¹ Upavuli, umbombwi va Nguluve umbanda uva Yesu Kilisiti, khulwidiko ulwavahaliwa va Nguluve nuvumanyi uwayilweli uwigeega uvuvalanche. ² Valinduhuvilo ulwawumi wa lunchila lisiku uwu u Nguluve uvisinchova uvudesi uwatuviekhile ukhuma khatale. ³ Unsiekhi ugwiedikiwe, alivonisye eilimenyu lyamwene mundulageilo uhuamile une ukhulumbilila. Panogiile ukuvomba eiwo palulageelo lwa Nguluve umpokhi veitu. ⁴ Khwa Tito, umwana va yilweli mundwidiko lweitu. Uluhungu, ikhisa, nulwidiko ukhuhuma khwa Nguluve Udaada nu Yesu kilisiti umpoi veitu. ⁵ Khwa njila iye nakulekile Krete, ukhuta unonchage imbombo nchoni iinchusajikasile nukhuveika avandyakhoni va mpelela poni nduvu niekhakhulagile. ⁶ Undyakhoni aleke ukhuva munu va nongwa ugoosi va nndala yumo, unyavana vagolofu vavosavinchoviwa amavivi na avanchila lisiima. ⁷ Panogile umwe imilienchi, ukhuva mweimilienchi va nyumba ya Nguluve, aleke ukhuva nii nongwa. Aleekhe ukhuva munu va njweego uviesikhekhilivula. Alekhe ukhuva ni lyooyo, alekhe ukhuva iegaanchi, alekhe ukhuva munuva khutalencha imbamcha, aleke ukhuva numwoyo. ⁸ Pivu avinchage: avinchage munu mwipa, uvinogwa mwelele. Avinchage nuluhala ulunonu, uvayilweli, uvikhumwidika u Nguluve, uvikhilolela mwene. ⁹ Uviwesha ukwimilila ulumanyisyo ulwa lweli ulumanyiesiwe, ave va khuvagiengancha unumbula kulumanyisyo ulunonu, nu uveilwesya ukhuvakhilivula voni avikhumbencha. ¹⁰ Ulwakhuva vinga aveitengile, na vala avasava khegetiwe avikhuvasyova nukhuvalongoncha avanu khuvuyagi. ¹¹ Panogile avanu avo akhuvasiga vimanyisya agaasagilondiwa ukhulututiliela khusoni mu khunanga ikhikolo kyoni. ¹² Umunu yumo unyaluhala akhata, "Avakrete valinuvudesi uvusawisila vavivi vikanu fikali, volo na valineikyoyo." ¹³ Amamenyu aga lweli, pivu lino tuvabenche khumaka pivu vanchovage ilweli mundwideiko. ¹⁴ Khuvoni avanonu ifinu fyoni finonu. Kuvoni avalamile na avasavikwidika, khesikuli ikhinonu ulwakhuva masago gaavene ninyievonelo nohavene nchilamile. ¹⁵ Khu voni avanonu, ifinufyoni finonu. Khu voni avalamile nu vavosavikhumwidekha, khesipali ekhenonu. Ulwakuva amasage gaavene mu numbula gaalamile. ¹⁶ Vikwideika ukhumanya Unguluve, ulwakuva imbombo nchavene vikumbela. Avene vavivi na savikwidieka. savakhamanyikhikhe kumbombo ncha vene inonu.