¹ Akhasekhe kha imbombo inchi, o Yesu alobile isekhemu incha nyanja ya Galilaya, yikhelangiwa nyanja ya Tiberia. ² Ululundamano luvakha lulekhukonga pakhuva vakhalolile embombo inchalekhovomba khuvale vatamu. ³ U Yesu akhatoga khukyanya impakha uvupanda vwa khukyanya owa khewamba akhatama okhwa navakongi va mwene. ⁴ (Vukhutesiwa khya Yesu, nulukhovokhelo ulwa Vayahudi lukhasogelile). ⁵ U Yesu akhinula amikho gamwene nukholola khukyanya nu khuvona uvumati vwa vamu vukhwincha khumwene, akhavomba Filipo, "Tuluta ndakhu khugula emikate ili avanu ava valye"? ⁶ (Pakhuva o Yesu anchovile aga khwa Filipo alekhugela pakhuva omwene alumanyile ekhivomba). ⁷ O Filipo akhanda, "Ata mikate egwa dinari sagekhale gikwela hata munu yumo okhupata ekhepande ekhedebe." ⁸ U Andrea, oninie va vakongi va Yesu olokololwe va Simoni Petro akhavavula ⁹ o Yesu, "Khule nudemi ale no mikate gekhano ni somba ivele, pakhuva eye sayikwincha khuvanu avingi ndavandulo?" ¹⁰ U Yesu akhavavula, "Vatamisye avanu pasi" (Pale nelinyasi lingi amaeneo gala). Pakhuva avagosi vale okhuta elfu tano vakhatama pasi. ¹¹ Pu Yesu akhatola emikate gekhano akhesasaya akhavapaza vavakhatamile. Pu akhavagavila isomba okhokongana nuluvotamile. ¹² Avanu vavile vigwite, akhavavula avakongi va mwene, "Vilundanie ivipande vwa somba ili vile ukhusigala vwokwoni." ¹³ Pu vakhalundanie ivitundu kumi na viwili, vipande ivwa mikate vikhano ifya shayiri- ifikhasa ziwe na vakhasigile. ¹⁴ Avanu vakhavile valolile agavombile vakhanchova, "Lweli oyu venyamalago oviywincha nkelunga." ¹⁵ U Yesu avile agundyile ukhuta vinogwa okhumwibata ili vambombe ukhuva intwa va vene, akhavakwepa, puakhaluta khukhewamba mwene. ¹⁶ Yevile lwakhemikhe, avakongi vawene vakhikha khu nyanja. ¹⁷ Vakhatogo mungalava valekho lovokha okhuluta khumwambi khu Kapernaumu. (Ekhisi yivile yingile o Yesu avile bado sinchile khuvene). ¹⁸ Osekhe ogwa emepo eng'ali yele khukula, ne nyanja yilekhwendelela okhulama. ¹⁹ Pu avakongi va mwene vavile vatovile amakasi ishirini ama thelathini, vakhambona o Yesu igenda pakyanya pa nyanja ikhogosogelela untumbwi, pu vakhadwada. ²⁰ Pu Yesu akhavavula, "Nene mulekhe okhodwada." ²¹ Vakhavile tayali okhogega mutumbwi, pu tumbwi gukhafikha pakhelunga upuvalekhuluta. ²² Esikhu eyekhakongile, ululundamano ulukhemile uvupande wa nyanja vakhavona otumbwi gusi pasi ugunge ila uguvakhatogile avakongi va Yesu ugosavakhatoge pakhuva avakongi vamwene vakhaluta vene. ²³ (Pakhuva, pakhavile ne mitumbwi egegekhomile khu Tiberia karibu ne sekhemu eyivakhalile emikate pakhuva ombakha akhakhu minche emwalemi). ²⁴ Osekhe ululundamano lukhagundula khukhuta sio Yesu ama vakongi va mwene vakhale okho, vovene vakhatoga mu mitumbwi vakhaluta khu Kapernaumu vovikhondonda o Yesu. ²⁵ Akhasekhe vavile vambwene uluvafu olonge lwa nyanja vakhambuncha, "Rabbi winchile ndeli khono?" ²⁶ O Yesu akhanda, akhavavola, Lweli, lweli, mukhondonda one, sio pakhuva mukhagawene imiujiza, pakhuva mwalile emikate nu khwiguta. ²⁷ Bekhela okhokhevombela ekhwakholwa ekhekhinangikha ila mukhevombele ekhyakhula ekhyakhudumu isikhu nchooni ekheikhovapa omwaleve va Adamu pakhuva u Nguluve Ubaba avekhile ung'uli pakyanya pavene." ²⁸ Pu vakhambula, "Pukhenukhekhi khinogiwa okhovomba imbombo incha Nguluve?" ²⁹ O Yesu akhanda, "Eye yu mbombo ya Nguluve: Khukhuta mumwedekhe omwene avasung'ile." ³⁰ Basi puvakhambula, "Ncho mbombo nchilekhu inchiyakhavuvomba pakhuta tukhonchedekha nukhunchivombela? Vuvomba ekhekhi? ³¹ Avababa veto vakharile imanna khu polini, "Avapile emikate ukhukhuma khukyanya ili valwe." ³² Pu Yesu akhavanda, "Lweli, lweli, si ve Musa uyakhavapile emikate ukhukhuma khukyanya, pakhuva Obaba vango ve ikhovapa emikate pakhuva gikhuma khukyanya. ³³ Pakhuva okate ugwa Nguluve gukhuma khukyanya, nukhuleta uwumi nkerunga. ³⁴ Basi vakhambula, "Imbakha utupe ekate ego isiku nchooni." ³⁵ U Yesu akhavavula, "Onene ikate gwa wumi, omwene uvikhwincha khulyune salava nenjala nukhwedekha salavona kiu tena." ³⁶ Pakhuva nekhavavulile ukhuta, mumbwene, pusamukhwedekha. ³⁷ Vooni avavikhoma Obaba vikhwincha kholyune, vevoni uvikhwincha khulyune sanikhutaga sikhu khonji khabisa. ³⁸ Pakhuva nikhile okhukhuma khukyanya, sio khwa khuvomba ovogane wango, pakhuva ovugane wamwene ovuakhasukhile. ³⁹ Nuvo vuvugane wango uvonesukhile, khukhuta nerekhe okhotaga hata yumo avamile, pakhuva nelavanchusya esikhu eyamwisho. ⁴⁰ Pakhuva uvu vuvugane vwa Baba oveasukhile, khukhuta vevoni ovilola mwana nu khumwedekha ave nu wumi wa sikhu nchooni; nayune nikhonchosya esikhu eya mwisyo. ⁴¹ Pu avayahudi vakhasikhitikha ukhukongana nukhuta akhanchovile, "One nekate ugu gukhumile khukyanya." ⁴² Vakhanchova, "Oyo sio ve Yesu omwana va Yusufu, uve ubabaye nu mamaye tumanyile? Yivile ndakhekhi leno inchova, 'Nikhile okhukhuma khukyanya?" ⁴³ O Yesu akhanda, akhavavula, "Mulekhe ukhukuta igati yumwe. ⁴⁴ Asikholi umunu oyikhwincha kholione inave salusiwe nu Baba vango ovesung'ire, nayone yani khunchusya ekhegono khya mwisho. ⁴⁵ Pakhuva yesimbiwe muvaragonchi, 'Yuvidemiwa nu Nguluve.' Khela uveapulikhe efundisye ukhukhuma khwa Baba, ikhwincha kholyune. ⁴⁶ Sio ukhuta khule munu uvambwene Obaba, pakhuva omwene oveakhumile khwa Nguluve- ambwene Obaba. ⁴⁷ Lweli, weli uvikhwekha alenu wumi uwa sikhu nchooni. ⁴⁸ One ne kate gwa wumu. ⁴⁹ Avababa venyo vakhalile imanna khurijangwa, na vakhafwa. ⁵⁰ Ugo gu kate ugugukhumile khukyanya, ili umunu ale enafasi eya mwene alekhe ukhufwa. ⁵¹ Une ne kate ugogutama ugogwikhile ukhukhuma khukyanya. Inave umunu ilwa okate ogwa itama esikhu nchooni, ukate uguyakha nikhomwa imbele gwando khunjila eya wumi wa khelunga." ⁵² Avayahudi vakhakaranchava vavo khuvavo vakhanja okhusutana nukhunchova, "Umunu oyo iwesya ndeti okhutupa ombele ugwa mwene tulinchage?" ⁵³ Pu Yesu akhavavula, "Lweli, lweli, mungalekhe ukhulya nu khunywa unkisa ugwa mwene, samukhave nu wumi igati ndyumwe. ⁵⁴ Vevoni uvilya umbile gwang'o nu khunywa unkisa gwango ale nu wumi uwa sikhu nchoni, na yune yanikhunchosya esikhu eya mwisyo. ⁵⁵ Pakhuva ombele gwango khwa kholwa khwa lweli, nu nkisa gwango mgasi ga lweli. ⁵⁶ Umwene uvilwa ombele gwango nu khunywa unkisa gwango itama igati mulyune, na yune mumwene. ⁵⁷ Inave Obaba uveale nu wumi via sukhile, ndolunitama pakhuva ya Baba, nu mwene ayitama pakhuva yango. ⁵⁸ Ugo gukate ugogwikhwikha okhukhuma khukyanya, sio nduluva Baba vakhalya vakhafwa, omwene uvilye vakhafwa, omwene uvilye okate ogo alenu wumi owasikhu nchooni. ⁵⁹ O Yesu anchovile imbombo inchi vuale mulisinagogi avile ikhuvamanyesya khu Kapernaumu. ⁶⁰ Pu vingi vavakongi va mwene vakhagapolekha aga, vakhanchova, "Ele limanyesyo ligumu veni iwesya okhupelela?" ⁶¹ O Yesu alumanyile ukhuta avakongi va mwene valekhumikha embombo eye, akhavavula akhata embombo eye yikhovapenja? ⁶² Yayiva ndakhekhi vomukhombo na omwana va Adamu voikhwikha ukhukhuma ukhwale ulutanchi? ⁶³ Ve Mepo ovikhomya uwumi. Ombele sagupata ekhenu khyokhyoni. Amamenyu aganenchovile khulyumwe ve mepo nu wumi. ⁶⁴ Pakhuva khulenavanu igati mulyumwe avasa vikhwedekha." Pakhuva o Yesu alumanyile ukhukhuma palutanchi uvesiwesya okhwedekha umwene avale ikhobela. ⁶⁵ Akhavavula, pakhuva khulugendo olu asikholi umu uvikhwincha kholyune pakhuva apeviwe nu Baba." ⁶⁶ Akhasekhe akha avakongi vingi vakhavuyilesincho khusana pusavakhakongana nave tena. ⁶⁷ O Yesu akhavavula vale kumi na wawili, "Je mwemwe munogwa okhokhega?" ⁶⁸ Simoni Petro akhanda, "Imbakha tuluta khwani khulyuve khuvule uwumi wa sikhu nchoni, ⁶⁹ twedikhe nukhukera ukhuta uve ve mbaranche va Nguluve." ⁷⁰ O Yesu akhavavula, "Je one sanikhavachagule omwe, pu paninie yumo mdugo? ⁷¹ Leno pwalekhunchova okholenga khwa Yuda, omwana va Simoni Iskariote, pakhuva ale vemwene ale paninie na vale kumi na wawili, aveale ikhubera o Yesu.