¹ Kureka khu kumukaruka kugya khu kumukari omugungibhwa na bhana bhaye, bhano bhasegirwe na abhatu bhoose ntarii omwene omubhasegi. ² Kwookubha yo bhuheene bhunu tunabhwe na bhunu turikare nabhwe kimera. ³ Orubhango, amabhira, obhurengererenia turabhubhona kureka ku-Riobha rya mwisaro no Omwana waye Yeesu kubhusegi bhe ⁴ Ndazomerwa bhukong'u hano ninyoriri abhaana abhandi bharagendererya neeng'ana ye eheene, kyeego twagatiri amaragiriryo kureka Kutata. ⁵ Na bhoono ndakuragirirya omukaryoono etari kubha ndakukamiira maragiriryo mahya, nawe nigarya garya twakabheri nago kwema obhutangiiro, kubha turenderwa kusegana abhene kwa abhene. Obhusegi bhuyoo mbwebhukwenderwa tubhe nabhwe kyeego amaragirisyo gaye gari. ⁶ Gano nigo amaragiriryo, mwigwiri kwema obhutangiro, kubha murenderwa ⁷ Kwookubha abhang'enererya bhanyaragene mukyaro, na bhatakwirirya kubha Yeesu Kristo akaza kuhitira omibhiri. Wuyo niwe omung'enererya noomwangi wa Kristo. ⁸ Mwirihe abheru mutabhurya amang'ana gano mukoreri emirimo muhabhwe ⁹ Wuno woosi akugya embere na atarihamwi na amegyo gha Kristo atana Eriobha. na wuno woosi akugwaata ameegyo gayo arihamwe na Wise noo Mwana woosi. ¹⁰ Aribha omuutu araaza oweenyu atakukerenia ameegyo gayo mutamukerya na mutamsikirya munyumba yenyu. ¹¹ Kwookubha wuno akumukerya agwateni nawe kumahokya ¹² Nina amang'ana amaru gokukamira, nawe ntendiri kukukamira kwing'ana noobhwino. Nawe ndiseega kuuza owenyio tukerenia turarorerana kumeso obhuzomererwa bhukoreke. ¹³ Abhibwa bhenyu bha kumusubhati omukangati bharabhakerya.