¹ Miye nami wakulu na lumbu zangu silongile na nyuwe na nyuwe wantu chimuye mna saviya wantu wa chimwili wana wadodo mwa Kulisito. ² Nasiwanywesani mele siyo nyama mwe viya hamtendile mchinta. ³ Mwaviya nyuwe hamnati mwichei wa mo mwili, kwaviya chinyulu na kweduvya vyawoneka mgati mwenyu vino hakukwikala kuligana na mwili naho vino hamkujenda saviya mazwela ya chiuntu.? ⁴ Mwa viya yumenga agamba namtongela Paolo, mtuhu agamba namtongela Apolo hamkwikala saviya wantu? ⁵ Apolo ni ani? Na Paolo ni ani? wandima wa yudya mumzumile, kwa chila uyo Zumbe nakamwinka ndima ⁶ Miye nasihanda Apolo niyo ajela mazi mna Chohile nuyo akukuza. ⁷ Mwa ivyo siyo ahandile hegu akujela mazi anachochose mna ni Chohile nuyo akukuza. ⁸ Haluse akuhanda na kujela mazi wose waligana naho chila yumwe naahokele maliho yakwe kuligana ne indima yakwe. ⁹ Mwa ivyo suwe chiwadamanya ndima wa Chohile, nyuwe mwinkonde ya Chohile, zengo dya Chohile. ¹⁰ Mo wedi wa Chohile ninkigwe saviya mzesi mkulu nasiuzenga msingi mtuhu uzengwa mlanga mwakwe, mna mntu asinyise ivyo akuzenga mlanga mwakwe. ¹¹ Kwaviya hahana mntu akudaha kuzenga msingi mtuhu vitendese vya uwo uzengigweni Yesu Kulisito. ¹² Haluse hegu yumwenga ywenyu azenga mlanga mwakwe mwe mazabahu, hela, mayuwe ya yombe, miti, nyasi hegu mani, ¹³ ndima yakwe naigubulwe mwe ulangazi wa msi naulagiswe mwe kulagiswa na moto, moto naubalange utana wa ndima ya chila yumwe icho adamanye. ¹⁴ Uneva chochose mntu icho azengile nachisigale uyo nahokele vilozize. ¹⁵ Mna uneva ndima ya mntu ikatikima mwe moto napate hasala, mna uyo mwenye nagombelwe saviya kwenega mwe moto. ¹⁶ Hammanyize nyuwe mwi nyumba ya kumvikila Chohile na kugamba muye wa Chohile wekala mndani mwenyu? ¹⁷ Uneva mntu anaibalanga inyumba yo kumvikila Chohile Chohile nambalange mntu yudya mwe nyumba yo kumvikila Chohile na ukuka, naho ivyo na nyuwe. ¹⁸ Mntu asekwedanta mwenye hegu yoyose mgati mwenyu akwewona anaumanyi mwe mazuwa yano atende mhezi nivyo natende na umanyi. ¹⁹ Kwaviya umanyi we isiino ni uhezi kulongozi kwa Zumbe kwaviya idolonywa awagizwa ni wata umanyi mwe ubala wawo. ²⁰ Naho Chohile kamanya fanyanyi ya wata umanyi sicho chineu. ²¹ Ivyo mntu asekweduvila wantu kwaviya vintu vyose ni vyenyu. ²² Uneva ni Paolo hegu naho ni Apolo hegu naho Kefa,hegu naho isi, hegu naho ujima, hegu naho file, hegu naho vintu viyaho, hegu naho viya navize, vyose ni vyenyu. ²³ Nyuwe nanywi mwi wakulisito na Kulisito ni ywa Chohile.