¹ Kulawa kwa mulala kuita kwa mwanamke mteule na wanage, ambao nowapenda munaikweli na si niye muhala, bali na wose waja oimanya kweli, ² kwa sababu ya kweli ili mgati mmwetu na yonda idumu hamwe na cheye milele. ³ Neema, rehema, amani zizakuwa na cheye kulawa kwa MulunguTata na kulawa kwa Yesu Kristo, Mwana wa Tata, muna ikweli na pendo. ⁴ Nodehng'elela hng'ani kwamba nigundua baadhi ya wana ogenda muikweli, kama via vichiihokele amriino kulawa kwa Tata. ⁵ Na sambi nokusihi weye, mwanamke, mwanamke, siyo kwamba nokwandikila amli mpya, bali ichikalile nayo kulawa mwanzo, kwamba kiipende cheye kwa cheye. Na uno ndiyo upendo, cholondeka kuita nao kama viili amli yake. ⁶ Ino ndiyo amli ija, kama vumuhulike kulawa mwanzo, kwamba molondeka kuiita katika uo. ⁷ Kwa kuwa wavwizi wengi wamema muulimwengu, na hawatogola kwambaYesu Kristo keza muna ulukuli. Inon diyo mvwizina mpinga Kristo. ⁸ Iloleni wenyego kwamba hamwagiza mbuli zia zichitendele kazi, mbali ili kwamba mdahe kudihokela gweko kamili. ⁹ Yoyose yogendelele mbele na huduma muna difundisho da Kristo, kabule Mulungu. Ija yodumu muna difundisho kanayo Tata na Mwana ivia. ¹⁰ Kama muhnu kokwiza kumwenu na hagala fundisho dino, seka mumkalibishe mzikae zenu na seka mumulamse. ¹¹ Kwa kuwa yonda yamulamse kahamwe muna zimbuli zake za chakachaka. ¹² Nina mbuli nyingi za kukwandikila , na silondile kugandila kwa karatasi na wino. Mbali nolonda kwiza kumwenu na kulonga meso kwa meso kwamba ndehng'ela yetu ikale goya. ¹³ Wana wa mwali wenu mteule owalamsa.