¹ Namwinkani kwenyu Fibi lumbu dyetu nandile ni msigilwa wa vikilo dya Kenikelea, ² Ivyo kugamba mwadaha kumhokela mwa Zumbe damanyani vino mwe kicho cho ugoli cha wazumizi naho mchimale hamwenga naye mwe mbuli yoyose uakuyunga . Kwaviya uyo mwenye ni msankani wa walozize naho kwa chausa changu miye mwenye. ³ Mlamse Pilisika na Akila. wadamanya ndima hamwenga na miye mwa Kulisito Yesu, ⁴ Nandile mo ujima wangu wamwitusa ujima wawo wenye. Nalavya ntogozi mwawo . Naho du suyo miye mna hamwenga na mavikilo yose ye izisi. ⁵ Nilamsizani vikilo diya diyuko kukaya kwawo. Nilamsizani Epanieto mbuyangu hunga, uyo eli mwelekwa wa nkongo mwa Kulisito wa Asia. ⁶ Mnilamsize Maliamu endile akadamanya ndima vidala kwa chausa changu. ⁷ Mnilamsize Andloniko na Yuni weyangu na watalizwe hamwenga na miye. ayo nawo walongole kummanya Kulisito sinati miye. ⁸ Nilamsiza Ampliato, mungwa ywangu mwa Zumbe. ⁹ Mlamse Arbano. mdamanya ndima hamwenga na miye mwa Kulisito. Naho sikunga munga ywangu. ¹⁰ Mlamse Apele mtokuzumilwa mwa Kulisito walamseni wose we mwevikilo dya Kulisito wadya we mwa Zumbe. ¹¹ Nilamsiza Helodioni mbuya ywangu mnilamsize wose we mwe nyumba ya Nalkiso, wawo weli mwa Zumbe. ¹² NilamsizaTrifosa, wakudamanya ndima kwa ukankalu mwa Zumbe. Nilamsizani Persisi mungwa, uyo adamanye ndima kujinka kwa Zumbe, ¹³ Nilamsizani Rufo, asagulwe maw Zumbe na mami yakwe na ywangu. ¹⁴ Nlasizani Asinkrito ,Flegon, Herme, Patroba, Herma na walukolo wose eli hamwenga nawo. ¹⁵ Nilamsizani Felologo na Yulia. Nerea na lumbu dyakwe na Olimpa na wazumizi wose eli hamwenga nawo. ¹⁶ Nilamsizeni chila yumwenga kwa kukumbatilana kukukile. Mavikilo yose mwa Kulisito yawalamsani. ¹⁷ Haluse nawaunga ,walukolo, mfanyanya mwa awo wahosize kupanga na kusowana wahitukila mahinyo yadya mhezize kuhina, hitukani mfose mwawo. ¹⁸ Kwaviya wantu sa wano hawakumdamanyiza Kulisito Zumbe mna ndima zawo wenye mo ulosi wawo ulegele na ntogozi za lulimi wadanta myuye ya hewena masa. ¹⁹ Mo mliganyo wo uzumizi wenyu mwamfanyanya chila yumwenga. Ivyo nabweda mwenyu, mna nawaunga nyuwe mtende na mliganyomwe wedi na kutenda hemwine lema kulongozi ko wihi. ²⁰ Chohile wo utondowazi hachelewe kumbalanga mwavu hasi mweizinyayo zenyu wedi wa Zumbe Yesu Kulisito utende hamwenga na nyuwe. ²¹ Timoseo mndima hamwenga na miye awalamsani na Lukio, Yosoni na Sospita mbuyangu. ²² Miye Tertio nidolonye ibaluwa ino nawalamsani mwe idizina dya Zumbe. ²³ Gyo anidimile mwe idivikilo dyose, dyawalamsani. Elasito, mchimaila wo mzi awalamsani, hawenga na Kwarto uyo mlukolo. ²⁴ Kaulisa mwe izibaluwa za nkongo, msitali uno haumuli kaula Walumi 16 : 20. "Wedi wa Zumbe Yesu Kulisito wikale na nyuwe nyose Taile." ²⁵ Elo kwa uyo eli na udahi kuwatenda mchimale kuligana no ulosi wedi wa Chohile na mahinyo ya Yesu Kulisito, kuligana na ugubulo wa chinyele ufisigwe kwa chipindi chitali, ²⁶ Mna haluse ilavyanywa na kumanyika na mawandiko ya uwoni kuligana na lagizo dya Chohile wa kale na kale kwa uzumizi wa utondowazi mgati mwe izisi zose? ²⁷ Kwa Chohile echedu mta udahi, kujinkila Yesu Kulisito, kutende na ukuka kale na kale. Taile