¹ Puleino mumbutanch, i wagooni nilonda uludoovo, ninyiesayo nukhundoovela nulusano fivombeekhage savuli ya vaanu vooni. ² Savuli ya vankuludeva na vooni vaavo valiembolongonchi ukhuta tuve vakhutama uutano uvulinulunenche hencho nukhusitakhula ngayiekha mumbuvalanche wooni nu wudwadwa. ³ Eili linoonu nalikwieekhiwa pamiho ga Nguluve upokhi vieto. ⁴ Umwene inogwa ukhuta avanu vooni vapokhiwe nukhuva vayiemanye eilweli. ⁵ Ulwakhuva khulie nu Nguluve yumo, na khulisayani yumo pagati nagati pa Nguluve nu munu uvi uyu vie Yiesu Kilisite. ⁶ Animinche yuywa nduluhombo khuvooni, ndiekhihwani khusiekhe ugwidiekhiwe. ⁷ Savuli ya eiyie une yune niapeliwe ukhuva eimbana valievangieli nuvusuhwa. Ninchoova uvudeeesi. Une niliema nyisi vavanu avapanchi mulwidiekho nielweli. ⁸ Puleino, ninogwa avagosi mwonimwoni vadoovage namavookho amavalanche gavaenchage mukyanya khisita iyoyo nukhusanisya. ⁹ Vuvuwa, ninogwa avadala vafwalage eimyenda gigyo gikhwidiekhiwa, mudundwaado nukhwisiga. Vasite ukhuva ninchwiele inchitiviwe, yieve lutalama, yieve lulu, ngive myeendagha adalama nyingi. ¹⁰ Hange vafwalage eimyenda eiginogelanile avadala avuvikhideekha ulwieekho ukhukona ni mbombo inonu. ¹¹ Udala amanyile mukhusitakhuva na matata nuvudwadwa wooni. ¹² Sanikhupa udaala uvulegefu wa khumanysya khuve khuva vulogonchi pavagosi, pu atamage mbusita khuva na mamenyu. ¹³ Pakhuva u Adamu apeliwe taasi punayu Eva. ¹⁴ U Adamu sasyoviwe, humbe udaala asyoviwe ficho mumbogalukhi. ¹⁵ Puleino, ipokhiwa mukhohola avaana, einave ouviveenchaga mulwideekho nulugano nambuvalanche nuluhala ulunonu.