¹ Kwokubha emwe abhene mumenyiri, abhahiri, kubha ubhuzi bhwetu kunemwe bhutabheri bhusa. ² Omenyiri kubha mubhutangi tukanyaka na bhakatukora kwe ezisoni erya Firipi, kwego mumenyiri twabhang'a nekisubhe ghati kuu Eriobha kukyerena ekino kyee Eriobha na mwosi weenyako ³ Kwookubha amatong'ero getu gatakurwera mubhubhi, nabhee hata mubhunyaka, nabhe hata mubhung'eni. ⁴ Muumwenya gwaye, kyabhurya twikiriribhwe nee Eriobha nookwikiriribhwa, ekina nigotuhaya. Turahaya, nawe okurizomeerya Eriobha. Ewe omwene niwwe akusungurirya emitima ⁵ Kwookubha tutakoreri amang'ana gookwirakang'atirirya eribhaga ryo siryosi. ⁶ Neno tutamuhire obheru kuubhatu kurwera kuunemwe na kubharinda tung'anagirye okutunia okusegwa bhung'omu kyo omubhagati waa ⁷ Kuuumenya gwaye twabhaga bhanyohu ghati wenyu kyego mayi akubhasekerera abhana bhaye erewe omwene. ⁸ Kwanzira yino twabhaga kuuenemwe. Twari tuukirirye okubha gwatyana kiteri ekina kyene kye Eriobha nabhe onobhwikari obhwetu abhene kwookubha bhasegwa bhetu. ⁹ Kwookubha abhahiri, bharahituka neemirimo neenyako yetu obhutiku noomwisi twabhaga turakora emirimo turende tutazatukamuritohera wowosi. Eribhaga riyo tukabhahekerenerya ekina kyee ¹⁰ Emwe nabhatania nee Eriobha ryoosi hamwe kuubhweru bhwate mwaki, ehene, neetabha maroro kyego tugendiri abhene bhubhukangati bhwenyu bhano mukwikirirya. ¹¹ Bhuyo bhuyo mumenyiri niitemwaki kukira owumwi wenyu, kyego tata yari kubha na bhaye ¹² kubhakumirirya nookubhaturira omutima. Tukarora kubha muhenderwa kugenderya kwego bhari obhubhirikiribhwenyu kwee Eriobha yabhabhirikiri kuuhutemi noobhweru ¹³ Kwookubheego turarikumya Eriobha kweki kwibhaga ryoosi. kwookubha kwiiribhaga rino mwagegiri kureka kunetwe amang'ana ge Eriobha gano mwigwwri, mkagega etari kya amang'ana ga-abhatu. Kwibhaga ryaye, mkagega kyeego eheene ehabha, ering'ana ye Eriobha. Ni eng'ana yino ekuhokya emirimo kunemwe bhano ¹⁴ Kwego, emwe, abhahiri, mubhe abhatu bhokweega mumasengero gee Eriobha gano gari mubhuyahudi kuu Kristo Yeesu. Kwookubha emwe mwosi mukanyaka kumang'ana garyagarya kurwa kubhayahudi. ¹⁵ Bhaabhaga niabhayahudi heno bhakumwiita Tatabhugya Yeesu hamwe na abharoti. Niabhayahudi nibho bhano bhakatuhebha kuhuruka igutu. ¹⁶ Bhatazomeri Eriobha niabhabhisa kuubhatu bhoosi. Baakaturibhira tutige kuhaya niebharo bhaze bhabhone okuturibha. Amahurukyo gaye niokubha bharagendererya noobhubhi bhwabhu. Obhurusiro kwookutinda bhwiziri iguru ¹⁷ Etwe, abhahiri, twabhanga twahukeni naneemwe kwiibhaga igahi, kumibhiri, tari muzikoro.Twakoriri kwoobhuniaga neenamba ekuru kurora obhuso bhwenyu. ¹⁸ Kwookubha tukenda okuza kwenyu, enye Pauro, kwoorunga orumwe noorunga rundi, nawe shetani rikaturibhira. ¹⁹ Kwookubha kukwiisiga kyeeribhaga erindi, hamwe kuzomererwa, hamwe esambwe yookwihema kubhukangati bhwa Tatabhugya wetu Yeesu iribhaga ryookuza kwaye? Awe mtaneemwe iguru kyeego bhari bhandi? ²⁰ Kwookubha emwe noobhweru nobhuzomererwa bhwetu.