¹ Valokolo lwango mlekhe ukukonga ulwidiko lwa nkuludeva uYesu Klisite unkudeva va vuvalanche pakuvavonela avange avanu. ² Ingave umunu uyunge angingele kwu lulundamano lwinyo afwalila, ipete icha sahabu ni myenda iminonu, khange angingele ugachu unya myenda imivivi, ³ mkatengula ukumwimika ficho ula unya myenda iminonu nukuta, "Siwo uveve tama apa pavunonu" khange mkambula uganchu ula uveve ima pala au tama pasi pamalunde gango." ⁴ Samhigana yumwe mwevene, nukuva vahegi mwe mvile na masage amavivi? ⁵ Mpulihichage valukolo lwango vagane, uNguluve savahalile avagachu va kilunga ukuva vatajili va lwidiko nu kuhala uvutwa uwa vavolile anganile? ⁶ Umwe mwibeda avaganchu savayili vavo vikuvatesya umwe, kange vuvavo avikuva kwegania kuvuhigi? ⁷ Sa vuvatayili uvo vikuliduka ilitawa lila ilinonu ilyo ili mkwelangiwa? ⁸ Hata lino ingave mkonga ululagilo lwa kivaha nduvu livigilwe mumbusimbe, "Vugana uvimlipaninye nduve vemwene," mwigaha vunonu. ⁹ Umwe ingave mukuva vonela avanu avange, mwitula inongwa, mhigiwa nululagilo ukuva mlivadenya lulagilo. ¹⁰ Ulwakuva yoyoni uvidwada ululagilo lwoni, kange ikhe bomieha nukhuta yimo avile nukudenya ululagilo lwoni. ¹¹ Ulwakhuva uNguluve atile vulekhe, "Uvuligu," vi yuywa khange uvyatile ulabudaga 'ulabuda' ingave savuligupa uve wibuda, uve udenyile ululagilo lwa Nguluve. ¹² Pwu mchovage nu kudwada ndavalo uvumlipaninie ukuhigi wa wavukhe. ¹³ Ulwakuva uvuhigi wukwincha khista kisa kuvala avanchila kisa. Ikisa khikheginia pakyanya pa vuhigi. ¹⁴ Kulivononu vukhi valokololwango ingave umunu nu ita, alinulwidiko humbe inchile mbombo? Ulwidiko yalukumpoka? ¹⁵ Ingave ulukulolwango udemi ung'inja ilonde imienda apange ikhakhulya kya khila linchova ¹⁶ uyunge akavavula lutaga nulunu nchehencho mkwotage umwoto, nukhulya vunonu," umwe samu khupa ifinu ifya mbili mugahile ndakhikhi? ¹⁷ Khange ulwidiko lwene khisita mbombo, yifwile. ¹⁸ Khange kwale umunu uyunge iwesya ukhunchova, "Ulinu lwidiko nayune nilinacho imbombo." Imbonesye ulwidiko lwako nayune nivanesya ulwidiko lwango mu mbombo. ¹⁹ Vukhwidika ukhuta kwulinu Nguluve yumo; lweli. pwu lino naga masetano nagope kwikhwedika nu khuhilila. ²⁰ Lino winogwa ukhulumanya uve vi munu vimpelwa, umluvelile ulwidiko khisita mbombo iyusayinogile? ²¹ Lino udada yitu uAbrahamu avaliliwe uwayilweli mmbombo upwu atolile umwana va mwene u Isaka pa nekhelo? ²² Mvilola ukuva ulwidiko lwa mwene lulikuvomba paninie ni mbombo nche mwene nchafikile uvunogwe vwa mwene. ²³ Uvusimbe vwafikele agita "UAbrahamu ali amwidike uNguluve, alikuvaliliwa ukhuva va yilweli." akhilongiwa mmanyani va Nguluve. ²⁴ Mwilola ukuva ku mbombo umunu ivaleliwa uvwa yelweli, nufwe kulwidiko vuvule. ²⁵ Khange sale vi Rahabu ummalaya ule ava leliwe uwa yilweli ku mbombo upwu avinginche avanu nu kuvahilikha ku nsewe ugunge? ²⁶ Ulwakuva ingave umbili gungave khista mwuyo gufwile vuyilivwo ulwidiko khisita mbombo lufwile.