¹ Leino ukhukokana ni sango savuli ya vavalanche nduvunia valagile emipelela gya khu Galatia, na yumwe mvombage ewo. ² Mukhigono eikhitanchi eikya ndugu, khila munu evikhila khininie pakhulimbilincha ukhukongana nuvukavi wa mwene. ³ Nune yakhiva ninchile vola uvoyakhiva mwiva muvahalile payanikhuvasuha ni kalata, puvagege neisadakha yienyo impakha khu Yerusalemu. ⁴ Pu einave lunonu ukhuluta nayune yatwiva pupaninie nune. ⁵ Puleino ayanikhwincha khulyumwe yakhiva niluta khu Makedoni. ⁶ Pamo yanitama numwe eena, khihamo useikhe gyooni, ugwa mepo eiyinyahala, pu muve vakhungilikha khyooni ukhuniluta. ⁷ Ulwa khuva sanilonda ukhuva vona leino khuseikhi uguniluta nicnha vuvule, pakhuva nihuveila khulyumwe useikhi udebe uNwa aganange. ⁸ Puyanitama khu Efeso napa Pentekoste, ⁹ ulwa khuva neideinduliwe undyango umwelefu pu avingi vibeiga khulyune. ¹⁰ Leino u Timoti aninche mumbone ukhuta alienomwe mulekhe uvudwaanchi, ivomba eimbombo ya Ntwa nduvunivomba. ¹¹ Umunu uviavenchaga alekhe ukhubeida, nulunonchehencho, ukhuta pu ave vakhwincha khyulyune, nikhuguleila paninie na valokolo. ¹² Puleino lekhukongana nulukolo lweito u Apolo nikhasimelishe inche khulyumwe sinogwa ukhwincha leino, puyaikhwincha walinuseikhi. ¹³ Muve miho mwikanganche muvombe nda vanu avagosi avalienamakha. ¹⁴ Pu leino gooni ugu muvomba gavombekhe ndugano. ¹⁵ Muyimanyile eikaya eiya Stefana. Ukhuta vuvukilisite avatengunchi yu sadakha eitanchi eiya Akaya, navene veivekhila mumbombo eiya khuvatanga aveideekhi. ¹⁶ Muve vadekhedekhe khu vanu ndavo, na khumunu uveiavenchaga uveitangila mumbombo navavoombi paninie nufwe. ¹⁷ Nune nihovokha savuli yakhwincha khwa veene u Stefano, nu Fotunato, nayu Akiko. Pakhuva ava vamile ifingi fila ifyungale vuvule khyulyumwe. ¹⁸ Ulwa khuva vang'owisye einumbula yango ni yienyo pumuvankumbukhage avanu ndavo. ¹⁹ Emipelela eigya khu Asia vasuhile ulusamusyo khulyumwe u Akila nu Prisika vikhuvaponia munditawa lya Ntwa paninie nupelela ugalikhumiavavo. ²⁰ Avalukolo lwango vooni vikhuvaponia, pumuponaniage nulunchibo uluvulanche. ²¹ Une, nei Paulo, nisimba ewo neikhivokho khyango. ²² Eingave yieyoni saganile uNtwa pu ulukoto luve pamwene, veiNtwa veito winchage. ²³ Uluhungu lwa Ntwa uYesu luve namwe. ²⁴ Ulugano lwango luve paninie numwe mwa Yesu u Klisite.