¹ Pu umwene avile ikhile ukhuhuma pakhyamba, avanyalulundamano vingi vakongile. ² Pu lola, akhincha umunu unyabuuba, akhata, "Nkhuludeva unave winogwa wimonie uvutamu." ³ U yesu pwakhagolosya ikhivokho khyamwene akhamwabasya akhata, "Ninogwa upone. Pu akhapona useikhe gulagula ibuuba. ⁴ Pu u Yesu akhambula akhata, "Lola khyomela ukhumbula umunu eikhidego eikhi. Pu lutage ukhivonesye khuntekhenchi, pukhahumye neinekhelo nduva alagile u Mose muvamanyile avane" ⁵ Pu uYesu avile afikhe khu Kapernaumu, pu undongonchi vavasikhali akhincha khumwene, ⁶ pu leino unchongonchi ula akhasimelencha akhata, "'Veinkuludeva, umunu vango aleipa kaya alambalieile igona umbeili gwa mwene gufwe eiganji hange aleinuluvavo fincho." ⁷ Pu u Yesu akhambula akhata, "'Nikhwinja neinjaveile apone". ⁸ Pu ula undongonchi vavasikhali akhamwamula akhata, "Inkhuludeva, vango sapanogile ukhuta uve wingile mukaya yango, pu ni doova unchove eilimenyu vuvule pu umbombi vango ipona. ⁹ Ulwa khuva une na yune neilimunu neiveikhivwe pulungonchi vwa vasikhali ava valipasi palyune. Nei ngale khyuyu "'Luta' khuvuleive, pu iluta 'Vuvule' pu khuyunga neingate inchaga khunu ikhwincha vuvule, hange umunu umbombi vango neingate,' vomba eikheive puivomba vuvule. ¹⁰ Pu u Yesu vuapulikhe ndavule adegilee fincho nukhuvavula avakongaga akhata, "Ncha yeilweli nikhuvavula, saneigelile lusikhu umunu unya lweideikho ndulu mu Israeli eiyei yooni. ¹¹ Nune nikhuvavula eiyakhuta avingi valahuma khuvuhumo wa linchuva na khuvusemo wa linchuva, valatama pupaninie nu Abrahimu, nu Isaka, nu Yakobo, pakhulya ifinu mundudeeva lwa khukyanya. ¹² Pu leino avene avana valudeeva vala lahwagwa muhisi ya khunji, pu ukhwa khulava neikhileilo nu lugaduncho lwa meno." ¹³ Na voope uYesu akhambula undongonchi vavasikhali akhata, "Lutaga! puyive nduvunchovile ukhuta umunu umbombi vakho apane, Ukhukongana nu lweidekho lwakho." Pu leino umbimbi va mwene akhapona useikhe gulagula. ¹⁴ Pu uYesu akhafikha khukaya ya Petro, pwakhambuna unkwive va Petro vaninemwa va dala va mwene, igona pakhihaga aleineimungu. ¹⁵ Pu uYesu akhamwabasia ikhivokho khya mwene imungu puyeikhandekha. ¹⁶ Pu pakhimihe vukhwilile pu avanu vakhavagega vavingi avavule ni mepo imbivi. Akhandimenyu lya mwene akhavaponia vooni avo vale vatamu hange vatokhile. ¹⁷ Pu yeikhava limalile ukhuvombekha eiliemenyu leila ilyanchoviwagwa nu nyamalago u Isaya, eilyakhuta umwene avatulile uvudekhedekhe vwito, nu vutamu vwito wooni avupeimbeile" ¹⁸ Pu umwene u Yesu avile avwene ikhipuga khya vanu vuvingi vanchungutile akhavavula nuvalagila ukhuta tuvukhe tulovokhe khumwambo khunyanja eiyamu Galilaya. ¹⁹ Pu umunu uyungu usimbi vakalata akhandutila uYesu, pwakhata, veimanyisi uve nikhukhukonga khyoni ukhuwiluta." ²⁰ U Yesu akhamwamula akhata, "Amakave galeinamaguli umwakhugona ifidege fyope filinuvufumba, pu umwana vanya munu aleinchila pakhuveikha uluvafu nukhuhagalila untwe." ²¹ Ukongi va mwene uyunge akhambula akhata, "Nkuludeva, nidova nilute nikhasyile u Daada." Pu u Yesu akhata, ²² "Ung'ongage une uvalekhe avafwile vasyiilage vavo." ²³ U Yesu akhingeila muliboti, avakongi va mwene vakhakonga. ²⁴ Lola inyanja yikhahambukha vu umbelo guleikhukulugata neimepo yale mbaha fincho. Pu leino u Yesu agonelile utulu. ²⁵ Avakongi vakhanduteila vakhasisimula nukhata, gwe Nkhuludeva utupokhe ufwe tuleivanya khyongomela munyanja. ²⁶ U Yesu akhavavula akhata khiikhi muleivadwaanchi umwe, khikhi mulei nulwidikho ludebe umwe?" Akhasisimukha, pu akhava munu va khutama khu kulugutu ugunya mepo eiyinya mbelo uguleikhupiga eiliboti pu einyanja yeikhalitama, ²⁷ avanu vooni vakhadeya nukhuta umunu uyu aleinamakha makhi, hange aleindakhikhi pakhuva ukulugutu gwa mepo eiyinyambelo gyope gukhudwaada?" ²⁸ Pu useikhi ugu uYesu avile alutile khumwambo khu khilunga eikhya vaMagadala, valepo na vanu vaveili avanya mepo imbivi vakhaganila nave. Avanu avo vahumile khumapumba pu valeikhuvagatancha fincho avanu, pa navava gendanjeila savaleikhugenda einjeila yeila. ²⁹ Lola, puvakhovela eilimenyu vakhaya, "Tuleinakhikhi nuve vei mwana va Nguluve? Winchile apa pakhuta kineila vu pakhale useikhi sagufikhe?" ³⁰ Pu kwale neikhipuga khya ngube pu nchale pipi navo, hange valepo na vadeimi vagube, ³¹ imepo imbivi punchilikhukuta khwa Yesu ukhuta. "Pu ungave ulwamwile ukhutuhumya utuheileikhe magubenchila." ³² Pu uYesu akhata, "Lutaga!" Pu imepo imbivi nchikhahuma khu vanu vala nukhunchikhingeila khugube. Lola eikhipuga khyoni khikhikha ukhuhuma khukhyamba leikhaluta nukhwingila munyanja punchikhafwa mumagosi. ³³ Pu leina avadeimi vagube vakhanyila ukhuvuya, vavile vafikhe khu vanchege vwa vanu vakhayavula nchooni inchuvanchiwene na vavanu avanya mepo imbivi. ³⁴ Lola, uvunchenge wooni wa vanu vakhincha khukhwaganila nu Yesu. Vaveile va mbwene vakhasimeileincha ahegage nu khilunga khyavo.