ebenezer-sako-peh_1jn_text

Iti 3

¹ Amô nian hroulè bô sciè o diri y won adasiè man nin yê,bô bè frè yê Gnamian wah,yê ti sô ! O fa sô nin sou, mannin o nzi yê,afinin wa nzi sciè nin. ² Min kro fouè mô,bô o fi ênè kô yê ti Gnamian wah,ka bô yê ti o yi hréli man aka.Yê sika tem bô Christ o yi y won fité,yé yo ka wo ti nin,yé wou ka o ti djouho. ³ Bié ala gnan dafi goua sône y nouan a man y won lè fi ka y bôbô mouan ti sanhou. ⁴ Sounan bô o yo tê,o fon mra,tê o ti mra fon nin wa. ⁵ Amô si ka o wari nan wa nounou yê êtè mô,tê fi nin y nou. ⁶ Bié ala bô o wo y nou o yo tê,bié ala bô o yo tê,o wouni lé yiè o siri lé. ⁷ Min agniandiè mah mô,man sounan fi mini amô.Sounan bô o yo sèsè djorè o ti sèsè,ka Christ bôbô o ti sèsè. ⁸ Sounan bô tê ti y nzouan o fi abozamin,afinin y bou bôbrè nou abozamin yo tê.Iti a man Gnamian wah o wari nan wa saki abozamin y djouman mô. ⁹ Sounan bié ala bô o ti Gnamian diè o yo tê,afinin Gnamian Aloué o wo y nou.O yo tê,afinin Gnamian yiè o wouli yio. ¹⁰ Brè sone yiè bè si Gnamian mah mô nan ba si abozamin mah mô.O kô yo sô,bié ala bô o ni sèsè mra sou o ti Gnamian diè,o ti sô manh sounan bô o kouro y nianman. ¹¹ Yia djorè bô amô tiri y bou bôbrè nou : O fata ka yé hro hro yê won. ¹² Man yé yo ka Caïn bô ti abozamin diè bô o houni y nianman.O yo sè bô o yori sô afinin y djouman mô ti kpa.Y nianman djouman diè mô ti kpa. ¹³ Man o bô amô nouan aniaman mô,sè man nin o kpô amô . ¹⁴ Yê si ka yé fi éwoué nou ya wa ngouan nou . sounan bô lè hrolè o wô éwoué nou. ¹⁵ Bié ala bô o kpô y niaman o ti kodiahoufouè .Amô si ka kodiahoufoué o lè adanganman ngouan y nou .Yê siri éhrolè afinin Christ fari y gouan mannin yê; Yê koussou, o fata ka yê ngouan mô man yê nianman mô . ¹⁶ Yê siri éhrolè afinin Christ fari y ngouan mannin yê ; Yê koussou ofata ka yê fa ngouan mô man yê nianaman mô. ¹⁷ Koussou sounan bô o lè mannou adjapadiè nan o houn y nianman bô o hian nigué bié, nan wa houn y won anvouè ,o yé sè nan gnanmian éhrolè wa tran y nou ? ¹⁸ Min ahiandiè mah mô, man yé kro yê won yê djégnissou koussou yê sahériènou o nin nanhrôssou. ¹⁹ O fi è yi ka y,yiè yê houn ka yê wo nanworè nou nan ya gnan nafi goua yê ahron mô nou y gnounou. Sè yê ahron sé yê ²⁰ biéa,Gnamian ti kpri tra yê ahroba,o sci nigué croir. ²¹ Anianman krofouè mô,sè yê ahron nou zé yê bia,yê lè nafi goua tchindjin Gnamian nou. ²² Bô yê kô srè croir,yê gnan y sanou ,afinin yé di y mra mô sou ,yiè yê yo y kounou sou nigué . ²³ Èka ti y mra ka yê dafi y wah Jésus Christ douman nou,nan yê hro hro yê won,ka y bôbô o hroli yê. ²⁴ Sounan bô o fa Gnamian mra sié o ti Gnamian nou nan Gnamian koussou ti y nou.O fi èka,yê sci ka o ti yê nou,o fi adjounin bô o fa mannin yê.