¹ Lino, khukulongwi yakhavalilo, nu sikhi valukolo sapanogile ukhula kila khinu khisimbilwe khuliumwe. ² Pakhuva umule mwevene mulumanyile vunonu ukhuta ukha sikhi kha Daada khi khwincha nduu ndiasi pa kilo. ³ Pala upuvita "Khulivunonu nu luhekhelo" puapa uvuvivi vu kwincha ndu maamaa unyavu jitu. Savi ulesya khunjila yuyoni. ⁴ pakhuva umwe valukolo lwango musimuu muhisi ya vana va hisi. ⁵ Pakhuva va umwe mulivoni mulivoni mulivana va lumuli ne musi ufye satulivana va hisi. ⁶ Lino, tusite ukhugone lela nduvuvigonelela avigonelela ila tulekhe ukhugonelela tu ve mino. ⁷ Pakhuva avigonelela vigonelela pakilu na vigala vigala pakilo. ⁸ Pakhuva ufwe tulivana va pamusi, tuve miho. Tufuale ulwisifo lwa lwidikho nulugano, ne, khitili khwa khuma, kya vuyilweli wa vupokhi uwasikhi ugu kwincha. ⁹ Phakuva Daada satuhalile khu lioyo pavutengulilo, atuhali khu njila ya Untwa Yesu Krisiti. ¹⁰ O-lu vi mwene atufyilile ndatungave, miho tugone, ule lutamaya paninwe. ¹¹ Muchesanage nukhun'chengana yumwe khwa yumwe, nduvumuvomba. ¹² Valukolo lwango tudova mu va manye avivomba paninwe numwena vala avali pakianya paliomwe nu Daada na vala avikhuvavula. ¹³ Tukhuvadova muvamanye nu khuvapa ehesima khunjila ya lugano pambombo ncha vene. Muve nuluno che hencho igati ndiumwe. ¹⁴ Tuvadova valukolo hwango muvavule ava favigenda vunonu muvape amakha ava gatile. ¹⁵ Mulologe asite khuva pwale umunu vivoni uvchomba uvuvivi nu vuviv khumu vivoni. Uno pumuombage inonu khukhila munu na vanu voni. ¹⁶ Muhovokhage unisikhi gioni. ¹⁷ Mudovage bila khugatala. ¹⁸ Msanage kwa Daada khukhila mbombo, phakuva uvu wagane wa Daada khuli umwe mugati mwa Kilisti. ¹⁹ Msite ukhu chunya Umepo. ²⁰ Msite ukhubeda inunyamalago. ²¹ Mugelage imbombo choni. Mwibate elinonu. ²² Mwepage ukhuvonekha nu vuvivi. ²³ Unguluve va luno che hencho avadulusye inumbula nu mbili fidimiwage bila vuvivi hata ukwicha khwa Yesu kilisti. ²⁴ Umwene uvi avilangile igolofu hange vimwene ivomba. ²⁵ Valukolo, hwango mutudovelage. ²⁶ Muvaponwe ava lukolo letu voni nukhuchimba nuvu valanche. ²⁷ Nikhuvadova ukhugendela kwa Daada ukhuta ekalata iye mwimbe khu valukolo lwetu voni. ²⁸ Ulugano lwantwa vitu Yesu kilisiti luve paninwe numwe.