¹ Che yesu wasalile wakulijiganya wao kuti ngaikomboleka kuti ikatyochela yakunlwesya ni kukola samboi nambo ulaje kwa jwakwikanamo yakulewesya. ² Ikalji mbaya jwakwalesya atawikwe lisyagulo pa lukusi ni kwaponya mu bahali kupunda kunsiwilila jumo jwa achanandi. ³ Nkilochesye mwachisyene mpwenu alewaga munjamuche iwaga chaleche sambi munnechelesyue . ⁴ Atamuno annewalaga mala saba pa lyuwa limo ni kuuja kukwenu mala saba achityi lesile sambi nkusachilwa kunnechelesya!'' ⁵ Achindina waasalile ambuje che yesu kuti ntujonjechesya chikulupi. ⁶ Ambuje wajanjile nkaawakwete chikulupi atamyuno chamwana chati mpela lusongolo lwambana nnope mpela lwa haladali nkakombwele kumbisalila chitela cha nkuju chi nkalipandisye mu bahali nombe chikajitichisye. ⁷ Nambo jwapi mwa wanyamwe jwakwete kapolo jwakulima pane jwakuchinga ngolondo pakuja kutyochela kugunnda akunsalalila katema kakoko peko njise kwachitema kundye chakulya? ⁸ Ngawa chansalile kuti mungulumichisye chakulya mmeje chile kwa kundumichil mpaka pachimalisyo kulya ni kung'wa nomweji ni pachinye ni kungwa.? ⁹ Ana ngati ambuje chantogolele kap[olo pakuwa amasile kupanganya walamulikwe? ¹⁰ Iyoyopeyo ni wanyamwe pachimmale kupanganya yose wabnkamulile nsaleje kuti uwe tuli achikapolo tupanganyisye masengo agala pe gatuwajilwe nago.' ¹¹ Che yesu pawajaulaga ku yelusalemu wajesile mmupika wa ku samalia ni ku galilaya. ¹² Pawajinjilaga mu nsinda umo wandu likumi wa matana waichile che yesu ni kwima kwakutalichila. ¹³ Wanyanyisye achilji che yesu ambuje ntukolele chansa,'' ¹⁴ Che yesu pawaweni waasalile njaulangane nkalilosye kwa wambopesi nombe wanyawo pawajaulaga kweleko waswejele. ¹⁵ Jumo jwa wanyawo pawaliweni kuti amasile kulamwa wausile annkwakusya akunnungu achinyanyisyaga. ¹⁶ Wagwile manguku pa siyo si chje yesu achalogolelaga mundu waliji msamalila. ¹⁷ Nambo che yesu wausisye ana ngati waliji wandu likumi wawaswejeswe? ali kwapi tisa wala? ¹⁸ Ana ngapagwa wandu wane wausile kukwalogolela akunnungu ikawe jwakwikape? ¹⁹ Nombe che yesu wansalile mundu kuti, njimuche njaule chikulupi chenu chinnamisye.'' ²⁰ Katema kampepe mafalisayo wausisye che yesu kuti ana umwenye wa akunnungu ukwika chakachi nombewo wajanjile umwenye wa akunnungu ngaukwika kwakulolecheka. ²¹ Atamuno menema ngapagwa juchakombile kusala nnole uli akuno pane uli apala pakuwa umwenye wa akunnungu pasikayti jenu.'' ²² Sooni waasalile wakulijiganya wao kuti, gakwika mowa pachinnajile kulila lyuwa limo mwa mowa ga mwana jwa mundu nambo nganlina. ²³ Ni wandu chachinsalila kuti, nnole ali ako pane nnole ali akuno nambo wanyamwe atamuno kwakuya. ²⁴ Pakuwa chiwe mpela pajikumesya ni kulileka kwiunde kose, iyoyom peyo ni ichichiwe pa lyuwa lya kwika kwake mwana jwa mundu. ²⁵ Nambo gakanjawe gelego akusachilwa asauche nnope ni kukanikwa ni wandu wa uwelesi. ²⁶ Mpela iyalji pa mowa ga kwika mwana jwa mundu. ²⁷ Wandu walkyaga ni kung'wa walombelaga ni kulombwa mpaka lyuwa lwajimjilaga che nuhu mu ngalawa je kulungwa lila nipele jaiche ula jekulungwa nnope ni kwajinaga wose. ²⁸ Iyoyopeyo ni ichiwe mpela iyalji pakutyochela pa mowa ga che lutu wandu walyaga ni kung'wa wasumisyaga ni kusuma wapandaga mbeju ni kutawa majuumba. ²⁹ Nambo lyuwa liwakopweche che lutu msodoma lila, mooto ni chibiliti yatulwiche kutyochela kwinani nti ulani kwaulaga wose. ³⁰ Ilaila peila ni ichichuwa pa lyuwa ltya kwika mwana jwa mundu. ³¹ Wapundile kuwecheta lyele lyuwa lyo jwalijose ju chawe paasa nyuumba kasanjila kukujigala chipanje. ³² Nkumbuchile iyasimene wankwao che lutu. ³³ Mundu jwaljose jwakusaka kuukulupusya umi wakwe chaujase ni mundu jwalijose juchaujase umi wakwe chaugose. ³⁴ Ngunsalila kuti chilo cho wandu wawili chagone pachindanda chimo jumop chagigalikwe ni jwine chadhilekwa. ³⁵ Achakongwe wawili chachiwe aninkusyaga pampepe jumo chajigalikwe ni jwine chachilekwe,'' ³⁷ Wakulijiganya wausisye kuti ana kwapi ambuje?nombe che yesu wajanjile kwaula ntembo kweleko ni kucha kasongangane achikapungu.''