¹ Ulwa khuva u Klisite atupile uvudehe pu tuve vadehe pwu mwemage nu uvugolofu msite ukhwibatiwa nu uvwusuhiwa. ² Lola ne Paulo, nihovavola ukhuta mngaheketiwe, Klisite sahavatange khu njila yoyoni. ³ Pwu nihovavola ukhuta hela angosi uveaheketiwe ukhuta yilondiwa akonganage nu lulagilo lwoni. ⁴ Mtengiwe khutali nu Klisite, voni "avivaliwa uvogolofu wa ndagilo, mgwile hutali nu lusayo. ⁵ Ulwakhuva hu njila ya mepo, nu luhungu tugulela uvujimu wa lweli. ⁶ Khwa Klisite Yesu uhukeketiwa nu ukhusitakeketwa sahulenamaana gogoni. Ulwedeho lwene lulovomba embombo ukhugenela ndu gaano, pwu hiva khenu. ⁷ Muhanyilaga imbelo vononu, veni akhavabenchinche ukhwedeka elweli? ⁸ Uwosongeleji uva khuvombe incho sawukhomane nu mwene yaywa avelangile umwe. ⁹ Ekhelunchi hedebe khiluncha pa vuvakha. ¹⁰ Nelenulohovohelo numwe mwa Nkuludeva ukhuta samhasage khu njila eyenge. Uyunge uvuyaheva ihovayacha yigega uhuhegiwa khwa mwene. ¹¹ Valokolo inave mpilagela ukhuheketa, khehi nigatanchiwa? Khu kherwekhehivekha ukhusiga ekidaming'ani khinangiwa. ¹² Vunogwe vwango ukhuta vavo vikhuvalongoncha fivi vikhelamia vavo. ¹³ U Nguluve avelangile umwe, valokolo, khu vudehe. Msite ukhuvovombela uvudehe wenyo insekhe gwa mbele. ¹⁴ Hulugano mvombelanilage yomwe khwa yomwe. Ulwakhuva indagilo nzoni nzigolwike mbu lulagilo lumo yinogiwa uhogana unino ndu weganile uve." ¹⁵ Leno mkalumanage nu hulichana, mwelolelage ukhuta samhenangania yomwe khuva yomwe. ¹⁶ Nihovavola ukhuta, mgendage mu mepo, samlavulekha uvonogwe wa mbele. ¹⁷ Ulwakhuva umbele kule nu uvonogwe vuvaha ulemehana ne numbula, ne numbula yele nuvonogwe vuvaha ukhulemehana nu mbele. Inchi chilemehana eyenge ne nine. Pu yehomile ukhuta samuvomba ifinu ifyo mwinogwa ukhuvivomba. ¹⁸ Engave e numbula yikho valongoncha umwe, samwiva ndolagelo. ¹⁹ Leno imbombo incha mbele inchivonekha, uvwuligu, uvwulami, uwvulyasi, ²⁰ inyesayo incha fikhwani, uvwuhavi, uvwuvivi, imbancha, amasago amavivi, elyoyo, ukhulemehana, ukhulehehana, ²¹ Ehetule, uvwuganchi, akhyoyona agange ndaga. Nikhovavonga umwe, ndu vavongile pavwutanchi, ukhuta vavovivomba ndago savahapate uvwukhale ndu deva lwa Nguluve. ²² Isekhe incha numbula ulugano, uluhekelo, luhungu, ukhweyumelencha, uwipa, ikhisa, ulwidikho, Uvwudehe, ne pavwudebe. ²³ Losikhuli ululagilo ulululemekihana nancho. ²⁴ Vwala avwa Klisite Yesu vwakhegiwe umbele nu uvonogwe vwa vene uvwuvivi. ²⁵ Tungatamage nu mepo, nukhugenda ne mepo. ²⁶ Tusite ukhuva nu kweginio, tusite ukhukalanchana khela munu nu nine, tusite ukhuva ne khetuule.