¹ Kwahiyo tee turiture kubhukangati bhukong'u kuugarya twigwiri kukubha tutaaazo kwahurwa ² Kwookubha amakerenio gano akerenie noomutumwa ngaheene obhusorya bhwosigo noobhutingiro oranyora. ³ Turabhonabhwi okutigana na gayo aribha tutakutuanibhwa noobhuturibhwa bhuno obhukuru? Obhuturibhwa bhuno bhukangatiri okirorikwa na Taatabhugya no okurorererwa owetu bharya bhabhugiri. ⁴ Eryoobha ryosi rikabhurora kwookukwerekenia kurugurya na amatemyo makuru ga hagarihagiri osambirwe ezikoro zino yosondirwe okuring'ana na ameega gaye ⁵ Eryoobha ritateri ekyaro kono kikuza bhano tukukerenerya ekina kyaye iyasi woomtumwa. ⁶ Kwibhaga ryaye muutu mrebhe akamenyekerya ahagiro aharebhe akabhuga omutu niwi onagye kumuhita? Hamwe omwana woomutu ⁷ Omukoriri omutu kubha msuhu kukira omutumwa omwibhohirye ekofira yoobhweru yeetemwa enzomu (ogumirye amang'ana gano nomuturiri iguru wemirimo gya mabhoko gazo gayo kumahityo gekare). ⁸ Oteri ebhigiro bhyosi iyasi wa maguri gazo." Kwookubha Eryoobha riteri ebhigiro bhya bhatu bhosi hasi, etahatiri kigiro kiyo kyosi kino kitaroho iyasi waye, nawe bhono ego tutakurora kweki kigiro kino kiriyasi ⁹ Kweego turarora wuno yari akorirwe kwibhaga, eyasi kukira omutumwa Yeesu, wuo kwookubha yokukunyakibhwa kwaye no oruku rwaye, yibhohibhwe ekofira yobhurabhu ne etemwa enzomu, bhuyo bhiono rwenokwe ye Eryoobha, Yeesu akononweri oruku kwookubha ya bhatu bhosigo. ¹⁰ Ekabha bhwahene kwookubha ye Eryoobha kwakubha ebhigiro bhwosigo bhiriyasi waye nokuhitiri ewe, erenderwa kubhareta abhana abharu kuubhweru nokubiha akenderwa kumuora mukangati gatigati woobhuturya bhwabhu omugima kuhitira nezinyako ¹¹ Kwookubha bhoosigo bhabhiri wurya wuno akuterwa amabhoko na bharya bhano bhakuturwa ambhoko, bhoosigo bharareka temwa yimwe, Eryoobha kwookubha yino wurya wuno akubhatura amabhoko kuu Eryoobha atakurora gosi kubhabhirikira bhahiri. ¹² Akabhuga ndabhararikira erina razo kubhahiri bhane, ni rembe awe orwe mwosi ¹³ Kweki akabhuga, ndikirirya kunewe kweki, Roma hayo niho nabhana bhano Eryoobha aniheri. ¹⁴ Kwookubha abhana bhe Eryoobha bhoosi okusikirya noomubhiri na manyinga, ego ego akagwatana ebhigiro bhirya bhirya kwookubha ego ni bhuhene bhwaye. ¹⁵ Yino yari ego anagye kubhatura abhe noomweya bharya bhosi hakuhitira noobhwobha bhworuku noobhwikari ¹⁶ Kwoobhuheene Maraika bhano bhakubhasakirya. Kuumweya gwaye, arabhasakirya abhwibhurwa bha Abrahamu. ¹⁷ Kwookubha ehabhanga kubhuhatiko bhwaya abhe kyoomuhiri murikyabhu; kuzingira okwenda abhe omuzama omukuru wa okwabhira noowobhuhene kuubhigiro Eryoobha, nookibha abhe noobhunagya bhwokurusha amabhiro kwoobhusaarya bhwabhatu. ¹⁸ Kwookubha Yeesu omweene anyakiri, kusakibhwa, anamang'ana gookusakirya bhano bhasakibhwwe.