¹ On'gogolo,khwa Gayo ong'ane,ovendeganile je lweli. ² Ingane,ndikhokhodovela ongendelelaye mu mambo goni no khova no womi avonomu,ndovo enumbura jyakho jigendelela vononu. ³ Manya ndyahowikhe sitso ovondyavolilwe na valokholo avitsile no kwolela muleveli jyako,ndovo wibeha mulweli. ⁴ Nandelenalwo olohekhelo olovahha zaidi jya ulo,okhopo likha okhota nye vana vango mugenda mu lweli. ⁵ Ingane,wibeha mbogolosu ovoukhovavombela avalokholo na vageni, ⁶ avo volelitse alogano lwako ku vampelela uvomba vononu ukhovatanga panzela tsa vene ndovo unguluve inogwa. ⁷ Pakhova mulitawa,Vigenda bila kwupila ekinu kyokyoni ukuhoma kovanu avana vamanyili u Nguluve. ⁸ Pwu leno,owe pojenogye okhovatanga avanu ndaava,pwu tuve vavombi paninie na veeene mu lweli. ⁹ Ndyavandekye avampelela elimenyu,leno Diotrofe,oveinogwa okhova mbolongolo,ikhwedeng'ana nowe. ¹⁰ Pwo leno,ingave ndikhwitsa ndelatsikhomboka imbombo tsamwene itso ivomba,ovo itsova amamenyu amavivi agavohesi.Nagali gaago geene,na mweene bela okovopelela avalokholo lwitu.Ikhange ikuvabetsa avaange avinogwa okovopelela avalokolo avo nu Khovaswema mu mpelela. ¹¹ Ing'ane,kobakho akwiya imbuvi,apeene wegage inonu omwene livivomba inonu va nguluve,no mwene ovivomba imbiivi nambweni u Nguluve. ¹² Avaanu vooni vikwolela ukuta u Demetrio muunu inonu.Uwe najyuwe tukwolela okota munu ingolosu ndovo olomanyile okhota alwolelo iwitu lwa lweli. ¹³ Ndele nago a mambo ngsu agakokwandekela,leno nandinogwa okokovegela ne kalamu ejya unno. Apeene ndihovela okokovona bila khosuvalela,ikangejondi tsova nove ovo tolepaninye. ¹⁴ Ulonotsehetso love paninie nove. ¹⁵ Avamanyaani vikukusamusa.Uvasamuse avamanyani vooni nu jyunge mwitawa lya mwene.