¹ Osekhe ugwa sikhu idatu, khwalekho nu weng'ani khu Kana eya Galilaya nu mamaye Yesu alekho okhwa. ² U Yesu na vakongi va mwene vailangiwe khuweng'ani. ³ Osekhe uguyasilile edivai, uma maye Yesu akhavavula, "Valevu vule divai." ⁴ UYesu akhanda, "Uvedala eyoyi khonanga ekhekhi one? Usekhe gwango one bado sagufikhe." ⁵ Umamaye akhavavula avavombi, "Khyokhyoni egeyakhuva vikhuva vula vombaga." ⁶ Pakhuva pale na majelo sita agaliwe agavavekheli gakhukala va paselekhe eya vayahudi, khela lijelo lwale nuvujitu vwa mbili tatu. ⁷ U Yesu akhanchova, "Mudenche amagasi mumajelo aga mawe." Vakhadencha impakha pakhwanya. ⁸ Pu akhavavula avavombi vala, "Tola khedebe mukhelekhe khumbombi ombakha uva mesa." Vavombile nduluvasukhiwe. ⁹ Ombombi ombakha akhavonja amagasi agagagevwikhe ukhuva divai, pakhuva sakhalumanya ukhugakhumile (pakhuva avavombi avavatumile amagasi vagamanyile ukhugikhuma). Puakhamwelanga umbakha va wekhani. ¹⁰ Akhambula, "Khela munu ikhwanja ukhuvupilincha avanu edivai enonu vangagale ikhuvapa yeyo sanonu. Pakhuva uveve uvekhile edivai enonu mpakha olo" ¹¹ Ekhedego ekhwa khu Kana ya Galilaya, lwale lulutengulelo ulwa mivonekhelo egwa khedego ekhwavombile u Yesu, vukhwinula uluginwo ulwa mwene, pakhuva avakongi vamwene vakhamwidekha. ¹² Osekhe ogo, Yesu, umama vamwene, avalokololwe vamwene na vakongi vamwene valutile khukhelunga khwa Kapernaum puvakhatama okhwa akhasekhe khadebe. ¹³ Pakhuva ekhwakha khwa Vayahudi khekhasogile, pakhuva u Yesu akhalutile khu Yerusalemu. ¹⁴ Avavwene avagujanchi ava senga, ing'osi ne vingundya mugati mutembile. Navavi khupesanwe indalama vale igati mutembile. ¹⁵ U Yesu akhatengenesya ondegekhe ugule nefikhodekho, avakhuminehe vooni avale igati mutembile, pupaninie isenga nei ngosi akhadiuda indalama incha vavikhwu pesanya indalama nukhugevusya imeza inchavene. ¹⁶ Khuvala avaviguncha ifingondya, "Khencha ifinu ifi khutali naapa, bekhela okhovomba etembile eya Nguluve vango ukhuva khevanja khwa sokhoni." ¹⁷ Avakongi va mwene vakumbwikhe ukhuta yasimbiwe, "Uwivu uwa nyumba yakho vulandya." ¹⁸ Avavakha Avayahudi vakhanda, vakhambula, Yu njila yilekhu eyakha vuvonesya pakhuva vuvomba imbombo inchi?" ¹⁹ U Yesu akhanda, mugwesye etembile eye nayune nikhuyemekha akhasekhe kha sigono sidatu." ²⁰ Leno avavakha va Vayahudi vakhanchova, "Lwatolile akhasekhe akhamilongo arobaini na sita ukhujenga etembile eye nuve wita vukhulejenga akhasekhe kha sigono vitatu?" ²¹ Inave, omwene anchovile ukhuta etembile eya mbele ugwa mwene. ²² Pakhuva usekhe na khasekhe akhakhunchukha umwene ukhukhuma khuvafwile, avakongi vamwene valumanyile ukhuta anchovile evo, vakhedekha ovosimbe ne limenyu elyu Yesu akhumile pakhunchova. ²³ Pakhuva vuale khu Yerusalemu akhasekhe akha Pasaka, asekhe ugwa sikukuu avanu vingi valekongile elitawa lwamwene, pakhuva vakhalolile ekhedego ekhe khavombikhe. ²⁴ Pakhuva u Yesu alenchila lwedekho navene pakhuva ava manyile avanu vooni. ²⁵ Salekhunogwa umunu vevoni ukhumbula vuvalevo avanu pakhuva akhemanyile ekhelegati muvene.