fouè nan wawouè tê wo o nou?" ⁴⁹ Jésus bouari bè bié:" Min lè wawouè tê min nou;bo wo brè min gnin sô min sci,yiê amô gnin zo min." ⁵⁰ Min gbidè min bôbô min anoumougnan;koussou sounan bié kpidè nan wa bou fouô. ⁵¹ Nanworè sou,nanworè sou,min kan tchré amô,sè sounan bié fa min nouan djorè sié,o nzi man éwoué lé. ⁵² Juifs mô han hréli:" déhé bô o djou ka ênè yê sci ka wawouè tê wo o nou.Abraham nin Gnamian tchianmin mô bé wouri;y sô ti:"o wan sè sounan bié ala o fa min nouan djorè sié o nzi man éwoué lé." ⁵³ O kpangni tra yê sci Abraham bô o wouri,man yio?tchianmin mô koussou bé wouri.E bou wo won sè bôbô? ⁵⁴ Jésus mannin bè moyé:" Sè min yi min won ayé min anoumougnan ti gbangni.Min sci yiê amô frè amô Gnamian yiê o kanvou mion. ⁵⁵ Amô a nzi koussou min di ,min si yi.Sè min kan ka min nzi yia,min ti atô difouè.Y nin nin croir,min si yi min fa y nouan djorè sié. ⁵⁶ Amô sci Abraham tchian bô bè wroli min y won yori y fê;o wouni nou nan y won wa yo y fê. ⁵⁷ Juifs mô han hréli:"È gnannin afouè abrouanou a ka o wan a hou Abraham?" ⁵⁸ Jésus mannin bè moyé:" Nanworè sou,nanworè sou,min kan tchré amô,tem bô nin bè wouri Abraham,min wo brè. ⁵⁹ Bè sissari yêbouè mô nin bè tou boyi yiê Jésus fari y won fiari nan wa̵ fité asone soua."