¹ Nipele sambano tujileje uli?tujendelechele kusigala mu sambi kuti umbone wa akunnungu upunde? ² Ngwamba.patukusala nkati machili ga sambi syasili mwetuwe uweji tulimpela watuwile ana tukumbole uli kutama sooni mu sambi? ³ Pakuwa nkumanyilila kuti twabatiswe nkulumbikana ni kilisto che yesu kwa litala lya ubatiso twalumbakene nawo mu chiwa chao.? ⁴ Patwabatisilw twalumbikene ni chiwa chao ni kusikwa pamo nawo kuti mpela iwatite pakusyuswa kilisto mu wawe kwa litala lya ukulu wa atati iyoyo peyo noweji tukombole kutama mu umi wa sambano. ⁵ Pakuwa iwaga twalumbikene ni kilisto kwa chwa chao iyoyo peyoi tutulumbikene nawo kusyuswa mpela welewo. ⁶ Tukumanyilila kuti wende wetu wa kalakala wawambikwe pa nsalaba ni kilisto kuti chiilu cha sambi chijo nasiche tukusitumichila sooni sambi. ⁷ Pakuwa mundu jwawile jwawile ngakuwa sooni pasi pa mchili ga sambi syasikupanganya nkati mwao. ⁸ Nambo iwaga tuwile pamo ni kilisto tukukulupilila kuti chikutame pamo nawo. ⁹ Pakuwa tukumanyilila kuti kilisto asyuchile nombewo ngwa sooni. pakuwa chiwa ngachatawala sooni. ¹⁰ Pakuwa wawile kamo pe kwa ligongo lya sambi ngaawa sooni nambo kwakutama sambano akutama nkulumbikana ni akunnungu. ¹¹ Itoyo peyo ni wanyamwe nombe nliwalanje wawe nkati nganija machili ga sambi ni kutama pamo ni akunnungu nkulu mbikana ni kilisto yesu. ¹² Nipele nkasileka sooni sitawale mu lilu yenu ya kuwa kuti nkasijitichisya tama sya pachiilu. ¹³ Kasinyikoposya iwalo yenu nachiwamuno chimo kwa ligongo lya kutenda sambi nambo nlityosye mwachinsyene kwa akunnungu nti wandu wasyuswe ni nnyotyosye iwalo yetu itumiche kwa kupanganya yambone paujo pa akunnungu. ¹⁴ Sambi sinantawale sooni ligongo nganimma paasi pa malajisyo nambo nkulongoswa ni ntuuka wa akunnungu. ¹⁵ Nipele tujileje uli?ana tujendelechele kutenda sambi pakuwa nganituwa paaasi pa malajisyo nambo tukulongoswa. ¹⁶ Nkumanyililanga kuti mwalityosyaga mwachisyene mpela achikapolo kwa kunjitichisya mundu jwine isyene nkuwa achikapolo wa mundu mwawaga achikapolo wa sambi kwajichisya akunnungu mbesi jakwe nkutendekwe kuwa wambone paujo pao. ¹⁷ Nambo ngwatogolela akunnungu mwaliji achikapolo wa sambi kalakala ko nambo sambano mpochele kwa ntima wose wauli mmajiganyo gimpochele. ¹⁸ Mmombochekwe kutyochela mu ukapolo wa sambi ni sambano mmele achikapolo wakupanganya yaili yambone paujo pa akunnungu. ¹⁹ Nguwecheta kwa malowe ga mowa gose pakuwa ngankukombola kumanyilila pakuwa kalakala mwalityosisye iilu yenu mme achikapolo wa usakwa ni ugombomalo iyoyo peyo sambano paujo pa akunnungu kuti nkombole kuswejeswa. ²⁰ Pamwalinji achikapolo wa sambi nganintawikwa kupanganya indu yambone paujo pa akunnungu. ²¹ Ana mwapochile chichi pa mowa go pamwangenye indu yankuwona kuti ili ya soni sambano jino pakuwa kumbesi kwa indu yo kuli chiwa. ²² Nambo sambano mmasile kuwombolwa mu ukapolo wa sambi ni kutendekwa achikapolo wa akunnungu chinkupoka sambano chili kutama mu kuswejeswe kwakukwikanawo umi wa mowa gose pangali mbesi. ²³ Pakuwa mbote ja sambi jili chiwa nambo ntuuka waakukoposya akunnungu uli umi wa mowa gose pangali mbesi mu kutumbikana ni kilisto yesu ambuje wetu.