¹ Kweego turatige kino twerikibhwe iguru ya amakerenio ga Kristo, erenderwa tubhwe no omukya okwererkera kubhuturya, tutatura kweki obhwemero okubha okurwa gatigati yemirimo gino gitana obhuhoru bhokwikirirya gatigati ye Eryoobha. ² Kweego obhwemero amegyo gokwibhurwa rwakabhiri, na kubhaturira amabhoko, okubharyora kubhaku erisinziro rya kimera. ³ Turakora ego kwookubha Eryoobha ⁴ Kwookubha itakunagika kubharya bhano bhakabhona obhweru bhano bhakasama obhunagya bhwekyaro, nokukorwa kubha nobhugwatani bhwe ekoro enzomu. ⁵ Nabhano bhakasama obhuzomu bhwering'ana rye Eryoobha nezinguru zeribhaga rinorikuza. ⁶ Bhakamara bhakagwa etakunagika okubhakyorya gatigati okusabha tobha. Yino okwookubha bhakamunyakya omwana we Eryoobha rwakabhiri kwe emieya gyabhu, bharamukore kubha ekigiro kyokuzabhura mwasi ⁷ Kwookubha hasi hakagega hembura yino ekatweka hayo hayo iguru yaye, nekarusha ebhyakurya ebhyaru kubhayo bhakoriri emirimo hasi, bharagega orubhango kurwa ku Eryooba. ⁸ Nawe arabhe aribhura amahwa na amanyaki, gatana kweki obhuzomu na gariho gatigati yebhibhuhu bhyo kwihimwa obhutero bhyaye ⁹ Ningabha turagamba ego, omusani omusegi, turusasama na amang'ana amazomu gokubhahusu emwe na amang'ana gokuhusu ebhitengereri. ¹⁰ Kwookubha Eryoobha ritari ibhihu atakweebha emirimo gyenyu kwoobhusegi bhuno mkerekenia kurina ryaye gatigati kyeego mkabhakorera okwikirirya na mukyenderera ¹¹ Naturaganya kubha owumwe wenyu okwerekya omuukya guurya guurya kyego obhutero obhuhene bhekisubhe. ¹² Tutakwenda mubhe bhatoobhu, nawe mubhe bhakutunirira bhano bhagabhiri obhurage kwookubha yo kwikirirya ¹³ Kwookuibha Eryoobha rikamuha Abrahamu obhuragye, akahidi kwomure ya gwaye, yangabheri atarushirye obhurage kumurikyaye wowosi wuno atari omukuru kumukira ewee. ¹⁴ Akabhuga, "Obhuheene ndikirirya, okwoongerya urwibhuro rwazo orukuru." ¹⁵ Kweenzira yino, Abrahamu akagega kino akaragirwa kyeego akaganyirirya ¹⁶ Kyeego aabhana bha aabhaatu bhakirahira kuunewe omuukuru wa bhoosi kinebho ne wabhu obhutero ezihaka gabhu gosi gakirahirwa kwokuga rorerera. ¹⁷ Eribhaga Eryoobha rikaamura okweereka kwa kwasi iguru wa abhagabhi bho obhuragye bhwaye.bhuzomu rino ritakwikyora akarorerera kwo obhuragye. ¹⁸ Akakora ego bhibhe bhigiro bhibhiri bhitakuangya okwokyora, kyeego gatigati we Eryoobha atakunagya kugamba orurimi, etwe tukaryarira okubhika tubhone okuhanwa ekoro kugwatirira kwa nguuru okuganyirira rino riteerwe obhuukangati ¹⁹ Tunakyo ekisubhe kyeego enanga ekikong'u okwisiga ezikoro zetu, ekisubhe obhukusikira mwosi inyuma yomwenda. ²⁰ Yeesu akasikira ahagiro harya kyomukangati wetu, aramare okukora muusengeri muukuru kimera kwokubha ya amahokya ga merkizedeeki.